O Concello de Oleiros en data 17/10/2024 mediante Resolución nº 2024005442 ao abeiro da “Convocatoria de subvencións a asociacións de nais e pais, entidades culturais, veciñais e sociais do Concello de Oleiros para a realización de actividades no ano 2024″ resolve conceder unha subvención de 5339,67 euros ao ANPA Arce IESP Xosé Neira Vilas para as actividades de: English Club, Taller defensa persoal, Obradoiro Educación Emocional, Taller
técnicas de estudio e Limpieza de praias.
Todolos artigos de: ANPA Arce IESP Neira Vilas
Aviso importante sobre a Asemblea Xeral Ordinaria
Estimadas familias, queremos comunicar que na próxima asemblea do día 7 de novembro o actual equipo directivo do ANPA non presentará a súa candidatura para continuar nos seus cargos, polo que para que o ANPA poda continuar coas súas funcións, levando a cabo actividades como: a doazón de libros, técnicas de estudo, actividades extraescolares etc… é necesario que outros pais e nais tomen a substitución na xunta directiva. Dado a importancia desta asemblea esperamos contar coa vosa participación. Anexamos a convocatoria onde se fai constar este punto de forma explícita.
CONVOCATORIA ASEMBLEA XERAL ORDINARIA
Convócanse a todas as familias socias e invítanse a todas as familias non socias a unha asemblea xeral ordinaria da Asociación de nais e pais do IESP Xosé Neira Vilas.
-
- Data: Xoves 7 de novembro de 2024
- Hora:
-
- 18:30 en 1ª convocatoria
- 19:00 h en 2ª convocatoria
-
- Lugar: IESP Xosé Neira Vilas
ACTIVIDADE ANPA DE ENGLISH CLUB
Enviámosvos a información sobre a actividade de English Club que organizamos desde a ANPA Arce Neira Vilas e a ligazón donde podedes acceder ao formulario de inscrición. 
FORMULARIO de inscrición aquí.
Reparto dos libros doados á ANPA
O reparto dos libros de texto doados á ANPA terá lugar o 11 de setembro, primeiro día de clase, en horario lectivo.
O alumnado recibirá, directamente na súa clase, o lote que lle fose asignado tras a súa solicitude.
Lembramos que as familias socias da ANPA teñen prioridade na 
distribución dos libros e no número deles asignados.
Desde a directiva do anpa queremos agradecer especialmente a colaboración das familias que doaron libros e fixéronse socias facendo posible que así o anpa poida continuar levando esta e outras iniciativas.
FONDO DE LIBROS CURSO 2024 – 2025
– Devolución: Necesitamos que aquelas familias que aínda non devolveron os manuais do curso 23-24 fágano na maior brevidade posible, lembrade que aqueles que non devolvan os libros non poderán participar no préstamo do curso que entra.
– Doazóns: Queremos, unha vez máis, salientar a importancia das doazóns, fan falta en todos os cursos pero especialmente nos cursos de 2º e 4º da ESO (neste momento, por exemplo, non dispoñemos de ningún manual de matemáticas A para prestar), sen elas somos conscientes de que moitas peticións quedarán sen cubrir, cousa que vai en detrimento de todas as familias do centro. Animádevos a doar, aínda estamos a tempo!
– Recollida: Tanto as devolucións como as doazóns serán recollidas na conserxería do centro en horario de 9:00 a 13:00, rógase que se entreguen xunto coa folla destinada a ese fin debidamente cuberta.
– Reparto: Por todo o comentado anteriormente a entrega dos libros en préstamo para o curso 24-25 finalmente levarase cabo en setembro, necesitamos que todos os manuais sexan devoltos e esperamos que nestes días de matrícula máis familias anímense a colaborar coas súas doazóns.
– Solicitudes: Ao final de esta entrada tedes as fichas de solicitude de libros en préstamo, que unha vez cuberta (datos do encabezado e o apartado “solicita”) será reenviada ao noso correo electrónico: anpaneiravilas@gmail.com, ou depositada no buzón da ANPA no instituto.
– Alta socios: Deixámosvos aquí a folla coas instrucións para que aquelas familias que o desexen déanse de alta como socios do ANPA. Isto non só dá preferencia no préstamo de libros senón que tamén é fundamental para poder seguir realizando actividades destinadas aos alumnos, alumnas e familias tales como: talleres de técnicas de estudo, xestión emocional, de defensa, actividades extraescolares etc.. Xuntos somos máis!
– Na seguinte ligazón tedes o decálogo de funcionamento do fondo de libros: https://iesneiravilas.es/anpa-2/
Agradecemos de antemán a vosa colaboración, un saúdo.
Información relativa ao fondo de libros 2024-2025
– Devolución dos manuais prestados: levarase a cabo o día 21 de xuño en horario lectivo de 8:30 a 10:10 polo que rogamos que ese dia os nenos e nenas leven os manuais que teñen en préstamo, así como aqueles que vaian doar.
– Doazón de manuais: todas aquelas familias que desexen doar libros para o fondo poderá entregalos no mesmo momento da devolución o día 21, (tamén se recollerán as doazóns dos grupos de 2º da ESO). Aproveitamos para lembrarvos a importancia de este acto de solidaridade e para agradecervos esta colaboración que fai que desde o ANPA podamos continuar con este labor.
– Solicitude de libros para o curso 2024-2025: En canto teñamos a confirmación dos manuais a usar no curso 24-25, previsiblemente nos próximos días, farémosvos chegar a información xunto co documento de solicitude dos mesmos.
– A entrega dos manuais do próximo curso realizarase a finais de xuño – principios de xullo nos días de matriculación, concretaremos datas e horarios nos próximos días.
Lembrarvos que para poder ser beneficiarios do préstamo de libros é imprescindible a devolución de todos os manuais prestados para este curso que termina e informarvos que como todos os anos, os socios do ANPA terán preferencia no préstamo sobre as familias que non son socias. Podédes consultar o décalogo de préstamo aquí.
Deixámosvos aquí a ficha de alta como socios do ANPA no curso 2024-2025 para todas as familias que así o desexen.
SUBVENCIÓN CONCEDIDA POLO CONCELLO DE OLEIROS
O Concello de Oleiros ao abeiro da Convocatoria para a concesión de subvencións para a promoción da cultura e o deporte para o ano 2023 (Decreto da Alcaldía nº2023002343 de 08/05/2023), mediante resolución de decembro de 2023, acordou conceder á ANPA ARCE DO IES XOSÉ NEIRA VILAS a subvención de 7442 euros para as actividades de : técnicas de estudo, English Club, Taller de xestión emocional, iniciación ao comic e manga, defensa persoal, linguaxe de signos e limpeza de praias.
ASEMBLEA XERAL ORDINARIA 2023
Convócanse a todas as familias socias e invítanse a todas as familias non socias a unha asemblea xeral ordinaria da Asociación de nais e pais do IESP Xosé Neira Vilas.
-
- Data: Xoves 14 de decembro de 2023
- Hora:
- 18:30 en 1ª convocatoria.
- 19:00 en 2ª convocatoria.
- Lugar: IESP Xosé Neira Vilas.
A continuación achéganse os seguintes documentos (premer en cada un deles para a súa visiluazación ou descarga):
– Convocatoria da asemblea cos puntos para tratar nela.
– Acta da Asemblea Xeral Ordinaria do ano 2022 para a súa lectura e posterior aprobación na reunión.
– Memoria de xestión anual do curso 2022 – 2023.
Esperamos contar coa vosa presenza.
CAMPAÑA INFORMATIVA ANPA ARCE NEIRA VILAS
Estimadas familias.
O ANPA Arce Neira Vilas ten como fin ser parte activa da comunidade educativa e colaborar co centro educativo e as administracións competentes na mellora da educación dos nosos fillos e fillas.
Gustaríanos que todas as familias do centro coñezcan mellor a nosa asociación e se animen a formar parte dela, xa sexa a través dunha participación activa ou facéndose socias.
Para iso, pareceunos importante explicar, cun pouco máis de detalle, o que facemos na actualidade e facer pública a memoria de actividades.
Con este obxectivo, achegámosvos un cartel informativo coas accións que levamos a cabo e a memoria de xestión anual do curso 2022-2023.
Estaremos encantadas/vos de que vos poñades en contacto connosco e vos animedes a colaborar.
Un afectuoso saúdo.