Arquivo da categoría: Departamento de Francés

Visita do alumnado do Lycée Notre Dame D’ Espérance de Saint Nazaire

Recibimos no noso Centro, durante os dias 23 e 24 de outubro, 12 alumnas e alumnos de 1º e 2º de Bacharelato (Première et Terminale) que estiveron acompañados das profesoras Cécile Capdeville et Estelle Cervelli Journou.
A cidade da que veñen chámase Saint Nazaire, do Departamento de Loira Atlántico e na rexión dos Paises do Loira; na desembocadura do rio Loira . É famosa polas instalacións portuarias e polos seus asteleiros. Seguir lendo Visita do alumnado do Lycée Notre Dame D’ Espérance de Saint Nazaire

Meryem Sbaa, a nova auxiliar de Francés

مريم السبع الأستاذة المساعدة الجديدة للغة الفرنسية

O IES Plurilingüe Xosé Neira Vilas, único centro en Galicia con Sección Plurilingüe en Francés e tamén o único a ofertar o BACHIBAC de Galicia, ten o privilexio de acoller a Auxiliares de Conversa dende hai varios anos e o alumnado de francés de poder aproveitar para mellorar a súa competencia lingüística e ao mesmo tempo coñecer a través deles culturas de diferentes nacionais que lles servirán para o seu desenvolvemento persoal.
Este ano contamos con Meryem Sbaa de nacionalidade marroquí e natural de Sidi Slimane onde fixo o seu Bacharelato na opción Letras Modernas , sendo a primeira da súa promoción. Seguir lendo Meryem Sbaa, a nova auxiliar de Francés

2ª promoción de Bachibac-Galicia do IES Plurilingüe Xosé Neira Vilas

Bachibac 2017En nome de toda a Comunidade Educativa do IES Plurilingüe Xosé Neira Vilas dámoslle a nosa mais sincera felicitación polo éxito acadado na Proba Externa do Bachibac, ao aprobar, con moi boas notas, e obter así o título do BACCALAURÉAT francés os 6 alumnos que conforman esta 2ª promoción Bachibac-Galicia.
Moita sorte na nova etapa que comeza e tamén moitos éxitos para todos eles !!!!

Os xornais xornais fan referencia á nova promoción nas súas páxinas:

“La Opinión”

“La Voz de Galicia”

Ademáis o xornal “La Opinión” publicou, o día 21/05/2017, un artigo sobre o Bachibac no noso centro co título “La excelencia del Neira Vilas”.

O artigo recolle declaracións dos profesores Xosé Antón García e Carlos Vidal López.

Máis información…

IXº Intercambio Escolar // Chegada a Oleiros do Alumnado Francés.

O próximo  sábado día  13 de maio  chegarán a Oleiros 30 alumnas e alumnos do colexio  COLLÈGE NOTRE DAME LE MENIMUR DE VANNES. O alumnado francés acolleu aos rapaces e rapazas do noso centro que participaron no Intercambio e que xa estiveron en Vannes.
Estarán acompañados de 3 profesoras, unha delas xa moi coñecida entre nos a profesora Catherine Le Blay. Coma sempre teñen unha axenda moi apretada e aproveitarán para visitar A Coruña, Santiago de Compostela, as Rias Baixas e  para acercarse a Portugal; teremos o sábado 20 de maio a tradicional “Cea da Amizade “ no Centro Cívico de Santalla – Santa Cruz que o Concello de Oleiros nos cede habitualmente. O regreso a Francia está previsto para o día 24 deste mes de maio .
Desexámoslles unha boa estadia e que disfruten da nosa terra.
O IES Plurilingüe X. Neira Vilas así como o profesorado organizador do Intercambio agradecen a colaboración das familias  e esperan que a experiencia do Intercambio sexa moi positiva e enriquecedora.

O alumnado debate con Laurent Binet

O pasado 25 de Abril o alumnado de 4º de Historia plurilingüe tivo a ocasión de debatir por video conferencia con escritor Laurent Binet, premio Goncourt de novela, sobre o seu libro HhH.

A obra transcurre na Segunda Guerra Mundial e narra a biografía do dirixente nazi Reinhard Heydrich , xefe da Xestapo, quen convocou a conferencia de Wammsee onde se planificou o exterminio dos xudeos. Heydrich foi a Praga onde se convertíu no artífice da violenta represión contra os checos. A novela desenvolve a Operación Antropoide, unha conspiración co obxectivo de realizar un atentado no que asasiñar a Heydrich.
O acto está enmarcado dentro das actividades de lembranza da Shoah e con motivo do 75° aniversario da conferencia de Wannsee.

Nela, o alumnado de 4 ESO de Xeografía e Historia plurilingüe que fixera a leitura do mesmo e xa realizara a posta en común na aula, preguntou ao escritor sobre diversos aspectos da obra. A videoconferencia e participación do alumnado levouse a cabo integramente en francés.

Viaxe Europea 2017

Viaxe Europea 201749 alumnas e alunmos da Sección Plurilingüe e de BACHIBAC realizaron a, xa tracidional, “VIAXE EUROPEA”, entre os dias 28 de marzo e 2 de maio. Visitaron o norte de Italia para coñecer as cidades de Milán, Florencia e Turín.
A cidade base foi MILANO/ MILÁN onde visitaron  o Duomo, Galleria Vittorio Emmanuelle, Parco Sempione, Bosco Verticale, Palazzo Lombardi, Piazza Gae Aulenti, Piazza Affari etc.

En FIRENZE/ FLORENCIA puideron coñecer a Galleria dell’Accademia, Duomo, Galleria degli Uffizi, Ponte Vecchio, etc.

En TORINO/TURIN estiveron no  Museo do Cinema, Piazza Castello, Duomo, Parco Valentino,etc.

Enlace ás fotos da viaxe…

Galería de fotos:

IX Intercambio Escolar I.E.S.Plurilingüe Xosé Neira Vilas De Oleiros-Collège Notre Dame de Vannes

Un total de 36 alumnos de 2º, 3º, 4º ESO, 1º de Bacharelato e BACHIBAC 1 participaron no IX ÉCHANGE SCOLAIRE que tivo lugar entre os días 28 de marzo e 8 de abril. Estiveron acompañados dos profesores D Xosé Antón García , Juan Santamaría e Carlos Vidal.
Durante a estadía en Vannes (Francia), o alumnado do Neira Vilas realizou diversas actividades : visita á rexión da Bretaña francesa (Carnac, Quiberon , Mont Saint Michel, Saint Malo, etc.); tamén asistiron  ás clases no Collège-Lycée Notre Dame Le Menimur.
O alumnado BACHIBAC fixo unha inmersión lingüística reforzada para a preparación da proba externa que realizarán estes alumnos en maio de 2018 e para superar o DELF B2.
O Intercambio rematou cunha visita ao parque do Puy du Fou.

Carta do Conselleiro de Educación

Fotos do intercambio…

Máis fotos procurando “Vannes2017” en Instagram.