Arquivo da categoría: Curso Actual

Continúa o Intercambio Lingüístico e Cultural co IES Perdouro de Burela e chega a quenda de coñecer esta vila mariñeira!

O alumnado de segundo da ESO do noso instituto foi recibido no centro educativo de Burela polas persoas coas que xa levan seis meses escribíndose no marco do intercambio organizado polo Equipo de Dinamización Lingüística do noso centro, co apoio do Departamento de Lingua Galega e Literatura.

Seguir lendo Continúa o Intercambio Lingüístico e Cultural co IES Perdouro de Burela e chega a quenda de coñecer esta vila mariñeira!

CONVOCATORIA DE BOLSAS DE EDUCACIÓN DO MINISTERIO PARA O CURSO 2024/25

Desde o 19 de marzo ás 9:00 h. ata o 10 de maio ás 15:00 h. está aberto o prazo para solicitar as bolsas do Ministerio de Educación, Formación profesional e Deportes para o curso 2024/25, tanto para Bacharelato, FP e outros estudos, como para estudos universitarios (Grao e Máster).
Toda a información pode consultarse no enderezo https://www.becaseducacion.gob.es, así como no resumo publicado aquí debaixo.

Seguir lendo CONVOCATORIA DE BOLSAS DE EDUCACIÓN DO MINISTERIO PARA O CURSO 2024/25

XORNADA DE ORIENTACIÓN ACADÉMICA E PROFESIONAL PARA O ALUMNADO DE EDUCACIÓN SECUNDARIA E BACHARELATO

O vindeiro xoves 14 de de marzo o noso alumnado de 4º ESO e 2º Bacharelato visitará a III Feira de Orientación académica e profesional do Concello de Oleiros, dirixida ao alumnado de formación profesional, educación secundaria e Bacharelato e situada no Pavillón Arsenio Iglesias de Santa Cruz.

Seguir lendo XORNADA DE ORIENTACIÓN ACADÉMICA E PROFESIONAL PARA O ALUMNADO DE EDUCACIÓN SECUNDARIA E BACHARELATO

ACREDITACIÓN DA COMPETENCIA DIXITAL DO ALUMNADO

A Dirección Xeral de Ordenación e Innovación Educativa vén de publicar as instrucións para a acreditación das competencias dixitais do alumnado que curso 4º ESO e 2º Bacharelato no curso 2023-24.

Segundo ditas instrucións, a obtención do título de graduado/a en ESO ou de Bacharel acredita o nivel de iniciación e o nivel intermedio (nas áreas de dominio 1, 2, 3 e 5), respectivamente. Pero o alumnado que desexe acreditar o nivel intermedio completo poderá presentarse a unha proba específica que se realizará no centro.

A inscrición na proba específica farase entregando na secretaría do centro o anexo IV das instrucións. O prazo para facelo remata o día 15 de marzo (incluido).

Asemade, as persoas que obtivesen o título de ESO nos cursos 2021-22 e 2022-23 tendo participado no programa E-Dixgal nun mínimo de tres cursos académicos poderán solicitar a acreditación das competencias dixitais, presentando o anexo V das instrucións entre o 2 e o 15 de maio.

Toda a información desta convocatoria pode consultarse no seguinte enlace: https://www.edu.xunta.gal/portal/competenciadixital/alumnado

Teatro en Lugo

Un ano máis os amantes e as amantes da mitoloxía clásica acudiron ás representacións teatrais que tiveron lugar o pasado mércores en Lugo no marco do Festival de Teatro Grecolatino. Risas e bágoas da man das obras Anfitrión e Medea, postas en escena pola compañía teatral coruñesa Noite Bohemia. Do noso centro acudiu o alumnado con materias do departamento de Latín.

PROBAS DE ACCESO A CICLOS FORMATIVOS DE GRAO MEDIO

Do 26 de febreiro ao 8 de marzo de 2024, ambos incluídos, está aberto o período de inscrición para a realización das probas de acceso a ciclos formativos de grao medio.
Tanto a Orde do 21 de decembro de 2023 pola que se regulan as probas de acceso aos ciclos formativos de grao medio e de grao superior de formación profesional do sistema educativo e se convocan para o ano 2024, como a información sobre os requisitos para presentarse ás probas, contido das mesmas, calendario, etc., pódense consultar no seguinte enlace: https://www.edu.xunta.gal/fp/probas-acceso-ciclos-formativos-grao-medio-comezo-periodo-inscricion-convocatoria-2024

CONVOCATORIA DE PROBAS ESPECÍFICAS DE ACCESO AOS ESTUDOS DE GRAO EN CIENCIAS DA ACTIVIDADE FÍSICA E DO DEPORTE DA UNIVERSIDADE DA CORUÑA (UDC)

Xa está publicada a convocatoria das probas específicas de acceso aos estudos de Grao en Ciencias da actividade física e do deporta da Facultade de Ciencias do Deporte e a Educación física da UDC. Toda a información sobre o procedemento de inscrición, calendario das probas, requisitos, etc. pode consultarse no seguinte enlace: https://inefg.udc.es/index.php/pruebas-especificas-de-acceso/2012-03-10-09-24-14

VIAXE DE INMERSIÓN LINGÜÍSTICA EN VANNES

Do 15 ao 23 de febreiro o alumnado de Bachibac 1 realizou unha estadía de inmersión lingüística no Lycée Saint François-Xavier de Vannes, segundo se contempla no plan de estudos deste programa de dobre titulación Bacharelato-Baccalauréat.
Ao longo destes días, o noso alumnado acudiu regularmente a clases no lycée bretón e viviu coas familias dos seus “correspondants”. Asemade, puido realizar diversas actividades e saídas extraescolares, incluíndo as excursións ao Mont Saint-Michel e a Rennes e a visita guiada polo centro histórico de Vannes, na que tivo mesmo o privilexio de visitar o edificio histórico da casa do concello desta localidade.
Desde o Neira Vilas queremos agradecer á comunidade do Saint François-Xavier e, moi especialmente á profesora Élodie Quidu, así como ao alumnado francés e as súa familias, pola amable acollida e a magnífica oportunidade de inmersión na lingua e na cultura francesas que nos brindaron. Agardámosvos en Perillo ao comezo do curso que vén para completar este intercambio escolar.