Presentación Xogos CulturaisO venres día 11 de abril realizáronse diversas actividades como clausura da semana.
Ás 10.30 horas arrancaron os Xogos Culturais nos que participaron parellas de alumnos de ESO agrupados por niveis que competían entre sí nun total de doce probas nas que tiñan que demostrar as súas destrezas e coñecementos.
Esta actividade estivo dirixida polo alumnado de BAC 1º e nela resultaron gañadores Kevin Gabella, Pablo Basante (1º), Adrián Cañedo, Diego Chenlo (2º), Sofía Fachas, Irene Míguez (3º), Iris Vidal e Ariadna López (4º) que recibiron un libro de agasallo.
A continuación presentouse o traballo “2014: o ano do Brasil” no que se dan a coñecer diversos aspectos da realidade deste pais do que provén un importante grupo do noso alumnado entre os que están os que asumiron esta presentación: Claudio Matheus, Vítor de Carvalho, Víctor de Mattes (ESO 1º), Bruna Brasileiro, Davi Carro (ESO 2º), Nathalia de Oliveira, Ellen (ESO 3º) e Lucas Paulino (ESO 4º).
Rematou a xornada coa actuación de Iván Ceán (ESO 2º), Irene Casas, Daniel Sánchez (ESO 3º), Adrián Mahía, Sergio Ceán, (BAC 1º) que presentaron os monólogos cos que participaran na final do concurso Oleiros Comedia que se celebrará en mes de xuño no auditorio Gabriel García Márquez de Mera.
A celebración do 25 aniversario do noso instituto serve, entre outras cousas, para entender os cambios que continuamente se producen no mundo.
Esta idea impulsa a exposición /Artefactos anos 80/ que recolle obxectos que eran de uso habitual hai máis de dúas décadas pero que hoxe están en desuso.
As persoas interesadas en colaborar con este proxecto poden deixar depositadas na conserxería os elementos a expoñer.
Esta actividade é coordenada polo obradoiro de iniciativas emprendedoras do 4º da ESO
O muro exterior do noso centro engalanouse nesta Semana 25 do Neira cunha obra gráfica de Miguel Golmayo creada para este aniversario. O autor foi alumno do instituto e ven desenvolvendo unha importante actividade gráfica como debuxante de murais e story-board. Este mural foi posible grazas ao patrocinio do concello de Oleiros.
A semana 25 do Neira tamén serviu para descubrir as destrezas musicais que existen entre o alumnado con pequenos concertos efectuados nos recreos por Natalia López, Claudio Matheus, Julia Concheiro (ESO 1º), Andrés Sánchez (ESO 4º), Jacobe Juanatey, Sergio Cabeza, Lucia Sigüeiro, Cristina Carreira, Grupo 5 (ESO 3º) e Antón Blanco (BAC 1º).
O día 7 de abril, no arranque da semana, o alumnado de 1º, 3º de ESO e 1º de BAC tivo un encontro con Xosé Neira Vilas para testimuñar o noso recoñecemento a ese gran escritor que da nome ao noso centro. Á chegada ao instituto o autor de “Memorias dun neno labrego” foi recibido polo director e unha representación do profesorado e do alumnado. Xa no salón de actos fixose unha lectura dalgúns dos seus relatos curtos a cargo de Marta Rodríguez, Miguel Pozo (ESO 1º), Nathalia de Oliveira, Irene Casás (ESO 3º), Jorge Luciano Murchio e Antón Blanco (BAC 1º).
Rematou o acto cunhas palabras do noso querido Xosé animando ao alumnado a se esforzar para acadar a formación que lles permitirá desempeñar no futuro o papel que lles corresponda na sociedade.