Arquivos da etiqueta: Xosé Neira Vilas

Semana Neira Vilas

O mes de novembro é ben significativo para Xosé Neira Vilas. Por este motivo, desde o Equipo de Dinamización da Lingua Galega, en colaboración con diferentes departamentos, organizáronse actividades na honra do escritor que dá nome ao noso centro.

  • Panel de homenaxe que recolle textos escritos polos membros da nosa comunidade educativa adicados á súa memoria.
  • Convocatoria dun concurso-exposición de retratos en colaboración co Departamento de Plástica e Educación Audiovisual, baixo o nome “O teu Balbino do século XXI”.
  • Así mesmo, o venres 25 todos os compoñentes do centro xuntáronse nun acto homenaxe onde participaron tamén Xosé Martínez Romero, psicólogo clínico e amigo persoal de Neira Vilas en Bos Aires, e o escritor e profesor ata o curso pasado no IESP, Xosé Carballude.
  • A continuación, Xosé Martínez Romero e Xosé Carballude tiveron unha charla co alumnado onde partillaron as súas vivencias xunto a Neira Vilas e onde se presentou unha entrevista que Xosé Carballude lle realizou ao escritor hai uns anos.

Audio da entrevista:

Imaxes:

Semana Neira Vilas

O mes de novembro é ben significativo para Xosé Neira Vilas. Por este motivo, desde o Equipo de Dinamización da Lingua Galega, en colaboración con diferentes departamentos, organizaranse actividades na honra do escritor que dá nome ao noso centro. Ademais dun panel homenaxe onde cada membro da comunidade educativa poderá deixar unhas palabras na súa memoria, convócase un concurso-exposición de retratos en colaboración co Departamento de Plástica e Educación Audiovisual, baixo o nome “O teu Balbino do século XXI”. Así mesmo, o venres 25 todos os compoñentes do centro xuntaranse nun acto homenaxe onde participarán tamén Xosé Martínez Romero, psicólogo clínico e amigo persoal de Neira Vilas en Bos Aires, e o escritor e profesor ata o curso pasado no IESP, Xosé Carballude. A continuación, Xosé Martínez Romero e Xosé Carballude terán unha charla co alumnado onde partillarán as súas vivencias xunto a Neira Vilas e onde se presentará unha entrevista que Xosé Carballude lle realizou ao escritor hai uns anos.

Eu son Neira Vilas

O día 3 de novembro o escritor Xosé Neira Vilas festexaba o seu aniversario. Desde o IESP enviouse un vídeo-agasallo no que o profesorado, alumnado e persoal do centro asumía a personalidade do escritor partindo da célebre frase coa que comeza “Memorias dun neno labrego”. O que ía ser un agasallo converteuse o día 27 nunha homenaxe a súa vida e obra.

A Asociación de Escritores en Lingua Galega colgou na súa web o video elaborado pola comunidade educativa do centro e xa o puxo en facebook.

Parabéns a Xosé Neira Vilas

XoseNeiraVilas_10_11_15_1O pasado 3 de novembro foi o cumpreanos do escritor e amigo Xosé Neira Vilas. Desde o instituto desexóuselle un aniversario ben feliz a través dunha felicitación e un vídeo realizado polo Departamento de Dinamización da Lingua e o Departamento de Actividades Extraescolares no que colaborou o profesorado, conserxes e alumnado.

Encontro con Neira Vilas (Semana 25 do Neira)

Encontro con Neira Vilas (Semana 25 do Neira)
Encontro con Neira Vilas (Semana 25 do Neira)

O día 7 de abril, no arranque da semana, o alumnado de 1º, 3º de ESO e 1º de BAC tivo un encontro con Xosé Neira Vilas para testimuñar o noso recoñecemento a ese gran escritor que da nome ao noso centro. Á chegada ao instituto o autor de “Memorias dun neno labrego” foi recibido polo director e unha representación do profesorado e do alumnado. Xa no salón de actos fixose unha lectura dalgúns dos seus relatos curtos a cargo de Marta Rodríguez, Miguel Pozo (ESO 1º), Nathalia de Oliveira, Irene Casás (ESO 3º), Jorge Luciano Murchio e Antón Blanco (BAC 1º).
Rematou o acto cunhas palabras do noso querido Xosé animando ao alumnado a se esforzar para acadar a formación que lles permitirá desempeñar no futuro o papel que lles corresponda na sociedade.

Acto conmemorativo do 25 aniversario do instituto (Semana 25 do Neira)

Acto conmemorativo do 25 aniversario do institutoO luns tivo lugar no salón de actos a celebración dos nosos 25 anos.
Interviron no acto Agustín Fernández Gago (director do instituto), Xoan Ignacio Taibo Arias (escritor recentemente xubilado como profesor do centro), Indalecio Cabana Leira (xefe territorial da Consellería de Educación), Fernando Gonzalez Laxe (presidente da Xunta de Galicia cando se inaugurou o instituto), Ángel García Seoane (alcalde de Oleiros) e Xosé Neira Vilas.
Estiveron presentes unha representación da inspección educativa, do concello de Oleiros, da asociación de nais e pais de alumnos, da parroquia de Sta Leocadia e doutros institutos de Oleiros xunto a antigos profesores e persoal non docente así como unha representación do profesorado, persoal non docente e alumnado actual.

Resultado do Concurso de Relatos Curtos: 25 do Neira

Resultado do Concurso de Relatos Curtos: 25 do Neira
Resultado do Concurso de Relatos Curtos: 25 do Neira

Presentáronse un total de 28 traballos repartidos entre as tres categorías do certamen.
Os traballos gañadores son:

  • “A viaxe da pequena Galia”, autora Galia Usatorre Cabaleiro (1º ESO do IES Miraflores), na categoria de 1º e 2º da ESO.
  • “O corazón no maleteiro”, autora Sara Ylenia Ambroa Búa (4º ESO IES Plurilingüe Xosé Neira Vilas), na categoría de 3º e 4º da ESO.
  • “Cando perdín o meu bosque”, autor Sergio Ceán Vázquez (1º Bacharelato IES Plurilingüe Xosé Neira Vilas), na categoría de bacharelato e ciclos formativos.

Os premios foron entregados por Á ngel García Seoane, alcalde de Oleiros, o día 7 de abril no acto de celebración do 25 aniversario do noso instituto ao que asistiu Xosé Neira Vilas e a práctica totalidade dos participantes no concurso.

Resumo da acta do xurado:

O xurado do Concurso de Relatos Curtos 25 DO NEIRA reuniuse o día 4 de abril de 2014 baixo a presidencia de Sandra Fernández Fernández, concelleira de educación de Oleiros, e coa asistencia de Rosa García Vilariño e Ana María Crego Yañez, dos departamentos de Lingua Galega dos institutos de Oleiros, xunto a Maria Luz e Uxío Pedreira, das bibliotecas de Oleiros, e Xoan Ignacio Taibo Árias, escritor. Actuou de secretario, Agustín Fernández Gao, director do IESP Xosé Neira Vilas.
Entre os seus acordos figura seleccionar os traballos finalistas e o premiado en cada categorías:
Categoría primeira (alumnado de 1º e 2º de ESO):
Relatos Finalistas: Memorias da infancia (pseudónimo Luna Llena) A viaxe da pequena Galia (Galia), Memorias da infancia, (Diamante), Fuxida dun artista (Lucero), Lembranzas dunha tarde de inverno (Pimur), A soidade (Artista da pista)
Relato gañador: A viaxe da pequena Galia, autora Galia Usatorre Cabaleiro (1º ESO do IES Miraflores)
Categoría segunda (alumnado de 3º e 4º de ESO):
Relatos Finalistas: Emilie (Málvary), Memorias da infancia (Ceo azul), O corazón no maleteiro (Beiramar).
Relato gañador: O corazón no maleteiro, autora Sara Ylenia Ambroa Búa (4º ESO IES Plurilingüe Xosé Neira Vilas)
Categoría terceira (alumnado de 1º e 2º de Bacharelato e ciclos formativos):
Relatos Finalistas: O cadro (C. OATS), Cando perdín o meu bosque (Peter Pan), Unha noite calquera (Alejandro Losada)
Relato gañador: Cando perdín o meu bosque, autor Sergio Ceán Vázquez (1º Bacharelato IES Plurilingüe Xosé Neira Vilas)

Neira Vilas preside a entrada ao instituto

Neira Vilas preside a entrada ao instituto
Contemplado o mural

Ao celebrarse o 25 aniversario do instituto era preciso deixar constancia nun lugar emblemático do recoñecemnto á persoa que lle da nome. Pensouse que a mellor forma sería por medio dun mural ubicado na entrada principal do centro que fixera referencia á figura de Xosé Neira Vilas, ao seu libro senlleiro “Memorias dun neno labrego”, ao seu espazo vital no concello de Vila de Cruces e ás súas palabras. O mural foi deseñado por Senén Olano e inaugurado ao inicio da Semana 25 do Neira.

Neira Vilas visita o seu instituto

Neira Vilas visita o seu instituto
Neira Vilas visita o seu instituto

Xosé Neira Vilas, o gran escritor galego e persoa que da a seu nome ao noso instituto, visitounos o día 31 de outubro acompañado de Valentín García, Director Xeral de Política Lingüística da Xunta de Galicia, e Angel García Seoane, Alcalde de Oleiros.
Á chegada ao centro, foi recibido por Agustín Fernández, Director do Instituto, e unha representación dos delegados do alumnado que lle deu a benvida e lle entregou un ramo de flores. A continuación Neira Vilas mostroulle ao Director Xeral o fondo editorial que se leva xuntado no Instituto, con practicamente todas as edicións dos seus libros, así como os paneis que recollen unha breve reseña da súa biografía.
Seguidamente asinou dedicatorios para os diversos grupos de alumnos que llo pediron e compartiu uns minutos co profesorado e persoal non docente.
Como remate da mañá, Neira Vilas trasladouse ao Centro Cultural A Fábrica onde mantivo un encontro co alumnado de 3º, 4º de ESO e 1º de Bacharelato para lles presentar a exposición “Querido Balbino, 1961-2011. 50 anos de Memorias dun Neno Labrego”, organizada