Todolos artigos de: admin
Acto conmemorativo do 25 aniversario do instituto (Semana 25 do Neira)
O luns tivo lugar no salón de actos a celebración dos nosos 25 anos.
Interviron no acto Agustín Fernández Gago (director do instituto), Xoan Ignacio Taibo Arias (escritor recentemente xubilado como profesor do centro), Indalecio Cabana Leira (xefe territorial da Consellería de Educación), Fernando Gonzalez Laxe (presidente da Xunta de Galicia cando se inaugurou o instituto), Ángel García Seoane (alcalde de Oleiros) e Xosé Neira Vilas.
Estiveron presentes unha representación da inspección educativa, do concello de Oleiros, da asociación de nais e pais de alumnos, da parroquia de Sta Leocadia e doutros institutos de Oleiros xunto a antigos profesores e persoal non docente así como unha representación do profesorado, persoal non docente e alumnado actual.
Resultado do Concurso de Relatos Curtos: 25 do Neira
![Resultado do Concurso de Relatos Curtos: 25 do Neira](http://www.iesneiravilas.es/arquivo/wp-content/uploads/2014/10/concurso_participantes-300x168.jpg)
Presentáronse un total de 28 traballos repartidos entre as tres categorías do certamen.
Os traballos gañadores son:
- “A viaxe da pequena Galia”, autora Galia Usatorre Cabaleiro (1º ESO do IES Miraflores), na categoria de 1º e 2º da ESO.
- “O corazón no maleteiro”, autora Sara Ylenia Ambroa Búa (4º ESO IES Plurilingüe Xosé Neira Vilas), na categoría de 3º e 4º da ESO.
- “Cando perdín o meu bosque”, autor Sergio Ceán Vázquez (1º Bacharelato IES Plurilingüe Xosé Neira Vilas), na categoría de bacharelato e ciclos formativos.
Os premios foron entregados por Á ngel García Seoane, alcalde de Oleiros, o día 7 de abril no acto de celebración do 25 aniversario do noso instituto ao que asistiu Xosé Neira Vilas e a práctica totalidade dos participantes no concurso.
Resumo da acta do xurado:
O xurado do Concurso de Relatos Curtos 25 DO NEIRA reuniuse o día 4 de abril de 2014 baixo a presidencia de Sandra Fernández Fernández, concelleira de educación de Oleiros, e coa asistencia de Rosa García Vilariño e Ana María Crego Yañez, dos departamentos de Lingua Galega dos institutos de Oleiros, xunto a Maria Luz e Uxío Pedreira, das bibliotecas de Oleiros, e Xoan Ignacio Taibo Árias, escritor. Actuou de secretario, Agustín Fernández Gao, director do IESP Xosé Neira Vilas.
Entre os seus acordos figura seleccionar os traballos finalistas e o premiado en cada categorías:
Categoría primeira (alumnado de 1º e 2º de ESO):
Relatos Finalistas: Memorias da infancia (pseudónimo Luna Llena) A viaxe da pequena Galia (Galia), Memorias da infancia, (Diamante), Fuxida dun artista (Lucero), Lembranzas dunha tarde de inverno (Pimur), A soidade (Artista da pista)
Relato gañador: A viaxe da pequena Galia, autora Galia Usatorre Cabaleiro (1º ESO do IES Miraflores)
Categoría segunda (alumnado de 3º e 4º de ESO):
Relatos Finalistas: Emilie (Málvary), Memorias da infancia (Ceo azul), O corazón no maleteiro (Beiramar).
Relato gañador: O corazón no maleteiro, autora Sara Ylenia Ambroa Búa (4º ESO IES Plurilingüe Xosé Neira Vilas)
Categoría terceira (alumnado de 1º e 2º de Bacharelato e ciclos formativos):
Relatos Finalistas: O cadro (C. OATS), Cando perdín o meu bosque (Peter Pan), Unha noite calquera (Alejandro Losada)
Relato gañador: Cando perdín o meu bosque, autor Sergio Ceán Vázquez (1º Bacharelato IES Plurilingüe Xosé Neira Vilas)
Neira Vilas preside a entrada ao instituto
![Neira Vilas preside a entrada ao instituto](http://www.iesneiravilas.es/arquivo/wp-content/uploads/2014/10/mural_6-300x172.jpg)
Ao celebrarse o 25 aniversario do instituto era preciso deixar constancia nun lugar emblemático do recoñecemnto á persoa que lle da nome. Pensouse que a mellor forma sería por medio dun mural ubicado na entrada principal do centro que fixera referencia á figura de Xosé Neira Vilas, ao seu libro senlleiro “Memorias dun neno labrego”, ao seu espazo vital no concello de Vila de Cruces e ás súas palabras. O mural foi deseñado por Senén Olano e inaugurado ao inicio da Semana 25 do Neira.
Actividade de Orientación
![Alumnado de 4º de ESO](http://www.iesneiravilas.es/arquivo/wp-content/uploads/2014/10/orienta_1-300x168.jpg)
O venres 28 de marzo, o Departamento de Educación Física levou a cabo unha actividade de orientación para 4º de ESO. A actividade consistiu nunha carreira de orientación nos montes de Perillo e Bastiagueiro. Os participantes tiñan que completar un percorrido por parellas empregando unicamente un mapa e a súa capacidade de desenvolverse no contorno rural. A actividade completouse de forma moi satisfactoria. Máis abaixo podemos ver as dúas parellas gañadoras.
Visita ao Arsenal de Ferrol
O IES “Neira Vilas participou no proxecto “Découvrez la Galice” en Vannes (Francia)
![O IES "Neira Vilas participou no proxecto "Découvrez la Galice" en Vannes (Francia)](http://www.iesneiravilas.es/arquivo/wp-content/uploads/2014/10/galicia_bretagne_fev14_2-300x212.jpg)
A participación nas xornadas “Découvrez la Galice” realizado na cidade de Vannes o día 25 de febreiro, ten como obxectivo dar a coñecer a realidade cultural de Galicia. Participaron, por parte do IES”Neira Vilas” os profesores Pilar Morandeira, Juan Santamaría e Carlos Vidal e por parte de Vannes o Concello de dita cidade, o Instituto Notre Dame le Meninur” e a Agrupación Galicia-Bretaña. Esta actividade está dentro do marco do Proxecto Comenius Regio.
Visita a Facenda, INM e Museo de Belas Artes (A Coruña)
![Vendo a “Ría do Burgo”, de Manuel Abelenda](http://www.iesneiravilas.es/arquivo/wp-content/uploads/2014/10/facenda1-300x225.jpg)
O xoves 10 de xaneiro de 2008, o alumnado de 3º ESO realizou unha visita a Coruña cos seguintes obxectivos:
- Participación no Programa de Educación Cívico-Tributaria (PECT). Dito programa está composto polas seguintes actividades:
- Charla sobre os valores que deben presidir a convivencia en toda sociedade democrática, especialmente os de solidariedade, respecto e coidado dos bens públicos. A explicación permitiu descubrir os múltiples servizos públicos que temos os cidadáns, coñecer de onde sae o diñeiro para pagar eses servizos públicos e comprobar que as administracións financiaos principalmente cos impostos que pagamos os cidadáns.
- Visita á dependencia de informática onde se lles permitiu aos alumnos entrar e traballar no Portal de Educación Cívico-Tributaria.
- Con motivo da visita, aos alumnos entregouselles un diploma acreditativo de ter participado nas xornadas de portas abertas e un agasallo.
- Coñecer o Centro Meteorolóxico da Coruña, pertencente ó Instituto Nacional de Meteorología (INM). A visita consistíu nunha charla informativa sobre os métodos de recollida de datos e o seu procesamento cara á difusión informativa dos mesmos, a predición do tempo e o coñecemento do “xardín meteorolóxico”, que alberga os instrumentos de medición (termómetros de máximas e mínimas, pluviómetros, pluviógrafos,…).
- Familiarizarse con algúns exemplos de pintura de paisaxe galega dos séculos XIX e XX, coa finalidade de recoñecer a plasmación plástica dos elementos naturais na pintura realista e impresionista, ademáis de fixar a atención específica en obras de Lloréns que presentan exemplos da costa oleirense.
As actividades prolongáronse ao longo da mañá, de 9.20 a 14.10 horas, e incluiron tamén desprazamentos a pé polo contorno urbano.
Olimpíada alternativa
![Olimpíada alternativa](http://www.iesneiravilas.es/arquivo/wp-content/uploads/2014/10/olimpiada_alternativa_1-300x300.jpg)
O remate do primeiro trimestre realizouse con esta actividade na que competiron todas as parellas que se poideron formar co alumnado de ESO 1º, 2º e 4º (os de 3º estaban de concerto na Fábrica).
Os participantes sometéronse a un total de dez probas dirixidas polo alumnado de 1º de Bacharelato nas que se puxeron a proba ás súas destrezas físicas, as súas habilidades motrices, os seus referentes culturais a as súas capaciades memorísticas, sensitivas e interpretarivas.
A competición organizouse por niveis resultado ganadoras as seguintes parellas: Noemí Iglesias – Amanda Muñoz (1º), Antía González – Sandra González (2º) e Alberto Basante – Pedro Álvarez (4º).
Visita e traballo arqueolóxico no Museo
Os monitores participantes nesta actividade foron: Eva Carreira, Daniela Ferreira, Orleni Mateo, Lara García, Hugo Fernández, Laura Fernández, Nicolás Escourido, Ezequiel Caballero e Lidia Fafián e fixeron a cooordinación de orden; Nelson Peña, Vitor de Carbalho e Karol Fidelis.