Arquivo da categoría: Curso 2009-2010

Risas no Instituto

Mañán de contacontos con Cándido Pazó

Cándido Pazó entrevistado por Antía López e Sara Sequeiros
Cándido Pazó entrevistado por Antía López e Sara Sequeiros

O pasado día 21 de Decembro o alumnado do noso centro tivo a oportunidade de pasar unha mañán moi divertida escoitando as historias do famoso actor Cándido Pazó.
Cándido Pazó, home de teatro, é actor, humorista e director… Comeza a súa actividade en 1975 como actor de teatro, traballando nas Mostras de Ribadavia. Vive e actúa unha temporada en París. Actúa con compañías teatrais de Vigo até 1983, despois con outras compañías de Galicia e co CDG. En 1989 debuta como director coa obra “El mirlo blanco”. Dende aquela é asíduo da escea galega, participando en varios foros sobre teatro e impartindo seminarios e cursos de interpretación. Desde finais dos 90 participa como guionista en series de ficción para a TVG e dirixe variso grupos de teatro. Actualmente é un dos profesionais máis acreditados de Galicia.
Contacontos con Cándido Pazó
Contacontos con Cándido Pazó

Antía e Sara: ¿Cando comezou a súa carreira? Por que elixiu?
Cándido: A miña carreira comezou aos 15 anos, elixiuna porque sempre me gustara o mundo do teatro. E o que en principio era unha diversión transformouse nunha profesión.
AeS: ¿Por qué decidiu estudar en París?
C: Porque quería coñecer mundo, e ademais en París era onde estaba unha escola de teatro moi famosa
AeS: Dirixiu a compañía OLLOMOLTRANVÁ coa que gañou numerosos premios ¿Qué lle levou a dirixir unha compañía teatral?
C: Gustábame o mundo do teatro e surxiume a oportunidade de dirixir unha compañía e aceptei.
AeS: ¿Sempre quixo traballar no mundo do teatro?
C: Si, dende que era novo. Porque no colexio había un grupo de teatro no que participaba.
AeS: ¿Tamén traballou como guionista na televisión, que prefire o mundo da televisión ou o do teatro?
C: O do teatro, porque hai mais contacto co público.
AeS: ¿Estase notando a crise neste mundo?
C: Sí, no teatro como en todos os demais sectores.
AeS: ¿Pensa que hai bos humoristas en Galicia?
C: Sí, cada día hai mais actores e humoristas e cada vez mellores.
AeS: ¿Qué é o mellor de Galicia, actores, produtores…?
C: Os actores son boísimos.
AeS: ¿Con qué tipo de público se sente mais a gusto?
C: Con xente que ten dez anos mais e dez anos menos ca min, porque así podo compartir vivencias.
AeS: ¿Onde se inspira para contar as historias?
C: Na vida da xente, nas súas vivencias pasadas, na realidade.
Sara Sequeiros Fernández e Antía López Mosteiro.

Teatro para o alumnado de Bacharelato: “A caverna de Platón“

O alumnado Bacharelato tivo ocasión de asistir a unha performance realizada polo grupo teatro Oteatrodoresoante, actividade organizada polo Departamento de Filosofía do noso centro en colaboración co concello de Oleiros.
O día vintecatro de Novembro e acompañados polo profesores de Filosofía: José López Couce e Fernando Vidal Meijón, puído o alumnado introducirse no mito da Caverna de Platón a través dunha montaxe que pretende trasladar o mito clásico á actualidade relacionando os homes de hoxendía cos medio de comunicación así como os prisioneiros da cova en relación coas sombras.
Tamén houbo unha interacción entres os actores e o público separando o escenario do patio de butacas e incorporando os espectadores na obra á maneira do teatro de participación.

Festa de fin de curso en Santa Cruz

O alumnado de ESO participou na festa no parque das Torres de Santa Cruz en colaboración co concello o día 22 de Xuño

 
Todo o alumnado de ESO participou e disfrutou dunha mañán lúdica xunto con outros alumnos e alumnas do Concello. Houbo obradorios de xogos malabares, obradoiro de henna, un lugar onde aprender a facer grafite. Tamén concertos, unha obra de teatro e un curioso “espectáculo aéreo”. Tamén stands informativos e un bar cafetería

Premio de fotoreportaxe e sociedade REVELA

Un ano máis celébrouse o premio de fotoreportaxe e sociedade REVELA no que participan os millores fotógrafos do mundo. Tamén ten un apartado adicado ós traballos propostos polo alumnado dos centros educativos de Galicia.
O acto de inaguración celebrouse o día 18 de Junio e foi presentado polos membros do Instituto “Neira Vilas” a profesora Carmen García-Rodeja e a alumna Macarena Farías.

Tamén participaron no descubrmento de fotografías José Lópex Couce, director do Centro e as alumnas Laura Vázquez e Ione Villasante.

Revela 2010 na prensa

“Revela Oleiros muestra la infancia maltratada en todo el mundo”
EL PAIS 19 JUNIO 2010
“Dolorosa preguntas desde 173 fotos”
LA VOZ DE GALICIA 19 JUNIO 2010
“Seoane citica a Israel a la ONU y a la Xunta en la apertura de Revela”
REVELA LA OPINION 19 JUNIO 2010
REVELA LA OPINION 12 JUNIO
NIKONISTAS.COM 19 MAIO 2010-06-21
EL PAIS 19 JUNIO 2010-06-21

Graduación 2º BACH. Curso 2009-2010

2º de BACHO día vinteun de Maio celebrouse no noso Instituto o acto de graduación de segundo de Bacharelato. Comezouse o acto coa tradicional plantación da árbore. Posteriormente, alumnado, profesorado, familias e amigos asistiron ó concerto dos alumnos de música de primerio e segundo de Bacharelato que interpretaron pezas clásicas e modernas.
A continuación as palabras da alumna de segundo curso Claudia Calvelo Ameijeiras, de Yolanda Cabana nai de Miguel Álvarez Cabana, e de José Antonio Rodríguez Amedo en nome do profesorado. Pechou o acto a concelleira de cultura do concello de Oleiros Mª Esther Garrido Pan.
Unha presentación sobre o alumnado de segundo de bacharelato e a entrega de diplomas foi o remate do acto. Posteriormente como xa é tradicional houbo un aperitivo preparado no propio centro. A continuación a cea de alumnos e profesores e a festa que sabemos foi moi animada.

Programa do Concerto

Alumnos de 1º de Bacharelato.

  1. Canción india : Rimsky-Korsakov
  2. Obertura da ópera “As vodas de Fígaro”: W.A. Mozart

Alumnos de 2º de Bacharelato

  1. Habanera: M. Girao
  2. Marcha dos granadeiros: R. Schuman
  3. Gaudeamus igitur: Popular
  4. Devil’s dream: Popular irlandesa
  5. Ragtime: S. Jopplin

Selección de fotos do acto

Pode baixar máis fotos do acto: fotos_graduacion_2010.zip[zip.gif, 0 kB, 7,1 MB]

Coñecer mellor a ría do Burgo para coidala e poñela en valor

Membros do Roots and Shoots!
Membros do Roots and Shoots!

“AS AVES DA RÍA DO BURGO” é o título do informe final, recollido como exposición e presentación audiovisual, dun traballo académico que durou todo o curso. Os responsables do mesmo son as profesoras de bioloxía e xeoloxía e o alumnado de ciencias para o mundo contemporáneo de 1º de bacharelato. Sendo obxecto de investigación e tratamento curricular por parte do departamento citado nos últimos anos. A súa biodiversidade e o tremendo problema da contaminación existente son asuntos recorrentes no traballo de aula para profesoras e alumnos. Este curso retomouse e continuouse implicando materias e alumnado de 2º e 3º de ESO e aos de 1º de bacharelato.
Fixéronse varias saídas á ría para observar e recoller información.
Participouse no encontro do Proxecto Europeo Grundtvig.
Solicitaron datos sobre as actuacións das distintas administracións (Concello de Oleiros, Concello de Culleredo, Concello de Cambre, Xunta de Galicia e Demarcación de Costas) con resultados desiguais nas súas respostas. A colaboración mais valiosa para o grupo veu da Confradía de Pescadores da Coruña e do naturalista experto en aves Antonio Sandoval.
Analizáronse mostras de auga procedente da ría nos laboratorios do centro, estudaron a maneira de identificar especies de aves invernantes na ría – fixéronse fotos e cadernos de campo para recoñecelas -, pasouse unha enquisa co obxecto de detectar o coñecemento das familias e veciños respecto do estado actual da ría e dos seus poboadores… E, como acción transformadora recolléronse mais de 1000 sinaturas entre os membros da comunidade escolar, do entorno e ate onde se chegou, para demandar un maior recoñecemento do valor da nosa ría, así como as conseguintes medidas de protección.
Con estes haberes na carteira profesoras e alumnado acudiron a dous foros nos que facer públicas as súas achegas: o 20 de maio en Pontevedra no marco da A21EG encontro “o alumnado é o protagonista” , o 27 de maio no castelo de Sta. Cruz o IV Congreso Escolar de educación ambiental organizado polo CEIDA.
En Pontevedra reuniuse alumnado e profesorado de 22 centros de ensino de toda Galicia. A viaxe xa foi unha testemuña de aposta pola sustentabilidade: compartiuse o mesmo autobús con compañeiros e compañeiras do IES Fraga do Eume. Foi unha xornada calorosa e frutífera: a estrea da exposición sobre as aves da ría do Burgo ! (14 carteis en lona coas correspondentes especies significativas do humidal, retratadas con calidade, e identificando os seus sinais de identidade). A propia Consellería de Medio Ambiente colgou a exposición nas súas instalacións nas xornadas do profesorado da A21EG e agardamos que o curso vindeiro sexa vista en moitos centros de ensino de Galicia.
Foron os rapaces e rapazas de 1º de Bacharelato quen dinamizaron un seminario matinal amosando unha síntese breve das conclusións de parte do traballo – presentación audiovisual centrada nas aves e a súa caracterización – e logo unha actividade, ben divertida – caderno de campo en man… -, de identificación e debuxo das especies recollidas nos carteis coas fotos dos habitantes da nosa ría. Tamén percorreron os seminarios do resto dos centros sobre sostibilidade e medio ambiente. Case todos os participantes do encontro asinaron a favor dun maior coidado da ría do Burgo. Un momento significativo da xornada foi a visita á exposición en compañía doDirector Xeral de Sustentabilidade e Paisaxe D. Manuel Borobio Sanchiz.
O Director xeral convidou ao “equipo de investigadores” do centro a que fagan as súas alegacións ao Plan do Litoral respecto da ría do Burgo para que sexan consideradas cara o futuro. Asumiremos o compromiso. Abonda con mirar e ver para recoñecer un humidal e as especies que dependen da súa conservación para seguir existindo.
No Castelo de Sta. Cruz o encontro tiña como lema “Espazos para conservar. Defendamos o noso patrimonio natural”. Acudiron cinco centros da comarca da Coruña presentando cada un a súa causa para defender. O nivel científico e de interese foi maior neste foro que no de Pontevedra. Aquí levouse a comunicación do traballo feito en toda a súa extensión. Non so centrado na caracterización das aves. Ao participar no congreso o equipo de investigación pasa a formar parte da rede de centros Jane Goodall.
Somos protagonistas do seu programa educativo Roots and Shoots. Rematou a xornada cun roteiro polo Monumento Natural da Costa de Dexo.

Issa Ndiaye: Vida dun inmigrante

Entrevista feita por Amy Díaz e Sara Castro [3º A ESO]

Issa Ndiaye e Rafael Sánchez
Issa Ndiaye e Rafael Sánchez

Ten 31 anos, naceu en Senegal preto de Dakar e leva dous anos en España. Chega a A Coruña so. Primeiro vai a Lisboa, esta viaxe decide facela en avión, porque a súa aboa “botoulle os osos” e soubo que se viaxaba en patera morrería, de onde foi devolto.
Issa contounos que moitos dos seus amigos que viñeran en patera morreron. As pateras cóllense en Senegal ou en Mauritania, hai que pagarlle ao xefe do barco no que viaxes. Máis ou menos páganse 500 € (diñeiro que aforran durante toda a súa vida, ou ben para casarse, ou ben para viaxar como fixo Issa).
No segundo intento viaxa a Italia, onde estivo catro meses, sen ningún tipo de axudas. Ali non se atopou ben, a xente non era amable, así que colleu un bus e volve a España; Cóntanos que non coñecía a nadie e así, ó chegar, estaba durmindo na rúa cando se lle achegou un policía que lle preguntou que canto tempo levaba alí, él contestoulle que acababa de chegar. O policía compadeceuse del e, vendo que tiña fame, marchou cinco minutos, e volveu cun bocadillo e unha coca-cola, ademais, explicoulle a Issa que non debería estar alí, xa que era un lugar perigoso para él.
Aqui véu sen contactos e vai traballando no que pode. Conoceu a Rafael Sánchez Fernández – abogado que leva toda a súa vida adicada a solidariedade no sindicato Comisiones Obreras- ó frente da casa de Senegal sita en A Coruña na ronda de Outeiro ao lado dunha mezquita. Issa falaba unha mestura de francés e español. Rafael aportoulle axudas metendoo nunha das clases de español, idioma que lle custou moito aprender, a pesar de adicar horas estudandoo.
O seu período de tempo máis dificíl foron os seus primeiros tres meses debido a que non sabía o idioma e non tiña amigos, pero aos seis meses mellorou.
Issa Ndiaye e alumnos de 3º A ESO
Issa Ndiaye e alumnos de 3º A ESO

Elixíu vír a Galiza porque dí que esta tranquilo e pode vivír, cando consiga os papeis, moitos anos sen problemas.
Actualmente vive co seu tío en Vilaboa, e traballa vendendo discos, que consegue baixándoos de internet ou mercando un e facendo moitas copias para sacarlle rendabilidade. Para vendelos busca sitios tranquilos pola noite porque na Calle Real a policía quítanlle as cousas. Se o colleran vendendoos, poderiano mandar de volta ao seu país, ou metelo na cárcere durante uns días.
Os seus principais obxectivos son: Mellorar na súa profesión (é carpinteiro), que pasen os tres anos para poder conseguír os papeis e volver a Senegal e montar un negocio.
O seu sono é conseguír un bo traballo e diñeiro para poder traer ao seu pai e curalo da súa enfermidade (ten unha parte do seu corpo paralizada) porque en Senegal non hai tanta tecnoloxía, e él a parte de curalo, quere conseguirlle unha silla de rodas eléctrica.
Ten unha moza en Marrocos e esta desexando vela, fala con ela todos os días. Tamén se comuníca coa súa familia chamando tódolos domingos preguntarlles que tal están.

Mediadoras do Neira Vilas imparten un curso a compañeiros de Guitiriz

Éramos ao redor de 40 persoas
Éramos ao redor de 40 persoas

“O EQUIPO DE MEDIACIÓN E CONVIVENCIA NO CENTRO ESCOLAR” foi o tema central da experiencia de intercambio e formación entre iguais entre o I.E.S. X. Neira Vilas e o I.E.S. Poeta Díaz Castro.
Unha posibilidade que promoveu e fixo posible o programa Axenda 21 Escolar de Galicia. O encontro persoal e a educación entre iguais son os seus principais valores, ademais da propia mediación. Os membros do equipo de convivencia e mediación fixeron un esforzo importante para ser “comunicadores”, “educadores” e “compañeiros entusiastas” dun grupo interesado – dezaseis rapaces e rapazas – do centro Lucense. Aproveitaron a oportunidade seis compañeiras de 1º de ESO do noso centro participando como “aprendices” de mediadoras. (Teresa López Velo, Catalina Bernot Hernández, Nuria Buño Golán, Laura Carro Sabio e Damaris Fernández Pumar)
A iniciativa partiu dos compañeiros e compañeiras de Guitiriz. Con eles compartírase a estadía nacasa rural-ecolóxica de “Alvarella” a finais do curso pasado. Gozaran deste premio recoñecido polos responsables da A21 Escolar de Galicia polo traballo desenvolvido nos dous institutos a prol dun mundo mais sostible. O alumnado do Neira Vilas foi agasallado polo traballo de varios anos e varias xeracións de mediadores e mediadoras. Tamén pola brillantez coa que o equipo do curso 2008-09 expuxo o seu traballo no encontro de Pontevedra “O alumnado é protagonista” – no marco da A21EG -.
O “curso” dividiuse en dúas xornadas: na primeira, o 20 de abril, foi o centro Oleirense o anfitrión. De 10 a 13 horas da mañá, no Salón de Actos do centro, tras unha presentación “regulamentaria” de tódolos asistentes, desenvolveuse o programa: O conflito, preciso para medrar na vida; diferentes modos de afrontar un conflito: asertivo, pasivo e violento; a vía da mediación: momentos da mediación e habilidades sociais necesarias para todo mediador. Cada momento foi dinamizado por membros do equipo de convivencia existente e Perillo: Lidia Candal Suárez, Adrián Freire Rodriguez, Marta Sánchez Méndez, Sara Sánchez Roma, Macarena Farias, Laura Vázquez, Estefanía Torres Esquivel e Laura Grobas. Empregáronse dinámicas de grupo para tratar cada un dos apartados. Os momentos de lecer foron tamén intensos e coidados: a parada a media mañá fixo famosa a tortilla do noso cantineiro Pablo en todo Guitiriz; e a mañá pechouse cun paseo de amigos e amigas pola praia de Santa Cristina.
Entre a 1ª e a 2º xornada o “tuenti” colapsouse na súa autoestrada virtual entre Perillo e Guitiriz… había que afianzar conceptos e amizades.
As 2ªs xornadas foron de gran debate
As 2ªs xornadas foron de gran debate

Na segunda xornada, o 25 de maio, foi o alumnado da Terra Chá quen acolleu ao grupo de mariñáns que foron alá. Decidiuse que fose todo o grupo, non so os máis directamente implicados na mediación, para facer tamén balance do ano académico e pasar o día xuntos convivindo. Sumáronse entón aos xa coñecidos: Sara Castro, Lucía Rodríguez, Lidia Sotorríos, Alejandro Nogueira, Sergio Ceán, André Luis Araujo, Álvaro Cadavieco, Fernando Romero, Nicole Barros, Martín Mejuto, Sergio Roget, Jesica Valadares, Leila Mejuto… A temática permitía facer isto xa que esta segunda foi unha xornada sobre cuestións organizativas: como se aborda un conflito nun centro sen mediación e como con mediación?; a posta en marcha do equipo de convivencia e mediación curso a curso ? E as liñas de traballo que tentou desenvolver no Neira Vilas o Equipo: a mediación en conflitos; a coidado medio-ambiental – reciclaxe, punto limpo, aforro… -; o acompañamento aos novos – asignando un compañeiro o u compañeira aos alumnos que chegan novos ao centro -; asesoría aos delegados e delegadas – mediante “auditorías” sobre a marcha dos distintos grupos -; observatorio da convivencia – detectando problemas e facendo un seguimento da saúde da convivencia no centro con reunións periódicas coa Xefatura de Estudos e Orientación…-. Precisamente na avaliación destas liñas participaron activamente aqueles que non estaban directamente involucrados en mediación. O tempo de lecer non foi menos importante: Parada a media mañá para saborear unhas empanadas moi ricas de carne e de bonito; comida na ribeira do río Parga, no lugar dos “Sete Muíños” – piscina fluvial de Guitiriz – con algún susto pola chuvia; e tarde de paseo e “bares” polo centro de Guitiriz tamén facendo máis amigos; ate houbo quen andou uns quilómetros polo monte ate Pardiñas – lugar de soa polo seu festival folck e o seu vello balneario -.
A valoración foi positiva por parte dos dous grupos. Agardando unha mais sisuda e pausada é unha constatación o enriquecemento do intercambio entre compañeiras e compañeiros de distinto centro e diferente nivel educativo. Tamén dá xogo a mediación como dramatización alternativa da vivencia dun conflito: inventar o alternativo á labazada, a declaración de guerra ou á imprescindible intervención do Leviatán Hobbesiano. A crítica maior que admite todo isto é precisamente a súa fraxilidade, a súa caducidade nun tempo onde a vida dos rapaces e rapazas “vai de paso”, na súa frescura de “leña verde …que todo e fume…”, vaia, como case todo en educación.