O alumnado de segundo da ESO asistimos hoxe ao espectáculo poético de Yolanda Castaño A poesía non morde e nel gozamos dun universo poético inzado de imaxes que nos engaiolaron.

Poesía do fútbol, dos caramelos, do verán e dos bos momentos compartidos foron os leitmotiv desta xuntanza, nas Torres de Santa Cruz. Impresionounos aprender como o cotiá tamén pode ser poetizable! E, sen dúbida, habemos de darlle bo uso a estas novas ferramentas poéticas que traemos connosco de volta para o instituto!