Ao longo desta semana, a orientadora do centro, Lorena Insua, impartiu ao todo o alumnado de 4º ESO unha charla sobre orientación académico-profesional na que lle explicou o funcionamento e características da Formación profesional e do Bacharelato, así como o sistema de acceso á universidade, e lle achegou estratexias de autocoñecemento e toma de decisións para a orientación do seu futuro académico e laboral. Proximamente, completarase a información suministrada nesta charla coa explicación detallada do programa Bachibac.