Arquivo da categoría: Sen categorizar

IMPORTANTE: CONVOCATORIA ASEMBLEA XERAL EXTRAORDINARIA

Queridas familias, adxuntámosvos a convocatoria para unha asemblea que terá lugar o vindeiro Xoves 6 de Febreiro no instituto.

Entendemos que esta reunión e trascendente de cara ó futuro da nosa organización.

Nestes intres NON dispoñemos de persoas que queiran asumir os cargos obrigatorios por ley necesarios para a constitución da nova xunta.

Chegados a este punto de non retorno so queda apelar a vosa responsabilidade coma familias que formades parte da comunidade educativa (sexades socios da ANPA ou non), para que nesta asemblea aparezan os candidatos necesarios e poder facer a transición o antes posible.

De non aparecer a xente suficiente para formar novo equipo, a única posibilidade sería tristemente a disolución e desaparición da ANPA do Noso Intituto.

Deixamos a convocatoria da asemblea e ó mesmo tempo a decision nas vosas mans. Dado a importancia desta asemblea esperamos contar coa vosa participación.

Un saúdo

CONVOCATORIA ASEMBLEA EXTRAORDINARIA

SUBVENCIÓN CONCEDIDA POLO CONCELLO DE OLEIROS

O Concello de Oleiros en data 17/10/2024 mediante Resolución nº 2024005442 ao abeiro da “Convocatoria de subvencións a asociacións de nais e pais, entidades culturais, veciñais e sociais do Concello de Oleiros para a realización de actividades no ano 2024″   resolve conceder unha subvención de 5339,67 euros ao ANPA Arce IESP  Xosé Neira Vilas  para as actividades de: English Club, Taller defensa persoal, Obradoiro Educación Emocional, Taller
técnicas de estudio e Limpieza de praias.

MERCEDES DOPICO CAÍNZOS, IN MEMORIAM

A comunidade educativa do Neira Vilas lamenta profundamente o pasamento da profesora de Inglés Mercedes Dopico Caínzos. A través destas verbas queremos expresar o noso agradecemento sinceiro por tantos anos de dedicación a este centro, no que deu clase desde a súa creación a tantas xeracións de veciños e veciñas de Perillo e a súa contorna. O seu compañeirismo e a súa profesionalidade cara ao alumnado, cara ao equipo docente e non docente e cara ás familias deixan unha fonda pegada e definen o seu legado, que quedará sempre nos nosos corazóns e no noso instituto. Thank you very much, Mercedes!

Aviso importante sobre a Asemblea Xeral Ordinaria

 

Estimadas familias, queremos comunicar que na próxima asemblea do día 7 de novembro o actual equipo directivo do ANPA non presentará a súa candidatura para continuar nos seus cargos, polo que para que o ANPA poda continuar coas súas funcións, levando a cabo actividades como: a doazón de libros, técnicas de estudo, actividades extraescolares etc… é necesario que outros pais e nais tomen a substitución na xunta directiva. Dado a importancia desta asemblea esperamos contar coa vosa participación. Anexamos a convocatoria onde se fai constar este punto de forma explícita.

CONVOCATORIA ASEMBLEA XERAL ORDINARIA

CONVOCATORIA ASEMBLEA XERAL ORDINARIA

Convócanse a todas as familias socias e invítanse a todas as familias non socias a unha asemblea xeral ordinaria da Asociación de nais e pais do IESP Xosé Neira Vilas.

    • Data: Xoves 7 de novembro de 2024
    • Hora:
        • 18:30 en 1ª convocatoria
        • 19:00 h en 2ª convocatoria
    • Lugar:  IESP Xosé Neira Vilas

CONVOCATORIA COMPLETA

ACTA ASAMBLEA 2023

MEMORIA DE XESTIÓN ANUAL 2023-2024

INICIO DA HORA DE LER

Desde este luns, 30 de setembro, comezou a desenvolverse no noso centro a “Hora de ler”, unha iniciativa de fomento da lectura, coordinada desde a Biblioteca, que leva funcionando xa moitos cursos con gran éxito.
Cada día, nunha hora diferente segundo a semana recollida no calendario da actividade, adicaranse 20 minutos á lectura libre e individual por parte do alumnado da ESO. Para iso, deben traer o libro que queiran da casa ou ben collelo en préstamo na biblioteca. Só se permite o uso de libros en papel ou en formato electrónico (eBook), pero non se poderán usar nin móbiles nin ordenadores E-Dixgal para esta actividade.
Boas lecturas!

Reparto dos libros doados á ANPA

O  reparto dos libros de texto doados á ANPA  terá lugar o 11 de setembro, primeiro día de clase, en horario lectivo.

O alumnado recibirá, directamente na súa clase, o lote que lle fose asignado tras a súa solicitude.

Lembramos que as familias socias da ANPA teñen prioridade na distribución dos libros e no número deles asignados.

Desde a directiva do anpa queremos agradecer especialmente a colaboración das familias que doaron libros e fixéronse socias facendo posible que así o anpa poida continuar levando esta e outras iniciativas.

Actividades varias ao rematar o curso

b) Neiranaukas 2024: Un ano máis despedimos o curso académico coa celebración do Neiranaukas, onde o alumnado do centro e mesmo algunha persoa invitada os seus coñecementos, habilidades musicais e dotes de baile cos demais compañeiros.

O pase de diapositivas require JavaScript.

c) Acto de graduación de 4º ESO: Este curso celebramos por primeira vez o acto de graduación do alumnado de 4º ESO, que en moitos casos seguirá formándose no centro no Bacharelato, pero que noutros casos iniciará o vindeiro curso un novo percorrido fóra do Neira Vilas. A todos eles entregóuselle unha fotografía conmemorativa daquelas persoas que conformaron a súa promoción.

O pase de diapositivas require JavaScript.

O Club de remo de Perillo no instituto

O Club de Remo de Perillo promocionou o deporte de Remo no alumnado de 1º e 2 da ESO o vernes 12 de xuño. A actividade  teórico-práctica, foi impartida polos adestradores e persoal da directiva do Club. A práctica consistiu nunha demostración e posterior práctica do remo-ergómetro, facendo ó final unha mini competición entre o alumnado. A actividade resultou exitosa, facendo ó Club entrega dun agasallo ós tres primeiros clasificados masculinos e as tres primeiras clasificadas femininas.