Arquivos da etiqueta: Xosé Antón García

Inmersión lingüística

Do 7 ao 13 de marzo de 2020 tivo lugar a viaxe de inmersión lingüística levada a cabo por 13 alumnas e alumnos de Bachibac 1, consistente na estadía en Nantes e nas aulas do lycée polyvalent Raphaël Elizé de Sablé-sur-Sarthe, localidade do pays de la Loire.

Aparte da experiencia de coñecer a cidade de Nantes, o casco histórico de Le Mans e a abadía de Solesmes, esta #InmersiónLingüística_NV permitíu ao alumnado a integración nas aulas de diferentes disciplinas para fomentar a aprendizaxe cotiá da lingua francesa como experiencia consecuente co desenvolvemento dos seus estudos Bachibac.

L’Europe en scène

Ven de arrancar, cunha estadía de docentes de 3 países (Francia, Portugal e España) en Sablé -sur-Sarthe,  o proxecto #ErasmusPlus            “L’Europe en scène…”

Nesta mobilidade planificáronse as actividades e desprazamentos que concernerán ao alumnado dos tres centros educativos implicados: lycée polyvalent Raphaël Elizé de Sablé-sur-Sarthe -próximo a Solesmes, Agrupamento de Escolas Damiäo de Goes (Alenquer) e IES Plurilingüe Xosé Neira Vilas (Oleiros).

O proxecto -que implicará a creación e representación dunha obra de teatro en francés por parte do alumnado das tres nacionalidades en Sablé no ano 2021 (24 alumnas e alumnos, 8 por cada Estado concorrente), espera contar tamén co asesoramento da Houlala Compagnie e implicará o desprazamento de alumnado do noso centro educativo -coa finalidade de levar a termo o produto final- ao centro portugués e francés.

As mobilidades de alumnado comezarán en marzo de 2020 e darase cumprida información ás aulas e familias.

10 anos de Intercambios Escolares co Collège Notre Dame Le Menimur

40 alumnos e alumnas do centro están participando no intercambio co Collège Notre Dame Le Menimur entre os días 13 e 24 de marzo. No curso 2008-09 fixemos o primeiro intercambio e desde entón tivemos un total de 400 participantes.
Os Intercambios Escolares e o programa de dobre titulación en Bacharelato-Baccalauréat (único en Galicia) fixeron do noso centro unha referencia como Instituto Plurilingüe en francés. Seguir lendo 10 anos de Intercambios Escolares co Collège Notre Dame Le Menimur

Proxecto Terra: Visita á cidade de Porto

Foto dos participantesOs días 11 e 12 de maio, alumnado de 3º ESO participou nun novo intercambio do Proxecto Terra, neste caso á cidade de Porto.
Acompañados por Xosé Antón García, Carlos Vidal e Jorge Carlos Calle , visitaron o primeiro día a Fundación Serralves, construción destacada do arquitecto Álvaro Siza, e realizaron un percorrido polo casco vello de Porto.
O aloxamento foi na “Pousada de Juventude” de Espinho. O segundo día, despois dunha viaxe no metro da cidade, tivemos unha visita á Casa de Música, edificio singular do arquitecto Rem Koolhaas .
Agradecer ao Proxecto Terra a boa organización e atención prestada ao noso alumnado.

Noraboa dos representantes da Embaixada de Francia ao noso Instituto

O pasado 9/03/2017 acudiron ó noso centro os membros da  Embaixada de Francia en España, Nicolas Kassianides,  conselleiro cultural, director del Institut Français de España, Manuela Ferreira, agregada de Cooperación Educativa e Caroline Natalia agregada de cooperación para a lingua francesa.
O obxectivo foi felicitar polo éxito da implantación do BACHIBAC (Dobre titulación de Bacharelato en francés e español) no único centro de Galicia e polos excelentes resultados no exame DELF (diplomas oficiais de Francés como lingua estranxeira outorgados polo Ministerio francés de Educación Nacional e recoñecidos a nivel internacional)

Os membros da embaixada de Francia acompañados polo equipo directivo e pola Inspectora de Educación, Concepción Aramburu, a concelleira de Educación de Oleiros Iria Barreiro Antón e a asesora de Bachibac e do DELF SCOLAIRE en Galicia, Mª Jesús Lorenzano Lamelo, visitaron o Instituto Neira Vilas e acudiron a algunhas das clases de BACHIBAC do profesor Xosé Antón García da materia de  de Historia onde quedaron sorpendidos polo nivel de coñecementos da materia e o seu nivel da lingua francesa. O profesor Carlos Vidal, catedrático de Francés do Instituto, destacou a importancia da dobre titulación xa que incorpora non só un novo curriculum senón unha diferente metodoloxía que completa a formación académica do alumnado.
O Sr. Kassianides rematou a visita desexando moita sorte ao  alumnado nas probas de externas do BACHIBAC e destacou as facilidades que este alumnado ten para seguir os seus estudos en Francia por ser alumnado de pleno dereito no sistema educativo francés.

Noticia de La Opinión

Investigando no museo arqueolóxico

INVESTIGANDO NO MUSEO ARQUEOLÓXICO

Investigando no Museo Arqueolóxico
Investigando no Museo Arqueolóxico

O pasado día 15 de Abril o alumnado de 1º curso realizou prácticas de arqueoloxía acompañados polos profesores de Xeografía e Historia: Jorge Calle, Xosé Antón García e Carmen García Rodeja e guiados polos seus compañeiros monitores.

Taller de gravado no Museo de BBAA

O alumnado de cuarto acudiu o día 19 de Decembro ao museo de BBAA da Coruña para profundar na obra de Goya e para participar nun taller de gravado, tamén foi aproveitada a visita para ver as obras contemporáneas alí exportas. Foi organizado polo Departamento de Xeografía e Historia e acompañados polos profesores Xosé Antón García e Carmen Rodeja.

Graduación do alumnado de 2º de Bacherelato

Orla. 2º BACH 2012-2013
Orla. 2º BACH 2012-2013

Unha nova promoción de 2º de Bacharelato rematou a súa formación neste nivel formativo e para eles organizouse o día 24 de maio o acto de graduación.
Abriu a celebración, que tivo lugar no salón de actos, o director Agustín Fernández cunhas palabras para sinalar a importancia do momento para os seus protagonistas e para o instituto. A continuación houbo un momento musical da man de Manuel Bode que dou paso ás intervencións das súas compañeiras e compañeiro de promoción Camila Bargados, Lucía Rodríguez e Martín Mejuto. Seguidamente tomaron a palabra X. Ignacio Taibo (en representación do profesorado), Pilar Ríos (en representación das familias) e Sandra Fernández (en representación do Concello).
O acto proseguiu coa entrega de diplomas de mediación a aqueles membros desta promoción que formaron parte do Equipo de Mediación e Convivencia, do diploma Club Los Leones de Oleiros cunha beca de cincocentos euros e das orlas a todos os membros da promoción. Os diplomas de mediación foron entregados por Jesús Fdez Llaneza. O diploma Club Los Leones foi entregado a María Ramil por Ricardo Gómez, en representación de dito club. As orlas foron entregadas por Elvira Sanz, Eduardo Álvarez e X. Ignacio Taibo.
Como remate do acto proxectouse unha montaxe audiovisual alaborada polo profesor Xosé Antón García que recolle a traxectoria desta promoción desde que chegaron ao noso centro. A celebración continuou coa plantación dunha laranxeira conmemorativa previa a un pequeno ágape e unha cea de confraternización.

Traballo de arqueoloxía do alumnado de primeiro de ESO

Traballo de arqueoloxía do alumnado de primeiro de ESO
Traballo de arqueoloxía do alumnado de primeiro de ESO

O día 30 de Xaneiro o alumnado de 1º curso realizou un traballo de investigación no Museo arqueolóxico de A Coruña no castelo de San Antón. A actividade consistíu nun taller de identificación e catalogación de pezas prehistóricas guiados pola arqueóloga do museo Ana Martínez e un traballo de estudio dos obxectos do Museo organizado polos monitores do mesmo curso. Os monitores foron Tiago Galicia, Lara García, Javier García Taibo, Sandra González, Irene Pita, Adrián Cañedo, Lidia Fabián, Carlos Fariña e Laura Fernández que previamente estiveran na preparación da actividade. Nelson Peña e Ezequiel Caballero participaron na comisión de orde e foron acompañados polos profesores Carmen García-Rodeja e Xosé Antón García.

Taller de gravado e visita ó Museo de BBAA do alumnado de 4º curso

visita ó Museo de BBAA
visita ó Museo de BBAA

O día 20 de Decembro o alumnado de 4º curso acudiu ó Museo de BBAA acompañados polos seus profesores de Xeografía e Historia para analizar e coñecer os fondos artísticos. Visitouse o Museo especialmente a obra gráfica alí exposta. Tamén se fixo especial fincapé na obra gráfica de Francisco de Goya. Para finalizar a visita realizaron, tanto alumnado como profesorado, diversas gravados para coñecer o método de traballo da obra gráfica e mostar tamén as súas cualidades artísticas.