Arquivo da categoría: Departamento de Francés

Erasmus+ (2ª mobilidade)

Do 8 ao 15 de marzo de 2020 (cun retorno precipitado por mor da crise do COVID-19), 8 alumnas e alumnos de 3º e 4º ESO participaron na segunda mobilidade do Erasmus+ “L’Europe en scène….

A mobilidade tivo lugar na localidade francesa de Sablé-sur-Sarthe, no lycée polyvalent Raphaël Elizé, con outr@s tant@s participantes franceses e portugueses.

Nesta mobilidade, a iniciación á interpretación teatral tivo lugar da man dos membros da Houlala Compagnie, que -en base a textos de Molière e outras propostas singulares- adestraron ao alumnado no savoir faire de jouer une pièce. 

A estadía permitíu tamén a visualización en directo dunha obra de teatro nunha viaxe a París realizada o 10 de marzo.

L’Europe en scène

Ven de arrancar, cunha estadía de docentes de 3 países (Francia, Portugal e España) en Sablé -sur-Sarthe,  o proxecto #ErasmusPlus            “L’Europe en scène…”

Nesta mobilidade planificáronse as actividades e desprazamentos que concernerán ao alumnado dos tres centros educativos implicados: lycée polyvalent Raphaël Elizé de Sablé-sur-Sarthe -próximo a Solesmes, Agrupamento de Escolas Damiäo de Goes (Alenquer) e IES Plurilingüe Xosé Neira Vilas (Oleiros).

O proxecto -que implicará a creación e representación dunha obra de teatro en francés por parte do alumnado das tres nacionalidades en Sablé no ano 2021 (24 alumnas e alumnos, 8 por cada Estado concorrente), espera contar tamén co asesoramento da Houlala Compagnie e implicará o desprazamento de alumnado do noso centro educativo -coa finalidade de levar a termo o produto final- ao centro portugués e francés.

As mobilidades de alumnado comezarán en marzo de 2020 e darase cumprida información ás aulas e familias.

FELICITACIÓNS AO ALUMNADO BACHIBAC

En nome de toda a comunidade educativa, queremos felicitar aos estudantes  da promoción Bachibac 2019, que recibiron na data de hoxe os resultados da Proba Externa do BACCALAURÉAT (Bacharelato Francés), superada por todos eles con excelentes resultados.  Facemos extensiva a citada felicitación ao profesorado implicado no programa.

Desexámoslles unha feliz andadura nesta nova etapa que agora comezan. Noraboa!

ENTREGA DA XXIV EDICIÓN DO PREMIO LITERARIO SAN CLEMENTE

O pasado mércores 20 de marzo os alumnos de segundo de Bacharelato Guillermo Huelin, Victoria Prado, Irene Rodríguez e Iris Lopetegui estiveron na entrega da XXIV edición do Premio Literario San Clemente Rosalía – Abanca aos escritores Marcos Calveiro, Pedro Mairal e Han kang.

O acto de entrega tivo lugar no Auditorio Abanca de Santiago. Posteriormente acudiron con todos os participantes a unha cea no Hostal dos Reis Católicos onde compartiron mesa cos escritores premiados. Acompañaron ao noso alumnado os profesores Ana Crego, do departamento de Lingua Galega, Julia Fernández, do departamento de Lingua Castelá, e Carlos Vidal, do departamento de Francés. Máis fotos abrindo o artigo. Seguir lendo ENTREGA DA XXIV EDICIÓN DO PREMIO LITERARIO SAN CLEMENTE

Xornada Bachibac en Madrid

Instituto Francés

O pasado 12 de decembro celebrouse unha Xornada Bachibac, organizada polo Institut Français de Madrid en colaboración co Ministerio de Educación y Formación Profesional.

Asistiron 4 alumnas Bachibac do noso centro, acompañadas do profesor Carlos Vidal. En total participaron na Xornada, unhas 300 personas, entre profesorado e alumnado Bachibac de todas as Comunidades Autónomas.

Seguir lendo Xornada Bachibac en Madrid

LABELFRANCEDUCATION para o Neira

A Consellería de Educación, Universidade e Formación Profesional vén de comunicar  ao noso centro que foi mercedor do LABELFRANCEDUCATION do MINISTERIO DE ASUNTOS EXTERIORES de Francia.

O LabelFrancEducation é unha prestixiosa distinción outorgada en todo o mundo aos centros educativos que  sobresaen  por ofrecer un ensino bilingüe da lingua e a cultura francesas de calidade e excelencia. Seguir lendo LABELFRANCEDUCATION para o Neira

Xº INTERCAMBIO ESCOLAR ENTRE O IES PLURILINGÜE XOSÉ NEIRA VILAS E O COLLÈGE NOTRE DAME LE MÉNIMUR DE VANNES

Un total de 40 alumnos de 3º, 4º de ESO , 1º de Bacharelato e BACHIBAC 1 participaron no Xº ÉCHANGE SCOLAIRE que tivo lugar entre os días 12 ata o 24 de marzo . Estiveron acompañados dos profesores Xosé Antón García , Juan Santamaria e Carlos Vidal .
Durante a estadía en Vannes (Francia), o alumnado do Neira Vilas participou en diversas actividade e visitou á rexión da Bretaña francesa ( Carnac, Quiberon , Mont Saint Michel, Saint Malo, etc.); tamén asistirán ás clases no Collège-Lycée Notre Dame Le Menimur.
O alumnado BACHIBAC fixo unha inmersión lingüística reforzada para a preparación da proba externa e para superar o DELF B2. Seguir lendo Xº INTERCAMBIO ESCOLAR ENTRE O IES PLURILINGÜE XOSÉ NEIRA VILAS E O COLLÈGE NOTRE DAME LE MÉNIMUR DE VANNES

10 anos de Intercambios Escolares co Collège Notre Dame Le Menimur

40 alumnos e alumnas do centro están participando no intercambio co Collège Notre Dame Le Menimur entre os días 13 e 24 de marzo. No curso 2008-09 fixemos o primeiro intercambio e desde entón tivemos un total de 400 participantes.
Os Intercambios Escolares e o programa de dobre titulación en Bacharelato-Baccalauréat (único en Galicia) fixeron do noso centro unha referencia como Instituto Plurilingüe en francés. Seguir lendo 10 anos de Intercambios Escolares co Collège Notre Dame Le Menimur