Asociación de nais e pais de alumnos
Estimadas familias, profesorado e membros da comunidade escolar, somos a ANPA ARCE DO IESP XOSÉ NEIRA VILAS, unha asociación creada por e para as familias do noso centro educativo.
A nosa misión é traballar con ilusión para mellorar a experiencia escolar dos nosos fillos e fillas, fomentar a colaboración entre familias e a escola e defender os intereses da comunidade educativa.
Sabemos que xuntos somos máis fortes, organizamos actividades, promovemos iniciativas e levamos a cabo proxectos que benefician a todo o alumnado.
Para o vindeiro curso, estamos a preparar unha serie de actividades extraescolares:
- English Club
- Le Club Français
INFORMACIÓN ENGLISH CLUB e LE CLUB FRANÇAIS
FORMULARIO DE INSCRIPCIÓN CURSO 2025/26
Tamén temos previsto levar a cabo outras actividades que se impartirán en horario escolar e sen custo para as familias:
• Técnicas de Estudo
• Xestións de conflictos
• Programa “Estudar con Sentido”
Queremos establecer unha liña de colaboración co Banco de Alimentos, para que os nosos fillos e fillas poidan coñecer diferentes formas de ser solidarios e, incluso, participar como voluntarios se así o desexan.
Ademais, como vén sendo costume, encargarémonos do Fondo de Libros.
Intercambio de libros de texto
Xa sabedes a importancia que ten o banco de libros para a economía familiar, polo que animámosvos a todos e a todas a participar coas vosas doazóns, paso primordial para poder contar con libros para todo o alumnado, así como a facervos socios da anpa para poder seguir a traballar en proxectos como este. A participación no intercambio de libros é totalmente voluntaria.
Aquí tedes as normas básicas para participar:
Decálogo do Intercambio de Libros
- O intercambio de libros é un acto totalmente voluntario e só poderán participar as familias que sexan socias do ANPA.
- Doar os libros da dereito a participar no intercambio, pero no garante que todo o mundo reciba os libros solicitados, xa que isto dependerá das existencias que haxa no fondo de libros.
- Haberá un intercambio no mes de xullo e outro en setembro.
- O alumnado que envíe a outra persoa a recoller os seus libros, que non sexa nai, pai, ou titor legal, deberá de proporcionarlle unha autorización por escrito.
- Cando o alumnado precise quedar con algún libro ata a convocatoria do mes de setembro ou para utilizalo outro curso máis, deberán comunicalo á anpa.
- Ningún alumn@ poderá prestar ningún libro do fondo a outr@ alumn@, nin sequera a membros da súa familia. Os libros prestados deberán de volver ao fondo da anpa cada curso, para que se poida facer un reparto xusto.
- O alumno que non devolva algún libro, ou teña débedas pendentes coa anpa, causará baixa na participación do intercambio.
- Os libros deben forrarse e marcarse indicando o nome cunha pegatina na portada exterior, deben coidarse, non pintarse con bolígrafos ni rotuladores. Recordade que son de todos e que despois outro alumno fará uso deles.
- O alumnado que non veña a recoller os libros que lle corresponda nas datas que se indican e non avise a anpa a través do enderezo electrónico, ou de ningún outro xeito, perderá o seu dereito a dispoñer deles.
Alta de socios
Aquelas persoas que desexen facerse socios deberán cubrir a ficha de solicitude de ALTA SOCIOS 2025/26 e aboar a cantidade de 20 euros por familia polo primeiro fill@ e 5 euros polos seguintes fill@s.
Nº conta Banco Santander: ES26 0049 0007 2920 1225 2663
TITULAR: ANPA ARCE DO IESP XOSÉ NEIRA VILAS
Se queredes máis información, contactade connosco en anpaneiravilas@gmail.com
Tódala información actualizada das novas relativas a nós, sairá publicada na páxina web do centro no apartado de Anpa (Novas).
ANPA ARCE DO IES PLURILINGUE NEIRA VILAS_Tríptico Informativo
Anímate e forma parte do ANPA. Canto máis unidos estemos, máis podemos lograr!
A xunta directiva.