Arquivo da categoría: Curso 2012-2013

Brasil e República Dominicana: outras culturas

Brasil e República Dominicana: outras culturas
Brasil e República Dominicana: outras culturas

O venres 12 de abril cinco rapazas axudaban a pechar a Semana Intercultural cun aire renovado e fresco a través dunha actividade que pretendía dar a coñecer dúas culturas latinas: Brasil e República Dominicana.
Nathalia Oliveira, Marleni Martínez, Ellen Mattos, Thaiuane Ramos e Thalita Ramos, prepararon este traballo para os seus compañeiros de 2º de ESO, curso no que se atopan todas escolarizadas. Este traballo fixéronno xunto á coordinadora e mestra de pedagoxía terapéutica Adela Otero.
A actividade pretendía ampliar a visión sobre o mundo latino tendo como principal referente as dúas culturas mencionadas. Para isto, entre as cinco alumnas, expuxeron os datos máis relevantes de cada país, como por exemplo: a historia, a situación xeográfica, organización política, o clima, as paisaxes e monumentos máis importantes, tradicións, vida cotiá, educación, relixión, etc. Todo isto acompañado por unha gran variedade de imaxes e músicas latinas.
A sesión rematou coa entrega de doces típicos elaborados polas propias rapazas ao tempo que proxectaban os vídeos musicais que tanto lles gustan a estes rapaces/as.

Gala da Semana Intercultural

grupo de percusión
grupo de percusión

O intenso programa de actividades desenvolvido neste días tivo un fermoso colofón cunha gala de música, teatro e danza.
No apartado musical os grupos de percusión de ESO 2º, 3º, 4º e BAC 1º, dirixidos por Jesús F. Llaneza, ofreceron un concerto con obras de Keofas, Novaro, Schumann, Suzhki, Thomas, Mozart, Beethoven e Abba xunto con tres cancións populares irlandesas.
A representación escénica correo a cargo da parella artística Carlos Martín e Carmen Cotelo que ofreceron unha escena da obra Anos 70. O vindeiro curso esta parella poñera en marcha un obradoiro teatral como actividade extraescolar.
Rematou a gala coa actuación do obradoiro de danza do Instituto que despertou un gran entusiasmo no público.

The Big Challenge

Miguel Rodíguez Mahía
Primeiro premio a nivel provincial: Miguel Rodíguez Mahía

56 alumnos de ESO do centro participaron no concurso internacional The Big Challenge. Neste concurso os alumnos teñen que respostar non só preguntas sobre o idioma inglés senón tamén sobre a cultura dos paises de fala inglesa.
Os resultados obtidos foron moi bos e 22 alumnos conseguiron premios polos seus resultados.
Entre os premiados hai que destacar a Miguel Rodríguez Mahía de 4º de ESO que obtivo o primeiro premio a nivel provincial e a Carmen Rodríguez Coronado de 2º de ESO que obtivo o segundo premio.
O día 21 de xuño entregáronse os premios aos gañadores nun acto celebrado no salon de actos do centro.
Parabéns a tódolos participantes!!
 

Mobilidade Comenius Regio

 

Mobilidade Comenius Regio
Mobilidade Comenius Regio

Do 31 de maio ao 5 de xuño, tres profesores do IESP Xosé Neira Vilas participaron na 2ª das mobilidades a Vannes (Morbihan-Francia) no marco do Proxecto Comenius Regio “Échangeons notre échange scolaire!” no que o noso centro participa en colaboración con a Consellería de Cultura, Educación e O.U., a APFG -Asociación de Profesores de Francés de Galicia-, o IES Monte Neme de Carballo, a Mairie de Vannes (Concello de Vannes), o Collège Notre Dame Le Ménimur (Centro de ensino),e o Comité Bretagne-Galice (Asociación cultural).
Información da mobilidade

Graduación do alumnado de 2º de Bacherelato

Orla. 2º BACH 2012-2013
Orla. 2º BACH 2012-2013

Unha nova promoción de 2º de Bacharelato rematou a súa formación neste nivel formativo e para eles organizouse o día 24 de maio o acto de graduación.
Abriu a celebración, que tivo lugar no salón de actos, o director Agustín Fernández cunhas palabras para sinalar a importancia do momento para os seus protagonistas e para o instituto. A continuación houbo un momento musical da man de Manuel Bode que dou paso ás intervencións das súas compañeiras e compañeiro de promoción Camila Bargados, Lucía Rodríguez e Martín Mejuto. Seguidamente tomaron a palabra X. Ignacio Taibo (en representación do profesorado), Pilar Ríos (en representación das familias) e Sandra Fernández (en representación do Concello).
O acto proseguiu coa entrega de diplomas de mediación a aqueles membros desta promoción que formaron parte do Equipo de Mediación e Convivencia, do diploma Club Los Leones de Oleiros cunha beca de cincocentos euros e das orlas a todos os membros da promoción. Os diplomas de mediación foron entregados por Jesús Fdez Llaneza. O diploma Club Los Leones foi entregado a María Ramil por Ricardo Gómez, en representación de dito club. As orlas foron entregadas por Elvira Sanz, Eduardo Álvarez e X. Ignacio Taibo.
Como remate do acto proxectouse unha montaxe audiovisual alaborada polo profesor Xosé Antón García que recolle a traxectoria desta promoción desde que chegaron ao noso centro. A celebración continuou coa plantación dunha laranxeira conmemorativa previa a un pequeno ágape e unha cea de confraternización.

Viaxe Europea do alumnado das seccións plurilingües e das seccións bilingües. Curso 2013-2014.

Viaxe Europea: Lisboa
Viaxe Europea: Lisboa

O día 16 de maio de 2013, 51 alumnos de 1º,2º,4º da ESO e 1º de Bacharelato, acompañados por 4 profesores emprenderon a “VIAXE EUROPEA. Este ano a Lisboa.
O programa foi o seguinte:
O día 17 estivemos no centro educativo portugués : Escola Básica de 2º e 3º Ciclos Ferreira de Castro de Ouressa (Algueirão-Mem Martins) pertiño de Lisboa, onde fomos recibidos polo seu director, Antonio Castel-Branco e profesores de francés e español. O alumnado do noso centro estivo nalgunhas clases, visitou o centro e comemos na cantina do mesmo. Agradecer desde aqui a colaboración e axuda da profesora Dona Elisabete Pires. Pola tarde visitamos o Oceanário de Lisboa.
O día 18 visitamos os arredores de Lisboa. En Sintra estivemos no Palácio da Pena , e pola tarde vistamos a “Boca do Inferno” e a cidade de Cascais ; mais tarde paseamos pola Praça do Comércio, a Baixa lisboeta, Rocio e o Chiado.
O domingo día 19 continuamos coa descuberta de Lisboa, estimos no CCB ( Centro Cultural de Belém) e visitamos o Museo Coleção Berardo onde disfrutramos dunha clase sobre arte moderna e así poder apreciar as obras dos artistas alí presentes. Despois acercámonos o Mosteiro dos Xerónimos; pola tarde paseamos en barco polo rio Taxo e fixemos a “Ruta dos Descubrimentos”.
O último día e de maná estivemos no Palácio de São Bento, sede do Parlamento portugués onde tivemos ocasión de visitar o edificio asi como coñecer o funcionamento deste órgano soberano do país veciño.
O ano que ven outra nova “Viaxe Europea”; o destino ……..sorpresa!!!!!

Visita a Guimaraes

Visita a Guimaraes
Visita a Guimaraes

O pasado 14 e 15 de maio o alumnado da materia “Obradoiro de Iniciativas Emprendedoras” de 3º e 4º e de Xeografía viaxaron a Portugal acompañados polos profesores Isabel López Mariño, Jorge Calle e Carlos Vidal. Visitaron a citania de Briteiros, o mosteiro de Souto e a cidade de Guimarães. Nesta última percorreon o casco antigo e a área rehabilitada de Couros. .
Esta viaxe está realizado en colaboración co Proxecto Terra do Colexio de Arquitectos de Galicia.
O primeiro día de Portugal visitaron o xacemento arqueológico de Briteiros e o pobo que está cerca. O segundo día coñeceron a fondo a cidade de Briteiros co pazo dos duques e a fortaleza, en Couros visitaron a rehabilitación das fábricas textiles. Foi destacado polo alumnado o modelo de rehabilitación da cidade a orde na construcción e o respeto á arquitectura
Presentación sobre a visita realizada polo alumno André Araujo.

Entrevista a Simón Karmann

De Lorena a Perillo. Entrevista a Simón Karmann, lector de francés no noso centro.

Por André Araujo Tavares

“Hay muy buen trato en el Neira Vilas”

Andre Araujo y Somon Karmann
Andre Araujo y Somon Karmann

Simon Karmann nació en el año 1991 en Sarreguemines, en Lorena (Francia) y es filólogo. Su tesis doctoral trata sobre el fútbol en España. Ha tenido de siempre interés por las lenguas y en especial en el idioma español que ha estudiado desde hace varios años con estancia en España

Entrevista

¿Qué fue lo que más le llamó la atención del IES Neira Vilas?
En primer lugar me encantó el edificio. Es maravilloso su ubicación y las vista al mar. Los profesores tienen muy buena relación entre ellos.
¿Y el método de trabajo?
Me gusta porque hay mucha comunicación entre padres y profesores. Considero que se trabaja mucho con los alumnos y hay muy buen trato; en Francia hay mucha más distancia y menos comunicación personal.
¿Cómo ha visto los progresos del alumnado?
Considero que se hacen muchas actividades y eso es muy motivador. En concreto en las clases de francés el salir fuera, las visitas y los intercambios les hacen ver la necesidad y la utilidad de los idiomas. Las otras clases, al ser plurilingües, también les obliga a usar la lengua en diferentes contextos. La propuesta de actividades se entiende como un premio. El nivel del alumnado de francés es muy alto.
¿Y los intercambios?
Hay mucho interés y participación. Está todo muy bien organizado. Es una buena manera de aprender fuera del Centro educativo.
¿Alguna sugerencia?
Quizás que sean siempre a Bretaña.
¿Cree que es importante el francés?
Claro, es fundamental que se favorezca. En Francia se está perdiendo el alemán en mi región, Lorena por no haber interés en otras lenguas.
¿Ha sido útil la estancia aquí?
Ha sido fundamental porque para ser profesor la mejor manera es la práctica guiada por quien tiene una gran experiencia.
¿Qué es lo que más le gusta y lo que menos de A Coruña?
El mar y el ambiente y lo acogedora que es la gente. Lo que menos la arquitectura y el poco interés por conservarla.
¿Y de Galicia?
Me gusta mucho porque tiene una cultura propia y un paisaje muy diferente de lo que conocía. Creo que aprendí muchas cosas aquí.

Románico e relax en Guitiriz

O día 11 de Maio, o alumnado de Relixión do Instituto fixo unha saída a Guitiriz, acompañados polo profesorado: Juán Santamaría e Isabel López Mariño. De camiño observaron igrexas románicas e visitaron o Balneario de Guitiriz para coñecer a procedencia das augas das que logo eles mesmos desfrutaron.
Durante a súa ruta a Guitiriz, fixeron a primeira parada no río Parga onde cruzaron unha ponte romana para chegar á capela de San Alberte unha edificación medieval moi ben conservada. A seguinte parada foi xa no municipio de Guitiriz para observar unha das espléndidas igrexas de Galicia a de Santa María de Lagostelle.
Chegado xa ao Balneario o alumnado coñeceu a procedencia das augas das instalación co pozo de san Juan, onde as augas sulfurosas causaron gran estrañeza visitantes. O alumnado rematou a súa xornada cunhas horas de relax nos baños públicos.
A saída foi moi produtiva polas paradas onde puidemos observar as igrexas románicas tan simples pero importantes de recoñecer. A visita foi de corto tempo e as explicacións do profesorado foron breves e ben entendidas. Xa en Guitiriz paseamos individualmente pola zona,e pareceunos un pobo tranquilo e bonito. No balneario desfrutaron da piscina e das instalacións onde había zonas onde a auga saía a chorros. Saíron todos moi relaxados.