Durante o curso 2023-2024 o ANPA Arce do IES Xosé Neira Vilas oferta varias actividades os xoves pola tarde. Estas actividades darán comezo previsiblemente o 5 de outubro.
A primeira clase poderá ser de proba e se despois de acudir, o menor e a familia deciden non continuar, non se cobrará a primeira cota.
DEFENSA PERSOAL
Nesta actividade aprenderanse técnicas de defensa e autoprotección destinadas a preservar a integridade física e aumentar a seguridade nun/nunha mesmo/a a través do respecto aos demais e a disciplina.
Horario: xoves de 16.45 a 17.45
Custo: 18€ (custo para un mínimo de 20 participantes) socios/as
Información relativa á entrega dos manuais do fondo de libros.
Entrega de manuais: O luns ao longo da mañá serán entregados en horario lectivo os libros adxudicados aos alumnos que así o solicitaron. Lamentablemente nalgunhas materias hai mais solicitudes que libros no fondo, así que este ano non se puido cubrir toda a demanda.
Devolución de libros do curso pasado: Rogamos a aquelas familias que aínda non devolveron os manuais fágao o máis axiña posible, desta forma poderemos satisfacer máis peticións nos casos de alumnos que nesta primeira repartición quedaron sen eles.
Doazón: aproveitamos para lembrarvos a importancia das doazóns de libros, sen elas non se poderá seguir levando a cabo este proxecto que tanto axuda ás familias. O número de manuais doados descendeu e con iso as solicitudes que desde o ANPA podemos resolver favorablemente. Por iso animámosvos a doar, aínda estades a tempo!
– Devolución dos manuais prestados: levarase a cabo o día 26 coincidindo coa entrega de notas en horario de 10:30 a 13:00.
– Doazón de manuais: todas aquelas familias que desexen doar libros para o fondo poderá entregalos no mesmo horario da devolución. Aproveitamos para agradecervos esta colaboración que fai que desde o ANPA podamos continuar con este labor.
– Solicitude de libros para o curso 2023-2024: achegamos os impresos de solicitude que se entregarán cubertos o mesmo día 26 ou ben poderá ser enviado por correo electrónico ao mail do ANPA (anpaneiravilas@gmail.com). Este curso cámbianse os libros de 2º da ESO, non coincidindo ningún co curso pasado polo que non será posible facer préstamos neste curso.
– A entrega dos manuais do próximo curso será previsiblemente no mes de setembro, avisarémosvos de data e hora por leste mesmo medio.
Lembrarvos que para poder ser beneficiarios do préstamo de libros é imprescindible a devolución de todos os manuais prestados para este curso que termina (incluídos os de segundo) e informarvos que como todos os anos, os socios do ANPA terán preferencia no préstamo sobre as familias que non son socias. Podédes consultar o décalogo de préstamo aquí.
Deixámosvos aquí a ficha de alta como socios do ANPA no curso 2023-2024 para todas as familias que así o desexen. Deberá ser debidamente cumprimentada e entregada en man ou enviada por correo electrónico xunto co xustificante de pago.
O Concello de Oleiros por decreto da Alcadía número 2022006178, ditado en data 16 de decembro de 2022, acordou conceder á ANPA ARCE DO IES XOSÉ NEIRA VILAS a cantidade de 4.205,30 € para as actividades de baloncesto, técnicas de estudo, visitas á casa da mocidade, English Club e visitas ás Meninas de Canido, ao abeiro da Convocatoria para a concesión de subvencións polo Concello de Oleiros para a promoción da cultura e o deporte para o ano 2022.
A Anpa Arce do IESP Xosé Neira Vilas oferta para este curso 2022/23 dúas actividades extraescolares os xoves en horario de tarde de 16:15 a 17:45 que previsiblemente darán comenzo o 6 de outubro.
As actividades ofertadas este ano son English Club e Baloncesto. A realización da actividade de English Club xa está confirmada, a de baloncesto está pendente de acadar o número mínimo de participación, se o estades pensando animádevos!
As prazas son limitadas e a adxudicación será por orde de solicitude con preferencia para socios/as a través dos seguintes formularios:
Nos vindeiros días confirmaremos as prazas e ás persoas en lista de reserva. Unha vez confirmada a praza hai que entregar a seguinte ficha (ficha inscripción) debidamente cuberta na oficina da ANPA o luns de 16:15 a 17:45.
O prezo de cada actividade será de 15 euros/mes para socios/as e 25 euros/mes para non socios/as, con domiciliación bancaria.
A actividade non se organizará no caso de non acadar un mínimo de participantes.
Máis información través do correo electrónico da Anpa (anpaneiravilas@gmail.com) ou na oficina da ANPA os luns de 16.15 a 17.55 no mes de setembro.
Unha vez máis, agradecemos a vosa colaboración para organización de actividades e xestión da Asociación, animádevos!
A continuación achégase a acta da última asemblea xeral ordinaria do ANPA ARCE IESP XOSE NEIRA VILAS, que se someterá á súa aprobación o vindeiro xoves día 14 de outubro de 2021, na próxima asemblea xeral ordinaria, convocada para o devandito día ás 19:00 horas en primeira convocatoria, e ás 19:30 en segunda convocatoria. Tamén se adxunta convocatoria da devandita asemblea. En Perillo ao 11 de outubro de 2021
Últimas prazas disponibles na solicitude de participación na actividade English Club.
Darase preferencia ás familias socias da ANPA e no momento que se complete a capacidade máxima de ocupación as solicitudes recibidas quedarán en lista de reserva.
Grazas pola vosa comprensión.
Aínda quedan prazas disponibles na actividade de ofimática, a espera de confirmación de realizarse.
Comenza o novo curso 2021/22 e retomamos as actividades extraescolares organizadas polo ANPA. Este ano teremos o English Club e como novidade ofertamos un curso de microinformática, centrado na aprendizaxe de aplicacións de folla electrónica, procesador de texto, presentacións, etc. Achegamos o cartel das devanditas actividades así como a folla de inscrición nas mesmas. As actividades comezarán o próximo 7 de outubro de 2021. Apuntate xa!
A ANPA ARCE do IES Neira Vilas de Perillo realizará reparto de libros de texto o vindeiro xoves 16 de setembro en horario de 16.00 a 18.00 horas. Informaremos máis adiante do lugar ou lugares de reparto.
Só se fará reparto a aquelas persoas que solicitaran previamente en tempo e forma , sendo este venres 27 o último día para achegar solicitude no caso de non tela feita con anterioridade. Lembrade que non podemos garantir que haxa todos os libros que se solicitaron e que hai preferencia para as familias socias.
Podedes consultar o decálogo na páxina web ou para calquera dúbida contactar por correo electrónico en anpaneiravilas@gmail.com.
A principios do mes de setembro comunicaremos tamén as actividades extraescolares previstas para o vindeiro curso.
Un saúdo e animámosvos a colaborar activamente e formar parte desta asociación.
Ola a todos, queremos informarvos que estamos a traballar
para recuperar as actividades extraescolares no próximo curso, a condición de que as medidas COVID19 permítannolo. Ata o de agora temos casí pechado o English Club e un curso de Ofimática (tratamento de textos, folla de calculo, presentacións, etc.), e seguimos buscando algunha actividade máis. De todo iso irémosvos informando os socios por correo electrónico e ao resto a través da web do instituto na apartado ANPA.
Adxunto vos envio a ficha de renovación de socio do ANPA para o próximo curso 2021/22 por se estivésedes interesados. Contamos con todos vós.
Durante o curso 2023-2024 o ANPA Arce do IES Xosé Neira Vilas oferta varias actividades os xoves pola tarde. Estas actividades darán comezo previsiblemente o 5 de outubro.
Horario: xoves de 16.45 a 17.45