O pasado 16 de Outubro, María Blanco Suárez, psicóloga da Asociación de Bulimia e Anorexia de A Coruña impartiu unha charla sobre a “Prevención dos Trastornos da Conduta Alimentaria”, ó alumnado de 4º de ESO.
Os desordes nos hábitos de alimentación teñen unha grande incidencia na etapa da adolescencia. A separación ou divorcio dos pais, a chegada ó Instituto cando non coñeces a ninguén… son exemplos de situacións que alteran a nosa vida e algunhas persoas presentan un desorde adaptativo que pode manifestarse nun trastorno da conducta alimentaria. Os maís coñecidos son a anorexia e a bulimia. As situacións antes citadas, desencadenan pensamentos negativos que algunhas persoas tratan de solventar , alterando os hábitos de alimentación para reducir a ansiedade.
Todolos artigos de: vicedireccion
Certificados DELF 2015
Excelentes resultados do alumnado do IES P Xosé Neira Vilas nos exames de Francés convocados no mes de xuño polo Ministerio de Educación de Francia.
Os 28 alumnos do Centro acadaron certificados DELF. Este é o diploma que certifica as competencias en lingua francesa para candidatos estranxeiros; os niveis que acadaron son A2 (12 alumnos), B1 (11 alumnos) e B2 (5 alumnos) correspondentes ao Marco común europeo de referencia para as linguas (MCERL). [O alumnado que se presentou era tanto de Secundaria como de Bacharelato].
A nosa máis sincera noraboa!
Xornada do Equipo de Convivencia e Mediación
Xornada de Convivencia e adestramento en técnicas de mediación
O pasado luns, 28 de setembro, o Equipo de Convivencia e Mediación realizou unha excursión a Ferrol, Mugardos e Montefaro. No transcurso dun fermoso e soleado día, os integrantes do equipo visitaron o gran Castelo de San Felipe, unha fortaleza militar construída a finais do século XVI para defender a ría e a cidade de Ferrol (coido que naqueles tempos non había mediadores).
Xa na outra marxe da ría, no municipio de Mugardos, o equipo tivo a oportunidade de visitar o Castelo da Palma, da mesma época que o de San Felipe e situado xusto enfronte a un tiro de pedra (anque por carreteira tardamos case unha hora en chegar dun ao outro). No Castelo da Palma tivemos a sorte de ter a axuda de Patricia, a guía do concello de Mugardos, que nos foi explicando a construción militar, que ao que parece, queren converter nun hotel-spa de cinco estrelas. Patricia mostrounos a ponte levadiza, as cubertas, o peirao para o abastecemento, o polvorín, as casamatas os calabozos e a prisión militar, na que, segundo nos dixo, estivo preso un tal Antonio Tejero, que en 1981 protagonizóu un golpe de estado militar contra a democracia española (afortunadamente o golpe non tivo éxito e os seus líderes acabaron na cárcere).
Despois da estupenda visita ao Castelo da Palma subimos a Montefaro, ao Mosteiro de Santa Catalina. Comimos os bocatas no xardín do Mosteiro e logo fixemos un duro adestramento mediante un xogo de rol no que os mediadores tiñan que enfrontarse a un complicado conflito que, anque era inventado, podería perfectamente haber ocorrido no noso instituto. Cando rematamos o adestramento visitamos brevemente o Mosteiro. Está en moi malas condicións e so puidemos ver o claustro e a igrexa.
E logo xa de volta ao bus para chegar a tempo de coller o transporte escolar.
Equipo de Convivencia e Mediación
Equipo de Convivencia e Mediación
Equipo de Convivencia e Mediación
Equipo de Convivencia e Mediación
Equipo de Convivencia e Mediación
Equipo de Convivencia e Mediación
Equipo de Convivencia e Mediación
Equipo de Convivencia e Mediación
Convivencia con alumnado de Öckerö (Suecia)
Do 24 ao 29 de setembro, o alumnado de primeiro de bacharelato disfrutou dunhas xornadas de convivencia cun grupo de alumnos do instituto de ensino secundario Seglande Gymnasieskola de Öckero (Suecia) que chegaron á Coruña a bordo da bricbarca Gunilla.
Os alumnos deste centro desenvolven parte do cursos escolar enrolados no Gunilla facendo escala en diversos portos de Europa, África e América.
Máis información sobre o proxecto…
Viaxe Fin de Etapa (ESO 4º)
Un grupo de 15 alumnos de 4º de ESO realizaron a viaxe de fin de etapa a Barcelona, Figueras e Port Aventura do 15 ao 20 de xuño cun intenso programa lúdico e formativo.
Memoria de actividades do curso 2014-2015
Prema aquí para ver a relación de actividades complementarias e extraescolares realizadas no curso 2014-2015.
Graduación 2015
O venres 29 de maio celebrouse no noso centro a graduación do alumnado de segundo de Bacharelato. Ao acto asistiu o alumnado, as súas familias, representantes da comunidade educativa e a Concelleira de Deportes, Turismo e Formación e Emprego do Concello de Oleiros, Teresa Vázquez Maseda. A xornada comezou coa recepción das familias na entrada do centro para pesar posteriormente ao salón de actos onde despois da presentación por parte do director Agustín Fernández Gago falaron a concelleira Teresa Vázquez Maseda en representación do Concello, a profesora de inglés, Warinca Arce González en representación do profesorado, Eduardo Blanco Pereira, pai de Antón Blanco, en representación das familias e Andrea Docampo Sánchez e Antón Blanco Rey en representación do alumnado. Acto seguido, o titor do grupo Jorge Calle López e a profesora de inglés Warinca Arce Gonzalez fixeron entrega ao alumnado dun diploma conmemorativo e unha memoria USB cun vídeo que recorda o seu paso polo centro. A foto de grupo e a visualización do vídeo dou paso á tradicional plantación da arbore, un gingko, nos xardíns do instituto. Un pequeno ágape concluíu a xornada no centro. O alumnado e o profesorado compartiron posteriormente unha cea nun restaurante de Santa Cristina .
Recepción das familias
Irea, Nuria, Carmelina, Alba, Dámaris, Andrea e Laura
Erik e Sergio
Javier, Nicole, Yilena, Tiago, Antón, Alberto e Adrián
Adrián, Antón, Jorge e Martín
Eva, Andrea, Dámaris, Carlos, Laura, Irea, Nuria e Nicole
Sergio e María
Irea, Maite, Tiago, Nuria, Laura e Dámaris
Nuria, Eva, Carmelina, Dámaris, Gema, Andrea, Laura e Nicole
Adrián, Alberto, Nicole, Antonio, Carmelina e Javier
Eduardo, Ramón e Nacho
Jesús, Fernando, Iolanda, Antonio, Ana e Isabel
A Concelleira Teresa Vázquez Maseda
A profesora de inglés Warinca Arce Gonzalez
O pai de Anton, Eduardo Blanco Pereira
Os alumnos Antón Blanco Rey e Andrea Docampo Sánchez
Os profesores Jorge Calle e Warinca Arce entregaron os diplomas
No salón actos de actos
Entrega de diplomas de mediación
O ágape final
O alumnado de segundo de bacharelato
O alumnado de segundo de bacharelato
O director Agustín Fernández Gago pecha o acto
A plantación da árbore
Ruta dos pazos en bici
Organizado polo departamento de Normalización Lingüística e coa participación de pais, alumnos e profesorado, o día 13 de xuño, realizouse a “Ruta dos pazos en bici” . Visitamos os pazos de Lóngora, Franzomel, Xaz, Miraflores e Montrove (Pazo Do Río).
Os participantes disfrutaron do percorrido e do bon tempo sen máis incidentes que algún pinchazo e co desexo de repetilo en próximos cursos.
Viaxe Europea 2015 a Ámsterdam
Un grupo de máis de 50 alumnas e alumnos do IESP Neira Vilas participou na Viaxe Europea 2015 a Ámsterdam, a capital de Holanda, desde o 30 de abril ata o 4 de maio.
Aloxados á beira de Vondelpark, visitamos a pé os lugares máis emblemáticos da cidade e vivimos experiencias que non habemos de esquecer.
Viaxe Europea 2015 a Ámsterdam
Viaxe Europea 2015 a Ámsterdam
Viaxe Europea 2015 a Ámsterdam
Consulta máis fotos da viaxe aquí.
Échange Scolaire // Intercambio Escolar
O próximo luns 4 de maio chegarán a Oleiros 33 alumnas e alumnos do colexio Collège Notre Dame Le Menimur de Vannes.
Virán acompañados de 3 profesoras, unha delas xa moi coñecida entre nos a profesora Catherine Le Blay. Coma sempre teñen unha axenda moi apertada e aproveitarán para visitar A Coruña, Santiago de Compostela, as Rias Baixas e para acercarse a Portugal; teremos o sábado 9 de maio a tradicional “Cea da Amizade “ no Centro Cívico de Santalla – Santa Cruz que o Concello de Oleiros nos cede habitualmente. O regreso a Francia está previsto para o día 12 do próximo mes de maio.
Desexámoslles unha boa estadía e que desfruten da nosa terra.