No marco dunha colaboración entre a Académie d’Amiens e a Xunta de Galicia, o profesor de Xeografía e Historia, Xosé Antón García González, realizará un stage de jobshadowing (de 18 a 29 de setembro) no departamento de l’Aisne. Seguir lendo Vers Saint-Quentin
Arquivo da categoría: Departamento de Francés
2ª promoción de Bachibac-Galicia do IES Plurilingüe Xosé Neira Vilas
En nome de toda a Comunidade Educativa do IES Plurilingüe Xosé Neira Vilas dámoslle a nosa mais sincera felicitación polo éxito acadado na Proba Externa do Bachibac, ao aprobar, con moi boas notas, e obter así o título do BACCALAURÉAT francés os 6 alumnos que conforman esta 2ª promoción Bachibac-Galicia.
Moita sorte na nova etapa que comeza e tamén moitos éxitos para todos eles !!!!
Os xornais xornais fan referencia á nova promoción nas súas páxinas:
Ademáis o xornal “La Opinión” publicou, o día 21/05/2017, un artigo sobre o Bachibac no noso centro co título “La excelencia del Neira Vilas”.
O artigo recolle declaracións dos profesores Xosé Antón García e Carlos Vidal López.
O Bachibac no xornal “La Opinión”
O xornal “La Opinión” publicou o día 21/05/2017 un artigo sobre o Bachibac no noso centro co título “La excelencia del Neira Vilas”.
O artigo recolle declaracións dos profesores Xosé Antón García e Carlos Vidal López.
IXº Intercambio Escolar // Chegada a Oleiros do Alumnado Francés.
O próximo sábado día 13 de maio chegarán a Oleiros 30 alumnas e alumnos do colexio COLLÈGE NOTRE DAME LE MENIMUR DE VANNES. O alumnado francés acolleu aos rapaces e rapazas do noso centro que participaron no Intercambio e que xa estiveron en Vannes.
Estarán acompañados de 3 profesoras, unha delas xa moi coñecida entre nos a profesora Catherine Le Blay. Coma sempre teñen unha axenda moi apretada e aproveitarán para visitar A Coruña, Santiago de Compostela, as Rias Baixas e para acercarse a Portugal; teremos o sábado 20 de maio a tradicional “Cea da Amizade “ no Centro Cívico de Santalla – Santa Cruz que o Concello de Oleiros nos cede habitualmente. O regreso a Francia está previsto para o día 24 deste mes de maio .
Desexámoslles unha boa estadia e que disfruten da nosa terra.
O IES Plurilingüe X. Neira Vilas así como o profesorado organizador do Intercambio agradecen a colaboración das familias e esperan que a experiencia do Intercambio sexa moi positiva e enriquecedora.
O alumnado debate con Laurent Binet
O pasado 25 de Abril o alumnado de 4º de Historia plurilingüe tivo a ocasión de debatir por video conferencia con escritor Laurent Binet, premio Goncourt de novela, sobre o seu libro HhH.
A obra transcurre na Segunda Guerra Mundial e narra a biografía do dirixente nazi Reinhard Heydrich , xefe da Xestapo, quen convocou a conferencia de Wammsee onde se planificou o exterminio dos xudeos. Heydrich foi a Praga onde se convertíu no artífice da violenta represión contra os checos. A novela desenvolve a Operación Antropoide, unha conspiración co obxectivo de realizar un atentado no que asasiñar a Heydrich.
O acto está enmarcado dentro das actividades de lembranza da Shoah e con motivo do 75° aniversario da conferencia de Wannsee.
Nela, o alumnado de 4 ESO de Xeografía e Historia plurilingüe que fixera a leitura do mesmo e xa realizara a posta en común na aula, preguntou ao escritor sobre diversos aspectos da obra. A videoconferencia e participación do alumnado levouse a cabo integramente en francés.
Viaxe Europea 2017
49 alumnas e alunmos da Sección Plurilingüe e de BACHIBAC realizaron a, xa tracidional, “VIAXE EUROPEA”, entre os dias 28 de marzo e 2 de maio. Visitaron o norte de Italia para coñecer as cidades de Milán, Florencia e Turín.
A cidade base foi MILANO/ MILÁN onde visitaron o Duomo, Galleria Vittorio Emmanuelle, Parco Sempione, Bosco Verticale, Palazzo Lombardi, Piazza Gae Aulenti, Piazza Affari etc.
En FIRENZE/ FLORENCIA puideron coñecer a Galleria dell’Accademia, Duomo, Galleria degli Uffizi, Ponte Vecchio, etc.
En TORINO/TURIN estiveron no Museo do Cinema, Piazza Castello, Duomo, Parco Valentino,etc.
Galería de fotos:
IX Intercambio Escolar I.E.S.Plurilingüe Xosé Neira Vilas De Oleiros-Collège Notre Dame de Vannes
Un total de 36 alumnos de 2º, 3º, 4º ESO, 1º de Bacharelato e BACHIBAC 1 participaron no IX ÉCHANGE SCOLAIRE que tivo lugar entre os días 28 de marzo e 8 de abril. Estiveron acompañados dos profesores D Xosé Antón García , Juan Santamaría e Carlos Vidal.
Durante a estadía en Vannes (Francia), o alumnado do Neira Vilas realizou diversas actividades : visita á rexión da Bretaña francesa (Carnac, Quiberon , Mont Saint Michel, Saint Malo, etc.); tamén asistiron ás clases no Collège-Lycée Notre Dame Le Menimur.
O alumnado BACHIBAC fixo unha inmersión lingüística reforzada para a preparación da proba externa que realizarán estes alumnos en maio de 2018 e para superar o DELF B2.
O Intercambio rematou cunha visita ao parque do Puy du Fou.
Carta do Conselleiro de Educación
Máis fotos procurando “Vannes2017” en Instagram.
Noraboa dos representantes da Embaixada de Francia ao noso Instituto
O pasado 9/03/2017 acudiron ó noso centro os membros da Embaixada de Francia en España, Nicolas Kassianides, conselleiro cultural, director del Institut Français de España, Manuela Ferreira, agregada de Cooperación Educativa e Caroline Natalia agregada de cooperación para a lingua francesa.
O obxectivo foi felicitar polo éxito da implantación do BACHIBAC (Dobre titulación de Bacharelato en francés e español) no único centro de Galicia e polos excelentes resultados no exame DELF (diplomas oficiais de Francés como lingua estranxeira outorgados polo Ministerio francés de Educación Nacional e recoñecidos a nivel internacional)
Os membros da embaixada de Francia acompañados polo equipo directivo e pola Inspectora de Educación, Concepción Aramburu, a concelleira de Educación de Oleiros Iria Barreiro Antón e a asesora de Bachibac e do DELF SCOLAIRE en Galicia, Mª Jesús Lorenzano Lamelo, visitaron o Instituto Neira Vilas e acudiron a algunhas das clases de BACHIBAC do profesor Xosé Antón García da materia de de Historia onde quedaron sorpendidos polo nivel de coñecementos da materia e o seu nivel da lingua francesa. O profesor Carlos Vidal, catedrático de Francés do Instituto, destacou a importancia da dobre titulación xa que incorpora non só un novo curriculum senón unha diferente metodoloxía que completa a formación académica do alumnado.
O Sr. Kassianides rematou a visita desexando moita sorte ao alumnado nas probas de externas do BACHIBAC e destacou as facilidades que este alumnado ten para seguir os seus estudos en Francia por ser alumnado de pleno dereito no sistema educativo francés.
Certificados DELF 2016
Un ano máis celebramos os excelentes resultados do alumnado do IES Plurilingüe Xosé Neira Vilas nos exames de Francés convocados no mes de xuño polo Ministère de l’Educación Nationale de Francia.
Os 45 alumnos do Centro presentados acadaron certificados DELF. Este é o diploma que certifica as competencias en lingua francesa para candidatos estranxeiros; os niveis que acadaron son A2 (18 alumnos), B1 (14 alumnos) e B2 (13 alumnos) correspondentes ao Marco común europeo de referencia para as linguas (MCERL). [O alumnado que se presentou era tanto de Secundaria como de Bacharelato]. Agradecemos á lectora Ivana Mickovski a súa colaboración na preparación das probas.
A nosa máis sincera noraboa!
2ª convivencia con alumnado de Öckerö (Suecia)
Por segundo ano consecutivo o profesor de español Anders Sjostrom do centro educativo Seglande Gymnasieskola de Öckero (Suecia), púxose en contacto co nós para facer un encontro entre o profesorado e o alumnado do noso Centro.
Un total de 42 alumnos dos que 22 estudian o español como 3ª lingua estranxeira viaxan no veleiro T/S Gunilla acompañados de profesorado e a correspondente tripulación.
O programa da súa estadía é o seguinte :
- O xoves día 29 de setembro o veleiro arriba á Coruña e pola tarde reciben ao alumnado e profesorado do IES Plurilingüe Xosé Neira Vilas no barco atracado no porto.
- O venres día 30 de setembro serán recibidos no noso Centro
Sábado 1 de outubro o alumnado do T/S Gunilla visitarán Santiago e farán un pequeno percorrido do Camiño de Santiago. - O luns día 3 e o martes día 4 de outubro os alumnos que estudan español incorporaranse durante algunhas horas ás clases no Instituto.
- O mércores día 5 de outubro o barco zarpa cara a Lisboa.
Toda a comunidade educativa do IES Plurilingüe Xosé Neira Vilas deséxase aos nosos amigos suecos unha excelente estadía en Galicia.
La voz de Galicia. 30 de setembro 2016
