Arquivo da categoría: Departamento de Lingua Galega

Actividades, Curso 2025-2026, Curso Actual, Departamento de Lingua Galega

GRAN ÉXITO TEATRAL NA FEIRA DO LIBRO

O 26 de abril o alumnado de Oratoria de 4º ESO participou nas actividades organizadas polo Concello de Oleiros para celebrar o Día do Libro cunha representación teatral que deu vida e voz a dous poemas senlleiros de Rosalía de Castro. Cun cheo total na zona habilitada no Parque José Martí e baixo a dirección da profesora Eli Ríos, a función transitou entre o humor e o drama para traer ao presente dúas obras da literatura universal e mostrar o talento e a implicación da nosa xuventude. Noraboa a todas e todos!

Actividades, Curso 2025-2026, Curso Actual, Departamento de Lingua Galega

BEGOÑA CAAMAÑO E A REESCRITURA DO MITO

Grazas ao Servizo de Dinamización Lingüística do Concello de Oleiros, os grupos de 2º de Bacharelato puideron gozar o pasado 16 de abril dun revelador obradoiro sobre Begoña Caamaño. Antía Otero impartiu esta actividade ilustrativa non só da escrita da autora a quen se lle dedican as Letras Galegas de 2026, senón que tamén nos levou de viaxe polos territorios gregos, por Ítaca ou por Eea. Ademais, achegámonos a Avalon da man de Morgana e, por último, e máis relevante tomamos a man de Circe e de Penélope e experimentamos a escrita sorora cos nosos bolis. Rematamos esta xornada e levamos na nosa cabeza o convencemento de que nós “tamén navegar”!

Actividades, Curso 2025-2026, Curso Actual, Departamento de Lingua Galega

OBRADOIRO DE POESÍA UNIVERSAL CONTEMPORÁNEA

Grazas ao marabilloso labor do persoal de Bibliotecas de Oleiros, o alumnado de 2º de Bacharelato puido asistir o 24 de marzo a un encontro extraordinario coa escritora Yolanda Castaño. Nel, a autora fixo un percorrido polas creacións poéticas universais e escoitamos poemas orixinarios doutras linguas, doutras realidades e doutros espazos que teñen todo a ver connosco e coa creación galega. Así, achegámonos a obras de autoras como Idea Vilariño, Alejandra Pizarnik, Wisława Szymborska, Jose Luís Peixoto, Margaret Atwood, Jorge Luis Borges ou Sharon Olds, entre outras.

O pase de diapositivas require JavaScript.

Actividades, Curso 2025-2026, Curso Actual, Departamento de Lingua Galega

OBRADOIRO “MEIGALLO GRÁFICO” EN RIALEDA

O pase de diapositivas require JavaScript.

Os días 3 e 4 de marzo o alumnado de 1º e 2º ESO asistiu ao obradoiro “Meigallo gráfico”, impartido polo ilustrador Miguel Cuba. Grazas ao seu labor e ao das Bibliotecas de Oleiros, puidemos viaxar a terras de Xapón, Dinamarca e lugares impronuncialbes para descubrir que compartimos unha riquísima mitoloxía! As nosas cabeciñas enchéronse de lamias, tardos e gatipedros para animar a nosa imaxinación. Aquí vos deixamos algunha das criaturas mitolóxicas que creamos!

Actividades, Curso 2025-2026, Curso Actual, Departamento de Lingua Galega

VISITA Á BIBLIOTECA RIALEDA

Entre o 19 e o 27 de febreiro o alumnado de 2º e 4º ESO visitou a Biblioteca Rialeda e asistiu á actuación de Feirantes, coa excelente dramatización de Ramiro Neira. Esta actividade desenvolveuse no marco do Programa de actividades educativas do Sistema de Bibliotecas públicas municipais do Concello de Oleiros. Moitas grazas ao persoal de Rialeda pola súa acollida!
Actividades, Curso 2025-2026, Curso Actual, Departamento de Lingua Galega, Equipo de Dinamización da Lingua Galega

MANUEL NÚÑEZ SINGALA E A OPORTUNIDADE DA LINGUA GALEGA

O mércores 21 de xaneiro o alumnado de 4º ESO tivo o pracer de asistir á charla “A lingua galega: unha oportunidade”, impartida polo escritor e director do Servizo de Normalización lingüística da Universidade de Santiago de Compostela Manuel Núñez Singala e organizada polo Servizo de Normalización lingüística do Concello de Oleiros en colaboración co Equipo de Dinamización da lingua galega do noso instituto. A través das súas amenas verbas, cheas de historias, sorpresas e xiros inesperados, Manuel fíxonos reflexionar sobre a situación da lingua galega, sobre o que nos condiciona como falantes e sobre a oportunidade e riqueza que supón o noso patrimonio lingüístico e cultural.