Unha vez máis, o Concello de Oleiros e o Equipo de Normalización e Dinamización da Língua do IES tiveron o pracer de compartir, coa rapazada de 3º ESO, unha xornada coa boca chea de galego. O artista deste encontro foi o escritor e director de teatro Cándido Pazó.
O días 8, 9 e 10 de abril co programa Aprender, do Concello de Oleiros, o alumnado de 1º ESO A estivo investigando, xogando, interactuando, convivindo e aprendendo a desenvolverse e ser mais autónomos no Courel.
Grazas ao marabilloso labor do persoal de Bibliotecas de Oleiros, o alumnado de 2º de Bacharelato puido asistir o 24 de marzo a un encontro extraordinario coa escritora Yolanda Castaño. Nel, a autora fixo un percorrido polas creacións poéticas universais e escoitamos poemas orixinarios doutras linguas, doutras realidades e doutros espazos que teñen todo a ver connosco e coa creación galega. Así, achegámonos a obras de autoras como Idea Vilariño, Alejandra Pizarnik, Wisława Szymborska, Jose Luís Peixoto, Margaret Atwood, Jorge Luis Borges ou Sharon Olds, entre outras.
O venres 13 de marzo de 2026 tivemos o inmenso pracer de contar co coñecido actor internacional Avelino González para gozar co seu monólogo ” Galego para adolescentes ” coa colaboración da coordinadora de ENDL da Xunta e o ENDL do IES.
Nestes días dentro do “Plan Director para a Convivencia e a mellora da seguridade nos centros educativos”, o corpo da Garda Civil de Oleiros impartiron charlas de prevención de diferentes temáticas nos cursos da ESO. En 1º ESO centráronse nas TICS e os seus riscos; en 2º ESO no acoso e ciberacoso escolar; en 3º ESO en drogas e alcol; e en 4º ESO na violencia sobre a muller.
O día 25 de febreiro o alumnado de 2º curso de ESO desprazouse por grupos e en distintas quendas ao Museo “Os Oleiros” para desenvolver a actividade que relaciona a Física e a Química coa artesanía oleira. Fomos recibidos por Ana Justo que foi a guía explicativa da actividade e fixo que o alumnado viaxase no espacio e no tempo polos materiais e propiedades deste tipo de artesanía.
8 de marzo unha data para non esquecer como fixo a rapazada de 2º ESO compartindo co alumnado a canción de Fillas de Casandra: “Rosiña” , motivados pola profe de Música Sabela, en colaboración co ENDL.
O ENDL máis a rapazada de 2º ESO participaron o xoves 5 de marzo na regueifada musicalmente guiadas da Regueifeira Maior: Lupe Blanco. Grazas aos participantes e ao Concello pola actividade proposta.
