Arquivo da categoría: Curso 2007-2008

Visita a Facenda, INM e Museo de Belas Artes (A Coruña)

Vendo a “Ría do Burgo”, de Manuel Abelenda
Vendo a “Ría do Burgo”, de Manuel Abelenda

O xoves 10 de xaneiro de 2008, o alumnado de 3º ESO realizou unha visita a Coruña cos seguintes obxectivos:

  1. Participación no Programa de Educación Cívico-Tributaria (PECT). Dito programa está composto polas seguintes actividades:
    • Charla sobre os valores que deben presidir a convivencia en toda sociedade democrática, especialmente os de solidariedade, respecto e coidado dos bens públicos. A explicación permitiu descubrir os múltiples servizos públicos que temos os cidadáns, coñecer de onde sae o diñeiro para pagar eses servizos públicos e comprobar que as administracións financiaos principalmente cos impostos que pagamos os cidadáns.
    • Visita á dependencia de informática onde se lles permitiu aos alumnos entrar e traballar no Portal de Educación Cívico-Tributaria.
    • Con motivo da visita, aos alumnos entregouselles un diploma acreditativo de ter participado nas xornadas de portas abertas e un agasallo.
  2. Coñecer o Centro Meteorolóxico da Coruña, pertencente ó Instituto Nacional de Meteorología (INM). A visita consistíu nunha charla informativa sobre os métodos de recollida de datos e o seu procesamento cara á difusión informativa dos mesmos, a predición do tempo e o coñecemento do “xardín meteorolóxico”, que alberga os instrumentos de medición (termómetros de máximas e mínimas, pluviómetros, pluviógrafos,…).
  3. Familiarizarse con algúns exemplos de pintura de paisaxe galega dos séculos XIX e XX, coa finalidade de recoñecer a plasmación plástica dos elementos naturais na pintura realista e impresionista, ademáis de fixar a atención específica en obras de Lloréns que presentan exemplos da costa oleirense.

As actividades prolongáronse ao longo da mañá, de 9.20 a 14.10 horas, e incluiron tamén desprazamentos a pé polo contorno urbano.

Torneo de fútbol intercentros

Xogada do partido
Xogada do partido

Con gran éxito de público, celebrouse a final do torneo deportivo intercentros entre o IES Miraflores e IES Neira Vilas.
Os equipos estaban formados por alumnos de diferentes cursos e despois dunha final moi disputada o IES Miraflores conquistou o Trofeo Intercentros.
Durante o partido o grupo de animadores de 1º de ESO curso realizou unha coreografia moi aplaudida.
Este torneo é unha das actividades realizadas polo equipo de mediación do noso centro. Tamén foron os encargados dos ensaios das animadoras, da organización do acto e do seu desenvolvemento, por certo impecable.

Crónica Romana

En Piazza Spagna
En Piazza Spagna

Catro alumnas e unha profesora, catro alumnos e un profesor, unha familia hoxe numerosa mais ben levada, camiñou por Roma durante cinco días ao descobremento da antigüidade clásica, á percura dos restos paleocristiáns, á busca da monumentalidade renacentista e barroca, co anceio de adaptarse ao contorno e converterse en romanos auténticos, incluso a poder ser confundidos entre a “gente de Roma” que filmaba Ettore Scola.
Levabamos un planning de viaxe, e o lecer nunca está inimizado coa aprendizaxe; hai tempo para soñar e aprender, para camiñar e comer, para ver, ollar, disfrutar… Estaban esperándonos os foros imperiais, as catacumbas paleocristiás, o grande Coliseo e a Via Appia Antica, agardábannos igrexas e prazas, esculturas de Bernini e pinturas de Rafael Sanzio, tendas de Ferrari e vías de luxo e dolce far niente, parques inmensos, fontes, rúas… Agardábannos o autobús e o metro, o ristorante e a pizzería, a noite e o día do Campo di Fiori.
Na escaleira de saída dos Museos Vaticanos
Na escaleira de saída dos Museos Vaticanos

Baixo un sol de xustiza, mais sen baixar o ritmo e a garda, as colinas da Cidade Eterna sentiron a nosa pegada. E coido que tamén a urbe deixou pegada en nós. Tanto que pediamos días extras para seguir internándonos na intrahistoria da romulorremiana cidade. Estivemos aos pés da cúpula de San Pedro do Vaticano e subimos ata a lanterna, ollamos Roma desde arriba e vimos o subsolo perforado polas estacións de metro e as catacumbas, mantivémonos xuntos baixo o arco de Septimio Severo afirmando unha unidade de grupo, “perdoamos” a vida dos gladiadores na arena do Coliseo, formamos un círculo de ledicia no céspede de Villa Borghese e unha ringleira diante do Tíber. Bebemos auga fresca das fontes, disfrutamos de espectáculos públicos, corremos para atrapar o autobús,…
Hai 180 anos, un 23 de xuño, Stendhal escribía que “en Roma, cando se pode, hai que vivir tres días no mundo constantemente rodeado de compañeiros xoviais, e tres días nunha completa soedade. As persoas que teñen alma tolearían se estivesen sempre soas.”  Nós fomos un grupo sempre, unido e alegre, ás veces arrastrado pola calor, sempre ilusionado co descobremento. A Roma dos Césares e dos Papas, a da dolce vita e a miserenta, a nocturna e a de días caldos, a Roma Eterna e a de hoxe en día, acolléronnos durante 120 horas para disfrutar dun belo paseo. Quizás non tivemos tempo de experimentar o mal de Sthendal, mais tivemos oportunidade de disfrutar como calquera viaxeiro do Grand Tour.
Se queres ler máis consulta: http://xosea.wordpress.com/2008/06/18/desde-roma/

Proxecto Interdisciplinar

Nos derradeiros dias de xuño levouse a cabo unha exposición do traballo feito no proxecto interdisciplinar polo alumnado de 1º de ESO.
O proxecto interdisciplinar é un achegamento, de forma conxunta, compartida, aos saberes das outras materias do currículo. Co tema “A Vexetación Autóctona de Oleiros”, dedicóuselle unha hora semanal ao longo de todo o curso, nas aulas de primeiro de ESO.
O estudio do tema elixido fíxose desde varios disciplinas : Ciencias Sociais (mapas de climas do mundo, de Europa, de España e de Oleiros e as características do clima da zona xeográfica na que se sitúa Oleiros. Vexetación autóctona que medra nestes espazos xeográficos que presentan esas características) , as Ciencias Naturais (características da vexetación autóctona. Estudio de cada una das especies: Castiñeiro, carballo, Piñeiro, toxo, xesta, fieitos, queiruga), Plástica (debuxo das árbores, follas, frores e froitos de cada una delas), Lingua (comprensión e expresión de textos, recollida de información, s, expresión oral)…
Estudiaronse as seguintes plantas: castiñeiro, carballo, piñeiro, toxo, xesta, queiroa e fieito.
Unha vez feita a recollida de datos fíxose unha composición con cada unha das plantas.
O resultado final é o que aparece nas fotos.

Actividades do curso 2007-2008

Pode consultar a memoria das actividades levadas a cabo no curso 2007-2008.

 

DATA PROFESORES GRUPO ACTIVIDADE
do 23 ao 27de xuño varios 1º ESO Proxecto Interdisciplinar
20 de xuño Juan Manuel Neira Fernández
Diego Mazas Brandáriz
3º ESO Visita a Sotavento
do 18 ao 23 de xuño Eva Tizón Zas
Xosé Antón García González
4º ESO Viaxe cultural a Roma
19 de xuño Equipo de mediación Todos Torneo Intercentros
do 14 ao 18 de abril 2008 Departamentos de Bioloxía e Xeoloxía, Física e Química e Tecnoloxía Todos IV Semana da Ciencia
do 14 ao 18 de abril 2008 Departamentos de Bioloxía e Xeoloxía, Física e Química e Tecnoloxía Todos Presentación “Cultivo Hidropónico”
do 14 ao 18 de abril 2008 Bioloxía e Xeoloxía Todos Exposición sobre O Mar
do 14 ao 18 de abril 2008 Física e Química Alumnos do departamento Ciencia Recreativa
do 14 ao 18 de abril 2008 Tecnoloxía Todos IV Exposición de Proxectos
abril 2008 Carmen García-Rodeja 4º ESO Charlas de Historia
26 de marzo 2008 Departamento de Galego 1º e 2º de ESO Charla-coloquio con Antonio Reigosa
31/03/08 ata 7/04/08 Isabel López Mariño 3A e 3B de Obradoiro de iniciativas emprendedoras Almorzos para a saúde
febreiro e marzo 2008 varios 1º e 3º de ESO, 1º e 2º de BACH Darknesscuridade. O maratón de lectura
1/02/08 Todos Todos Entroido 2008
11/02/08 Xosé Manuel Martínez Fraguela Todos Olimpíada do Saber
18/01/08 Departamento de Bioloxía e Xeoloxía 4º ESO, 2º BACH [Ciencias] Visita ao Complexo medioambiental de Sogama
16/01/08 Equipo de Mediación Varios Charla do Equipo de Mediación na universidade da Coruña
12/01/08 ata 19/01/08 Departamento de Educación Física Varios Semana Branca Andorra 2008
10/01/08 Departamentos de Economía e Xeografía e Historia 3º ESO Visita a Facenda, INM e Museo de Belas Artes (A Coruña)
19/10/07 Departamento de Lingua e Literatura Española e Departamento de Educación Física 1º ESO Visita ao bosque animado de Cecebre, Villa Florentina e Aula da Natureza de Crendes (Abegondo)

Viaxe formativa ao parque eólico experimental de sotavento

Vista xeral das instalacións de produción de hidróxeno a partir da auga mediante a rotura da molécula de auga, usando enerxía sobrante procedente do parque eólico.
Vista xeral das instalacións de produción de hidróxeno
a partir da auga mediante a rotura da molécula de auga,
usando enerxía sobrante procedente do parque eólico.

Realizouse unha visita ao Parque eólico experimental cos alumnos e alumnas de 3º-ESO o derradeiro día escolar deste curso (20/06/08).
Entre as 9 e 14 horas estivemos nas instalacións de Sotavento na Serra da Loba en Xermade (Lugo). Tivemos sorte xa que a visita coincideu coa inauguración oficial dunha exposición de aparatos de medida antigos e os primeiros xeradores de corrente eléctrica que funcionaron nos ríos galegos (cidade de Pontevedra e mosteiro de Oseira). Acudimos á inauguración como público aplaudindo as intervencións do director do INEGA (Instituto Enerxético de Galicia) e a xerente do MACUF (museu de arte contemporáneo de Unión Fenosa).
Dividímonos en dous grupos con dous agradables monitores que nos acompañaron e explicaron os aspectos máis importantes do aforro enerxético e as enerxías alternativas.

Proxecto Oleiros solidario

Alumnos do Instituto reciben o premio pola curtametraxe feita para o concurso de guións.

Agradecemento de Rebeca Salvador
Agradecemento de Rebeca Salvador

O día 19 de Xunio foi o acto final do proxecto “Oleiros Solidario” que por cuarto ano organiza a concellaría de Bienestar Social do concello de Oleiros. Durante toda tarde no entorno do castelo de Santa Cruz celebráronse unha serie de actividades e xogos en relación coas outras culturas e paises: xogos con mapas, realización de murais, obradoiros etnográficos: tatuaxes, ceremonia do te, stands e exposicións. Despois da actuación musical, procedeuse á entrega de premios de guións de videos. Foron premiados do noso centro educativo a curta metraxe titulada: “Indixenismos” e realizada por os alumnos: Claudai Calvelo, Bruno Bargo, Miguel Alvarez e Rebeca Salvador. Esta última pronunciou unhas palabras de agradecemento ás Ongs, o concello de Oleiros e máis o centro educativo.
Foi pechado o acto coa intervención da responsable do evento, Mar Barreiro, da concelleira de Servicios sociais e do alcalde do municipio.

Entrega de premios de Escola Guapa e debut do coro de profesores

Entrega de Premios Escola Guapa
Entrega de Premios Escola Guapa

O día 17 de xunio no noso centro educativo entregáronse os premios de Escola Guapa ás aulas máis limpas.
O premio foi recibido polos curso 4º C e 1º A, cada un dos alumnos recibiu un agasallo de mans do director do centro e do grupo de profesores colaboradores.
O broche e sorpresa final foi o debut do coro de profesores. Grupo coral formado por quince profesores e personal non docente que interpretaron unha peza clásica de música tradicional galega.
O grupo coral tivo un gran éxito de público e crítica.

Graduación 2º BACH. Curso 2007-2008

Orla da Proomoción
Orla da Proomoción

O día vintetrés de Maio celebrouse no noso Instituto o acto de graduación de segundo de Bacharelato. Con gran afluencia de público, e rigurosa etiqueta, alumnado, profesorado, familias e amigos asistiron ó concerto dos alumnos de música de primerio e segundo de Bacharelato que interpretaron pezas clásicas e modernas.
A continuación as palabras da alumna de segundo curso Joheisy Bracho Curros, de María Pato Dieguez mai de Iago Alves da Costa Pato, que nos emocionaron, co recoñecemento da estancia no Centro o labor do profesorado. As palabras do profesor José López Couce foron dirixidas a que o abandono do Centro non debe ser o abandono da cultura integral, e instou a seguir lendo e facéndose preguntas porque “o mundo agora é voso”.
Unha presentación da evolución dos anos no centro educativo do alumnado de agora remata e a entrega de diplomas foi o remate do acto antes de pasar ó aperitivo preparado no propio centro. A continuación a cea de alumnos e profesores e a festa que sabemos foi moi animada.

Programa do Concerto

Alumnos de 1º de Bacharelato.

  1. Round Dance: Sheila Nelson
  2. Air de la Petitte Russie: L. van Beethoven
  3. Riverside: Sheila Nelson
  4. Balaio: H. Villalobos
  5. O voso galo: popular galega
  6. Devil´s dream: popular irlandesa

Alumnos de 2º de Bacharelato

  1. Bandas Sonoras: arreglo grupal

Coa colaboración dos alumnos de 2º da ESO: Adela Fernández González: Violín; Adrián Freire: Saxo

Entrevista a Angeles Albacete Casares

Ángeles Albacete Casares
Ángeles Albacete Casares

“Co traballo podes ir sabendo o que che gusta”
Ángeles Albacete Casares ten dezasete anos e naceu e vive en San Pedro de Nós, pasou dous anos da súa infancia en Francia e está desde o ano pasado no Centro. Angeles compaxina traballo e estudio desde os quince anos. Traballou coidando nenos, de auxiliar de peluquería, de etiquetadora nunha tenda de marca, de axudante de cociña e de camareira.
“O traballo é un paso para ir aprendendo da vida”
¿Cando decides empezar a traballar?
Sempre quixen millor traballar que estudiar. Empecei ós quince anos.
¿Puxeronche inconvenientes na casa?
Algúns. Sempre me diceron que primeiro son os estudios e cando traballaba non estudiaba tanto e non axudaba na casa.
¿Cómo combinas hoxe o traballo e o estudio?
Agora só traballo venres e sábado na peluquería da miña nai. Noutras veces traballei na noites do venres e sábado e chegaba a casa á mañanciña. Cando traballaba polas tarde era no vran e coidando nenos. Tamén tiven outros traballos que eran sábados, domingos e festivos.
¿Cal foi o traballo que che gustou máis?
Cando traballei na cafetería restaurante do club de Golf porque os compañeiros eran novos e, ensinábanme e levabamosnos moi ben.
Noutros traballos había moita competitividade e tamén era con xente maior que non quería ensinarche.
¿Recomendarías ós adolescentes traballar?
Si, o traballo é un paso para ir aprendendo da vida, vas sabendo de que va e axúdate para o teu futuro na vida. Vaste afacendo ó esforzo e ás dificultades . O día de mañán ya o probaches e xa podes saber o que che gusta.
¿Qué tal o soldo?
Non é moito; ás veces non pagan todo o que deberían.
¿Fanche contrato?
Non en todos os casos.
¿Gústache a relación co público?
Dame igual , se estás cara ó público ou estás cos compañeiros, trato hai igual.
¿Qué fas co diñeiro que ganas?
Unha parte o gardo para cando sexa maior e o outro o invirto en pasantías salvo algún día que o gasto nalgún capricho.
¿Podes ben traballar e estudiar?
As desventaxas é que si é as fins de semana nos tes tempo a estudiar, é millor traballar pola semán e ter libre os festivos para poder adiantar os estudios.
¿Por qué hai tan pouca xente que traballa?
A xente só quere ter diñeiro a cambio de nada. Eso no pode ser. Se queres traballar, trabalalr. Non sole haber problemas. Pero non se debe traballar en algo que non che guste.
Lo que es bueno es que así valoras si te gusta trabajar o estudiar.
¿Traballan os teus familiares novos?
Todas as miñas primas traballan ainda que son novas. Deixaron de estudiar porque lles gusta máis o traballo. Non están sen facer nada. Algunhas estudian tamén.
¿Cal é maior inconveniente de traballar?
Que che quita de sair, o problema é que o traballar o sábado non podía xusto sair es día e quedar coa xente.
¿Recomendarías traballar?
Sí , se realmente teñen interés, senón débese facer outra cousa porque non vas perder o tempo.
CGR e JAS Marzo, 2008