Arquivos da etiqueta: Nacho Taibo

Nacho Taibo, Escritor na súa terra.

O sábado 16 de xuño tivo lugar a homenaxe a Nacho Taibo que organizou a Asociación de Escritoras e Escritores en Lingua Galega co gallo da distinción como Escritor na súa terra- escritor letra E. O acto, realizado en Santa Cruz, incluíu unha primeira parte onde se plantou un carballo, árbore escollida polo autor, á vez que se descubría unha pedra conmemorativa na que se recollía un texto de Nacho Taibo. A continuación tivo lugar un acto máis oficial no castelo de Santa Cruz. O autor, para alén de repasar a súa vida e obra, dedicou unha parte do seu discurso ao seu paso polo IES Neira Vilas. Seguir lendo Nacho Taibo, Escritor na súa terra.

Homenaxe a Nacho Taibo

Os días 24 e 25 de maio tiveron lugar as xornadas dedicadas a Nacho Taibo. O venres 25, despois das dúas mesas nas que se falou do seu labor docente, o homenaxeado xunto cos compañeiros e parte do alumnado acudiu á aula 23 para descubrir os vinilos conmemorativos que recollían parte da súa obra e biografía, con motivo da dedicatoria na súa honra da aula na que se imparten actualmente as clases de Lingua e Literatura Galega.

A noticia dos actos foi recollida polo xornal “La Opinión”. Seguir lendo Homenaxe a Nacho Taibo

Homenaxe a Nacho Taibo

Este ano a AELG decidiu escoller a Nacho Taibo, profesor que formou parte do claustro do IES Neira Vilas durante moitos anos, como “Escritor na súa terra – Letra E”, na súa vixésimo cuarta edición. O centro unirase ás homenaxes ao compañeiro coa organización dunhas xornadas dedicadas ao seu labor docente e creativo que terán lugar o xoves 24 e venres 25 de maio de acordo co seguinte programa: Seguir lendo Homenaxe a Nacho Taibo

Homenaxe á Nacho Taibo

A Asociación de Escritores en Lingua Galega escolleu a Nacho Taibo para que sexa o próximo Escritor na súa terra -Letra E. Para alén da homenaxe que a AELG lle rendirá en Oleiros no mes de xuño, o IES Neira Vilas organizará unhas xornadas na honra do compañeiro que exerceu como profesor de Lingua e Literatura Galega no centro durante máis de vinte anos. O 24 de maio dedicarase ao seu labor como creador de ficción a través dunha mesa literaria encabezada por Cesáreo Sánchez, presidente da AELG, na que estará tamén o narrador Martínez Oca. A continuación o xornalista e narrador Xián Alcayde Dans entrevistarao en directo en presenza de parte do alumnado. O día 25 centrarase na súa faceta docente. Nesta última xornada haberá unha mesa na que Nacho Taibo estará acompañado por varios compañeiros seus e, deseguido, terá lugar un encontro co alumnado que leu a súa novela As boas familias.

Acto conmemorativo do 25 aniversario do instituto (Semana 25 do Neira)

Acto conmemorativo do 25 aniversario do institutoO luns tivo lugar no salón de actos a celebración dos nosos 25 anos.
Interviron no acto Agustín Fernández Gago (director do instituto), Xoan Ignacio Taibo Arias (escritor recentemente xubilado como profesor do centro), Indalecio Cabana Leira (xefe territorial da Consellería de Educación), Fernando Gonzalez Laxe (presidente da Xunta de Galicia cando se inaugurou o instituto), Ángel García Seoane (alcalde de Oleiros) e Xosé Neira Vilas.
Estiveron presentes unha representación da inspección educativa, do concello de Oleiros, da asociación de nais e pais de alumnos, da parroquia de Sta Leocadia e doutros institutos de Oleiros xunto a antigos profesores e persoal non docente así como unha representación do profesorado, persoal non docente e alumnado actual.

Neira Vilas preside a entrada ao instituto

Neira Vilas preside a entrada ao instituto
Contemplado o mural

Ao celebrarse o 25 aniversario do instituto era preciso deixar constancia nun lugar emblemático do recoñecemnto á persoa que lle da nome. Pensouse que a mellor forma sería por medio dun mural ubicado na entrada principal do centro que fixera referencia á figura de Xosé Neira Vilas, ao seu libro senlleiro “Memorias dun neno labrego”, ao seu espazo vital no concello de Vila de Cruces e ás súas palabras. O mural foi deseñado por Senén Olano e inaugurado ao inicio da Semana 25 do Neira.

Graduación do alumnado de 2º de Bacherelato

Orla. 2º BACH 2012-2013
Orla. 2º BACH 2012-2013

Unha nova promoción de 2º de Bacharelato rematou a súa formación neste nivel formativo e para eles organizouse o día 24 de maio o acto de graduación.
Abriu a celebración, que tivo lugar no salón de actos, o director Agustín Fernández cunhas palabras para sinalar a importancia do momento para os seus protagonistas e para o instituto. A continuación houbo un momento musical da man de Manuel Bode que dou paso ás intervencións das súas compañeiras e compañeiro de promoción Camila Bargados, Lucía Rodríguez e Martín Mejuto. Seguidamente tomaron a palabra X. Ignacio Taibo (en representación do profesorado), Pilar Ríos (en representación das familias) e Sandra Fernández (en representación do Concello).
O acto proseguiu coa entrega de diplomas de mediación a aqueles membros desta promoción que formaron parte do Equipo de Mediación e Convivencia, do diploma Club Los Leones de Oleiros cunha beca de cincocentos euros e das orlas a todos os membros da promoción. Os diplomas de mediación foron entregados por Jesús Fdez Llaneza. O diploma Club Los Leones foi entregado a María Ramil por Ricardo Gómez, en representación de dito club. As orlas foron entregadas por Elvira Sanz, Eduardo Álvarez e X. Ignacio Taibo.
Como remate do acto proxectouse unha montaxe audiovisual alaborada polo profesor Xosé Antón García que recolle a traxectoria desta promoción desde que chegaron ao noso centro. A celebración continuou coa plantación dunha laranxeira conmemorativa previa a un pequeno ágape e unha cea de confraternización.

Roteiro Cultural e Literario

Roteiro Cultural e Literario
Roteiro Cultural e Literario

O alumnado de 1º de Bacherelato participou o día 3 de maio nun roteiro organizado polo Sistema de Bibliotecas Públicas Municipais, o Servizo de Normalización Lingüística e o IES Miraflores de Oleiros.
Este percorrido por distintos lugares do municipio achegou aos participantes a diferentes mulleres e homes ilustres que viviron no noso municipio. Comezou en Santa Cruz con Syra Alonso e Francisco Miguel, para ir logo ao Pazo de Lóngora con Fanny Garrido e Marcial del Adalid, para pechar en Oleiros onde veraneou Francisca Herrera.
Esta actividade permitiu aos participantes coñocer mellor o contorno no que viven e a importancia que tiveron homes e mulleres que viviron nel.

Entrega de premios do concurso de microrrelatos de amor

Entrega de premios do concurso de microrrelatos de amor
Entrega de premios do concurso de microrrelatos de amor

O xoves 21 de Febreiro foron entregados os galardóns a: Elaine Silvestre Macena de 3º de ESO pola obra en galego “Sempre contigo” , Andrea Docampo Sánchez de 4º de ESO pola obra en francés: “L`amour est beau” e a Oriana Morín Ampueda de 3º de ESO por a obra en Español “Somos” . Os premios foron entregados polos profesores encargados da Biblioteca, Fernado Vidal e Isabel López Mariño e polos catedráticos de Galego, Francés e Castelán.
Convocatoria do Concurso

Graduación 2º BACH. CURSO 2010-2011

Orla Promoción 2010-2011
Orla Promoción 2010-2011

O venres 27 de maio tivo lugar no centro educativo o acto de graduación da promoción de 2º Bacharelato 2010-11, ao que asistiron alumnado, pais e representantes da comunidade educativa, así como a concelleira de Cultura do concello de Oleiros. A xornada -presidida polo director José López Couce- desenvolveuse nun ambiente festivo, cos discursos por parte do alumnado (Elba Tenreiro), das nais e pais (Consuelo Rama) e do profesorado (Nacho Taibo), o habitual plantamento da árbore conmemorativa (neste caso un acivro) -acompañado da interpretación do “Gaudeamus Igitur” ao saxofón polo alumno Adrián Freire, de 1º Bacharelato-, a entrega da orla -realizada pola benquerida ex-profesora do centro educativo Isabel Aller- e un pequeno refrixerio preparado polos responsables da cafetería do centro educativo-. A xeira concluíu cunha cea de confraternización entre profesorado e alumnado no Hotel Hesperia de A Coruña.