Arquivo da categoría: Departamento de Francés

Curso 2025-2026, Curso Actual, Departamento de Francés, Intercambios escolares

ACOLLIDA DO ALUMNADO FRANCÉS DE PÉRENCHIES

Do 22 ao 28 de marzo tivemos o pracer de acoller no noso centro ao alumnado do Collège Sainte-Marie de Pérenchies (Lille) no marco do intercambio organizado pola profesora Mar Alejandro do Departamento de Francés. Durante esta semana a rapazada francesa viviu coas familias dos/as seus/súas correspondentes, asistiu a diversas clases no noso instituto e realizou numerosas actividades, incluíndo unha excursión a Coruña e outra a Santiago, un obradoiro sobre a cultura galega ou a asistencia ao espectáculo teatral desenvolvido polo propio alumnado de 4º ESO.
Moitas grazas a todos/as pola magnífica experiencia! Vémonos en Pérenchies do 18 ao 24 de maio, cando o noso alumnado viaxará a Francia para completar o intercambio.
Alumnado, Curso 2025-2026, Curso Actual, Departamento de Francés, Departamento de Inglés

CONCESIÓN DE AXUDAS PARA A REALIZACIÓN DE PROBAS DE ACREDITACIÓN DA COMPETENCIA EN LINGUAS ESTRANXEIRAS

A Dirección Xeral de Ordenación e Innovación Educativa publicou a resolución definitiva das axudas a centros públicos dependentes da Consellería de Cultura, Educación, Formación profesional e Universidades para a realización de probas de acreditación da competencia en linguas estranxeiras para o alumnado que curse estudos de 4º ESO e 2º Bach durante o curso 2025/2026.

O noso instituto resultou beneficiario dunha achega total de 6.000€ destinados a financiar, a razón de 100€ por alumno/a, as probas de acreditación da competencia lingüística en Inglés e Francés por parte do alumnado de 4º ESO e 2º Bacharelato que presentou o seu compromiso para examinarse no prazo correspondente.

Malia a contía adxudicada e de acordo coa convocatoria que regula estas axudas, dado que a dotación económica outorgada é insuficiente para cubrir todas as demandas do alumnado interesado, é preciso aplicar, xunto aos criterios de distribución establecidos na propia resolución, os criterios de selección informados no Claustro do 25 de outubro de 2022 e aprobados no Consello escolar desa mesma data. Ditos criterios establecen que, en caso de que as axudas concedidas sexan insuficientes para todo o alumnado que entregou o compromiso de presentación ás probas de acreditación lingüística, ditas axudas concederanse en primeiro lugar ao alumnado que o curso anterior acadara maior nota na materia do idioma ao que se quere presentar e, en caso de empate, concederanse ao alumnado con maior nota media no curso anterior. O venres 16 de xaneiro levouse a cabo no centro unha reunión da Xefatura de estudos co alumnado interesado para informar deste particular e realizar a selección correspondente.

A información completa sobre estas axudas pode consultarse no seguinte enlace: https://www.edu.xunta.gal/portal/node/48667

Con respecto ás probas, no caso do francés as datas dos exames do DELF Scolaire B1 e B2 e do DALF C1 están publicadas na web da Alliance Française: https://afcoruna.com/examenes-oficiales/. A comezos de febreiro, o alumnado recibirá toda a información necesaria para matricularse en ditos exames. No caso do inglés, o alumnado será informado proximamente polo Departamento correspondente do procedemento de matrícula e das datas das probas.

Alumnado, Curso 2024-2025, Curso Actual, Departamento de Francés

REALIZACIÓN DOS EXAMES DO DELF SCOLAIRE

Nos vindeiros días terán lugar os exames do Delf Scolaire para a acreditación da competencia lingüística en francés, realizados pola Alliance Française da Coruña e aos que se presentan un total de 35 alumnos/as do noso centro.
Como xa se lles informou directamente aos/ás interesados/as a través dunha circular e ás súas familias a través de Abalar, as probas escritas terán lugar, ao igual que en anos anteriores, no IES Eusebio da Guarda da Coruña o mércores 7 de maio, de 17:00 a 18:55 h. para o nivel B1 e o xoves 8 de maio, de 17:00 a 18:40 h. para o nivel A2 e de 17:00 a 19:30 h. para o nivel B2. O alumnado deberá achegarse ao centro á hora correspondente polos seus medios (acceso polas portas que dan ao paseo marítimo e que fan esquina coa rúa Modesta Goicouría), levando o seu DNI, número de candidato e bolígrafo azul ou negro non borrable.
Pola súa parte, as probas orais terán lugar no noso instituto ao longo do martes 13 de maio, na hora en que cada alumno/a está convocado/a individualmente e da que xa foi convenientemente informado/a.
Moita sorte a todos/as!
Actividades, Curso 2024-2025, Curso Actual, Departamento de Francés

OBRA DE TEATRO EN FRANCÉS : LUPIN

O pasado martes 21 de Xaneiro, o alumnado de francés de 3º e 4º da ESO tivo a oportunidade de gozar dunha experiencia cultural única ao asistir a unha obra de teatro baseada no famoso ladrón Arsène Lupin, un dos personaxes máis coñecidos da literatura francesa. Durante esta actividade, as e os estudantes non só se mergullaron nunha trama chea de intriga e diversión, senón que tamén puideron practicar a lingua nun contexto real e dinámico.

Sen dúbida, foi unha experiencia inesquecible que deixou unha gran pegada no alumnado !

Le mardi 21 janvier, les élèves de français de 3e et 4e de l’ESO ont eu l’opportunité de vivre une expérience culturelle unique en assistant à une pièce de théâtre basée sur le célèbre gentleman cambrioleur Arsène Lupin, l’un des personnages les plus connus de la littérature française. Lors de cette activité, les élèves ne se sont pas seulement immergés dans une intrigue pleine de suspense et de divertissement, mais ils ont également pu pratiquer la langue dans un contexte réel et dynamique.

Sans aucun doute, cela a été une expérience inoubliable qui a laissé une grande impression sur les élèves !

Curso 2024-2025, Curso Actual, Departamento de Francés, Departamento de Xeografía e Historia, Inmersión lingüística

VISITA DO ALUMNADO DE VANNES NO INICIO DO DÉCIMO ANIVERSARIO DA IMPLANTACIÓN DO BACHIBAC NO NOSO INSTITUTO

Desde este xoves 10 de outubro ata o vindeiro día 18 temos o pracer de recibir no noso centro ao alumnado do Lycée Saint-François-Xavier de Vannes (Bretaña, Francia), co que iniciamos o intercambio dos/as nosos/as estudantes de Bachibac 1 o pasado mes de febreiro. Durante a súa estadía, destinada a mellorar a súa competencia en castelán e o seu coñecemento da cultura galega e española, o alumnado francés asistirá a clases no instituto, realizará diversas excursións e actividades culturais e residirá coas familias dos/as seus/súas correspondentes galegos.

Desta volta estamos dobremente felices de seguir colaborando co Lycée Saint-François-Xavier e coa coordinadora deste intercambio, a profesora Elodie Quidu, porque esta visita inaugura a celebración do Décimo aniversario da implantación do programa Bachibac no noso instituto, que tivo lugar no curso 2014-2015 e que seguiremos festexando ao longo deste ano académico.
Actividades, Alumnado, Curso 2023-2024, Curso Actual, Departamento de Francés, Departamento de Xeografía e Historia

VIAXE DE INMERSIÓN LINGÜÍSTICA EN VANNES

Do 15 ao 23 de febreiro o alumnado de Bachibac 1 realizou unha estadía de inmersión lingüística no Lycée Saint François-Xavier de Vannes, segundo se contempla no plan de estudos deste programa de dobre titulación Bacharelato-Baccalauréat.
Ao longo destes días, o noso alumnado acudiu regularmente a clases no lycée bretón e viviu coas familias dos seus “correspondants”. Asemade, puido realizar diversas actividades e saídas extraescolares, incluíndo as excursións ao Mont Saint-Michel e a Rennes e a visita guiada polo centro histórico de Vannes, na que tivo mesmo o privilexio de visitar o edificio histórico da casa do concello desta localidade.
Desde o Neira Vilas queremos agradecer á comunidade do Saint François-Xavier e, moi especialmente á profesora Élodie Quidu, así como ao alumnado francés e as súa familias, pola amable acollida e a magnífica oportunidade de inmersión na lingua e na cultura francesas que nos brindaron. Agardámosvos en Perillo ao comezo do curso que vén para completar este intercambio escolar.

Alumnos, Curso 2023-2024, Curso Actual, Departamento de Francés, Departamento de Inglés

CONCESIÓN DE AXUDAS PARA A REALIZACIÓN DE PROBAS DE ACREDITACIÓN DA COMPETENCIA EN LINGUAS ESTRANXEIRAS

A Dirección Xeral de Ordenación e Innovación Educativa vén de publicar a resolución definitiva das axudas a centros públicos dependentes da Consellería de Cultura, Educación, Formación profesional e Universidades para a realización de probas de acreditación da competencia en linguas estranxeiras para o alumnado que curse estudos durante o curso 2023/2024.

O noso instituto resultou beneficiario dunha achega total de 4.700€ destinados a financiar as probas de acreditación da competencia lingüística en Inglés e Francés por parte de alumnado de 4º ESO e 1º e 2º Bacharelato a razón de 100€ por alumno/a. Seguir lendo CONCESIÓN DE AXUDAS PARA A REALIZACIÓN DE PROBAS DE ACREDITACIÓN DA COMPETENCIA EN LINGUAS ESTRANXEIRAS →

Curso 2022-2023, Curso Actual, Departamento de Francés, Departamento de Xeografía e Historia

Reunión informativa sobre o programa Bachibac

O pasado xoves, 25 de maio, tivo lugar unha reunión informativa sobre Bachibac destinada ás familias do alumnado de 4º ESO que está interesado en incorporarse a este programa para o vindeiro curso 2023-2024.

A sesión foi organizada e impartida por Blanca Riestra e Mercedes López-Mayán, que agradecen o interese dos/as asistentes cara a este sinal de identidade do IES Plurilingüe Xosé Neira Vilas.

Actividades, Alumnos, Curso 2019-2020, Departamento de Francés

Francés #NaCasa_NV

2 Comentarios

O alumnado de Francés de 3º e 4º ESO, 1º e 2º Bacharelato, en colaboración coas familias, e coordinado polo profesor Carlos Vidal, ilústranos sobre o que esperan do primeiro día do post-confinamento e invítannos a resistir… Sempre na lingua de Molière!!!