Arquivo da categoría: Outras

Iniciación ó Remo

Iniciación ó Remo
Iniciación ó Remo

O pasado mes de outubro os alumnos de 3º da ESO participaron na actividade de Iniciación ó Remo promovida polo concello de Oleiros. Polo alto número de participantes a actividade tivo que ser dividida en dúas xornadas: o venres 23 e o mércores 28.
O escenario foi a praia de Santa Cristina, onde están as instalación do Clube de Ramo de Perillo. Dirixidos por catro profesores do club, o alumando iniciouse na actividade de canoa e despois en kaiak, mostrando boas capacidades para os deportes náuticos, sobre todo a natación, pois a maioría remataron a actividade dentro da auga, e moita valentía, tendo en conta que a temperatura xa non era agradable para o baño.
Destacamos a boa participación do alumnado, a disposición de todos eles e o bo comportamento que tiveron durante toda a xornada e queremos agradecer ós organizadores da actividade e ós profesores do clube, a paciencia e profesionalidade que amosaron con todos nós.

IESP Neira Vilas contra a Violencia de Xénero

IESP Neira Vilas contra a Violencia de Xénero
IESP Neira Vilas contra a Violencia de Xénero

A nosa Comunidade Educativa celebrou o 23 de novembro o Día Internacional contra a Violencia de Xénero cun acto no que se leu un manifesto e se plantóu un pequeno xardín en lembranza das víctimas desta violencia. Esta actividade foi promovida polo Concello de Oleiros e contou cunha intervención musical do grupo de percusión do instituto.
Estiveron presentes os delegados e delegadas do alumnado, o grupo de mediación, catro grupos en representación dos distintos cursos da ESO co seu profesorado, o equipo directivo, a presidenta da ANPA e os concelleiros de educación e servizos sociais.
A encargada de ler o manifesto foi Carlota Caramés, alumna de bacharelato, mentras que os responsables da plantación foron Jonatan Montoya e Claudiane Da Silva, da ESO. A intervención musical correu a cargo de Randy Severino, Tiago Salazar, María Vázquez, Manuel Martí e Manuel Bode, de bacherelato.

Neira Vilas visita o seu instituto

Neira Vilas visita o seu instituto
Neira Vilas visita o seu instituto

Xosé Neira Vilas, o gran escritor galego e persoa que da a seu nome ao noso instituto, visitounos o día 31 de outubro acompañado de Valentín García, Director Xeral de Política Lingüística da Xunta de Galicia, e Angel García Seoane, Alcalde de Oleiros.
Á chegada ao centro, foi recibido por Agustín Fernández, Director do Instituto, e unha representación dos delegados do alumnado que lle deu a benvida e lle entregou un ramo de flores. A continuación Neira Vilas mostroulle ao Director Xeral o fondo editorial que se leva xuntado no Instituto, con practicamente todas as edicións dos seus libros, así como os paneis que recollen unha breve reseña da súa biografía.
Seguidamente asinou dedicatorios para os diversos grupos de alumnos que llo pediron e compartiu uns minutos co profesorado e persoal non docente.
Como remate da mañá, Neira Vilas trasladouse ao Centro Cultural A Fábrica onde mantivo un encontro co alumnado de 3º, 4º de ESO e 1º de Bacharelato para lles presentar a exposición “Querido Balbino, 1961-2011. 50 anos de Memorias dun Neno Labrego”, organizada

Terceira mobilidade do Proxecto Comenius en Royan (Francia)durante o mes de Octubre

O alumnado de terceiro da ESO do IESP “Neira Vilas” xunto con seus profesores asistirán á terceira mobilidade do proxecto Comenius “We are what we eat” a celebrar en Royan (Francia) xunto co grupo de Krasnick (Polonia) e o grupo de alumnos de Lucera (Italia) onde desenvolverán as actividades de traballo conxunto que levan realizando ó longo deste dous cursos académicos.
Ver a noticia na prensa.
Ler máis
 

Proxecto Comenius Regio

Proxecto Comenius Regio
Proxecto Comenius Regio

Alumnas e alumnos do IESP Neira Vilas (Oleiros, A Coruña) e do IES Monte Neme (Carballo, A Coruña) participarán nun intercambio de estudos co Collège Notre Dame Le Ménimur (Vannes, Francia) dentro do Proxecto Comenius Regio. Partindo da iniciativa da Consellería de Cultura, Educación e O.U. da Xunta de Galicia participan tamén no proxecto a APFG (Asociación de Profesores de Francés de Galicia), a Mairie de Vannes (Concello de Vannes)e o Comité Bretagne Galice.
Pode encontrar máis información no blog www.galiregio.blogspot.com e no seguinte documento: Presentación Comenius Regio.

Curso 2011-2012. Novas

Rede Abalar

O IESP Neira Vilas incorpórase no curso 2011-12 á Rede Abalar con dúas aulas Abalar correspondentes aos grupos de 1º de ESO.

Diploma de estudos en lingua francesa

13 alumnos e alumnas do centro de 4º de ESO, 1º e 2º de Bacharelato presentáronse ao exame do DELF, Diploma de Estudos en Língua Francesa, certificado que expide o Ministerio de Ensino francés. Conseguírono todos eles con moi boas cualificacións. ¡Noraboa!.

O ministro de Educación felicita ó Instituto Neira Vilas

As numerosas actividades europeas desenvolvidas polo centro educativo fixeron que o alumnado recibira o día 14 de xunio unha carta do ministro de Educación José Ignacio Wert felicitando “polas actividades tan enriquecedoras e de apertura a Europa”

Semana Intercultural 2012

Do 26 ao 30 de marzo o IES Xosé Neira Vilas organiza a 4ª edición da Semana Intercultural que ten como tema central o II centenario da Constitución de Cadiz.
Tríptico Informativo

Visita á Facultade de Filoloxía

O xoves 1 de marzo, o alumnado do clube de lectura de segundo curso de ESO e de 1º de Bacharelato, visitaron a Facultade de Filoloxía da Universidade da Coruña, dentro das xornadas de portas abertas que se organizan para dar a coñecer os sus estudos e as instalacións, entre elas a biblioteca especializada, con máis de 80.000 volumes accesible ós estudantes e tamén a calquera que estea interesado.

Cinco minutos de silencio

O día 27 de febreiro o alumnado, profesorado e resto de personal concentrouse ás 12 da mañán con cinco minutos de silencio no patio do centro en repulsa polas cargas policiais en Valencia.

Alumnado do Instituto participa na homenaxe a Rosalía de Castro

Os alumnos: Sara Castro, Martín Mejuto e Camila Bargados de 1º de Bacharelato perticiparon o día 24 de Febreiro no kiosko Alfonso de A Coruña na lectura de poemas en homenaxe a Rosalía de Castro no seu aniversario.

Lectura dramatizada de “El Quijote”

O alumnado de 3º de ESO e 1º de Bacharelato escoitarán textos de Cervantes dramatizados o día 14 de Febreiro na biblioteca Rialeda de Perillo

Obradorio de banda deseñada con Manuel Cráneo na biblioteca Rialeda para 1º da ESO

O alumnado de 1º de ESO asistirá o día 3 de febreiro ó taller de cómic que xa desde outros ano tivera un enorme éxito entre o alumnado do Neira Vilas.

Exposición sobre as brañas de Sada

Durante o mes de xaneiro temos unha exposición de carteis, elaborada pola delegación das Mariñas da Sociedade Galega de Historia Natural, sobre as Brañas de Sada. Contén unha detallada información gráfica e escrita sobre a flora e fauna e ten como obxectivo reivindicar a importancia das zonas húmidas na conservación do medio natural.

Charlas de prevención de accidentes e lesións medulares durante o mes de Decembro

O alumnado de 3º e 4º tivo ocasión de coñecer de primeira man, as causas dos accidentes, as normas básicas para a actuación cando isto acontece, as normas de prevención de lesións graves e as consecuencias para a saúde física e psíquica.
As charlas foron organizadas por AESLEME (Asociación para a prevención de lesións medulares) en colaboración coa Dirección Xeral de Tráfico. O médico e fisoterapeuta explicaron ó alumnado dun xeito sinxelo e con audiovisuais estes contidos tan necesarios para a concienciación e prevención destes accidentes.
A valoración da actividade, tanto por parte do profesorado organizador como do alumnado foi moi positiva, quedando en consideración a inclusión desta actividade no Plan de Acción titorial para os vindeiros cursos.

Tese de Doutoramento

O mes de setembro pasado, a ex alumna deste centro, Naira Albaina Balerdi defendeu a súa tese de doutoramento titulada “Biomonitorización de contaminación por TBT y genética poblacional enNassarius reticulatus (L) y N. nitidus (Jeffreys) en el NE Atlántico” que foi calificada cun merecido sobresainte Cum laude.
¡Noraboa Doutora!

Memorias dun neno labrego

Dentro das actividades para a conmemoración do aniversario de “Memorias dun neno labrego” de Xosé Neira Vilas nas que xa estivemos participando, o día 13 de outubro o grupo de lectura da Bilioteca do noso centro e o Departamento de Galego organizan unha visita ó Forum metropolitano e asistencia á peza de teatro que recrea a obra literaria represantada por Cándido Pazó que xa estivera no noso centro con grande éxito. Está organizado para 3º e 4º curso.

Exposicións: “Orixes” e “Primeiras civilizacións

Os grupos de 1º da ESO estiveron o día 14 de outubro na Coruña para visitar as exposición sobre Antigo Exipto e Mesopotamia e sobre a orixe do ser humano. A actividade foi organizada polo Departamento de Historia. [Pode ver un vídeo da visita]

Antroido 2012

Antroido 2012
Antroido 2012

Celebráronse as actividades de Antroido durante a semana do 13 ó 17 de febreiro con diversas actividades. O luns achégaronse o alumnado e profesorado cun zapato de cada cor, o martes foi o pixama e roupa de durmir os protagonistas do día, o mércores encheuse o centro de velliños e velliñas e o venres foi o protagonista o antifaz.
O venres a elección foi libre e a partir das 12 houbo unha degustación de filloas e máis de crêpes.

Viaxe Comenius / Lucera ( Italia)

[Descargar o programa da viaxe]
7 alumnos de 3º e 4º da ESO ( Diego Cabeza, Paco Álvarez, David Peral, Raquel Pose, Andra Pía, Benxa Varela e Uxía Vázquez) acompañados de 3 profesores Dona Isabel López Mariño, Don J. Carlos Vidal López (Coordinador do proxecto) e polo Director do Instituto Don José López Couce) pasamos unha semana nun pobo italiano da Rexión da Puglia (situada no sur de Italia, na provincia de Foggia) chamado Lucera, un pobo moi bonito duns 40.000 habitantes; alí fomos acollidos de marabilla, un exemplo da súa amabilidade foi o préstamo de roupa, as nosas maletas quedaron en Madrid e chegaron ao día seguinte.
Como o Proxecto Comenius ten como título “SOMOS O QUE COMEMOS” as viaxes que fixemos tiñan relación co tema, visitamos “Tamma” unha fábrica de pasta, estivemos tamén en PRO-GEN ZONA ASI centro de investigación con todo o relacionado coa pasta, vimos como se fabricaba o aceite e tamén fixemos visitas culturais a Trani e Barleta; outra actividade moi agradable e divertida foi unha festa na que participaron as familias de acollida e alí aprendemos a facer pasta caseira.

Lucera
Lucera

Queremos destacar o enriquecemento que supuxo para todos nós o feito de estudar dúas linguas estranxeiras (neste encontro participou tamén o alumnado dos outros institutos que participan no proxecto de Francia e de Polonia) xa que facilitou enormemente os contactos cos outros alumnos, tamén nos demos conta de que cos italianos eramos capaces de entendernos sen demasiados problemas; en resumo destacar o que nos vivimos como unha experiencia única e realmente gratificante. Esperamos que os nosos compañeiros que no mes de abril vanse a Polonia páseno, polo menos, tan ben coma nós. Pola nosa banda agardamos con impaciencia a chegada das nosas correspondentes italianas en 2013 , trataremos por todos os medios de acollelas tan ben como elas e as súas familias fixeron con nós.
Paco Álvarez, Diego Cabeza, David Peral, Raquel Pose, Andra Pía, Benxa Varela e Uxía Vázquez

Saída de iniciación ó remo e ó kaiak

iniciación ó remo e ó kaiak
iniciación ó remo e ó kaiak

Os mércores 13 e 27 de outubro, o alumnado de 3º ESO B-C e A, realizaron na bahía de Santa Cristina unha actividade de remo e kaiac.
Comenzaron no pañol do equipo de remo onde os monitores explicaron as diferencias entre un batel, unha trainera e unha traineriña. Mostraron as partes do barco, os tipos de remo e moitas cousas máis. Cando todos estaban cambiados e os chalecos salvavidas postos , baixaron ós barcos e á zodiac e saíron a remar en grupos.
Os cambios de barco fixéronse na praia de Oza. Nas seguintes fotos pódese ver o ben que o pasaron.
As dúas da tarde voltouse ó Instituto e rematatou á actividade.
Houbo moita sorte co tempo: sen vento e con sol, e a mar estaba moi calma.. ¡Un día fantástico!