Todolos artigos de: vicedireccion

Alumnado, Curso 2024-2025, Curso Actual

25N no Neira Vilas

O pase de diapositivas require JavaScript.

O 25 de novembro, Día Internacional contra a Violencia de Xénero, todo o IES Xosé Neira Vilas puxo o seu gran de area contra a violencia machista.

Foi un día de loito no que profesorado e alumnado nos vestimos de negro para conmemorar ás vítimas desta lacra social. Ademáis,durante toda a xornada, as portas das nosas aulas vestiron os nomes das 40 mulleres mortas a causa da violencia machista no que vai de ano, visibilizando así a todas aquelas que non deben ser esquecidas. Seguir lendo 25N no Neira Vilas →

Biblioteca, Curso 2024-2025, Curso Actual, Equipo de Dinamización da Lingua Galega

SAMAIN NA BIBLIOTECA

Neste Samain a biblioteca do Neira Vilas estivo repleta de actividades! O noso alumnado puido disfrutar de dúas xornadas de curtametraxes de terror que, entre risas e sobresaltos, fixeron vibrar as nosas cadeiras. Ademais, Sabela A. e Sofía A. , de 1º ESO A, realizaron unha marabillosa presentación na que aprendemos sobre os costumes e actividades asociadas a esta festividade.

Esperamos repetir esta experiencia no futuro e seguir compartindo momentos tan especiais xuntos e xuntas.
Alumnado, Biblioteca, Curso 2024-2025, Curso Actual, Departamento de Artes Plásticas, Departamento de Educación Física, Departamento de Lingua Castelá, Departamento de Lingua Galega, Departamento de Tecnoloxía, Departamento de Xeografía e Historia, Equipo de Dinamización da Lingua Galega, Vicedirección

SAMAÍN E MAGOSTO NO NEIRA VILAS

Despois dun mes de organización, planificación, probas e máis probas… chegou o Samaín!

Por unha parte, os grupos de terceiro da ESO coordinan a decoración do centro e preparan o Túnel do Terror, e, por outra, o Magosto e os Xogos Populares dos que gozaremos na festa despois do segundo tempo de lecer. Seguir lendo SAMAÍN E MAGOSTO NO NEIRA VILAS →

Curso 2024-2025, Curso Actual, Dirección

Charla informativa sobre “abalarMóbil” para as familias

 

O presente curso comezouse a empregar o espazo Abalar no instituto, e a App para familias “abalarMóbil” para a xestión da información académica e de conduta do alumnado.
Para facer un pouco máis próximo o coñecemento e emprego da mesma o vindeiro martes  29 de outubro ás 18:30 horas, levarase a cabo unha xornada informativa da App “abalarMóbil” para as familias, onde unha asesora da consellería explicará o seu funcionamento e resolverá as dúbidas que se lle presenten. De cara a axilizar a charla sería preciso que as persoas asistente teñan a App “abalarMóbil” instalada nos seus dispositivos móbiles.
Alumnado, Curso 2024-2025, Curso Actual, Departamento de Lingua Galega, Equipo de Dinamización da Lingua Galega

CERTAME LITERARIO DE SAMAÍN

Este Samaín anímate a participar no Certame Literario e, ademais de gañar saborosos premios, poderás asustar literariamente a quen se atreva a mergullar entre urcos, lumias e paisaxes estarrecedoras. Serás quen de contar todo iso en vinte liñas?

 

Le, atentamente, as bases e déixanos a túa narración antes do 25 de outubro de 2024 no Departamento de Lingua Galega e Literatura ou no de Dinamización Lingüística.
Veña! Non lle deas máis voltas! Estamos desexando ler o teu relato!

Alumnado, Curso 2023-2024, Curso Actual, Intercambios escolares, Vicedirección

INTERCAMBIO CON VANNES

Durante os días 10 e 19 de outubro 13 familias de alumnos e alumnas de 2º BACHIBAC acolleron nas súas casas aos correspondentes franceses de intercambio. A estadía dos visitantes non só se limitou a asistir ás aulas do IES Neira Vilas, senón que tamén houbo ocasión de que anfitrións e hóspedes compartisen agradables momentos de inmersión lingüística fóra do centro.

Alumnado, Curso 2023-2024, Curso Actual

ESTREA DE CINE

O vindeiro venres día 6 de outubro ás 20:00 horas na Fábrica de Perillo terá lugar a estrea da curtametraxe “A lenda da monxa” dirixida e producida por un grupo de alumnado e profesorado dentro do contrato-programa INNOVA. A entrada será de balde e está invitada toda a comunidade educativa

Alumnado, Curso 2023-2024, Curso Actual, Vicedirección

Concurso “A banda sonora do Neira Vilas”

O concurso ten como obxectivo seleccionar a música dos recreos.

Para participar haberá que:
1º Crear un arquivo de audio mp3 duns 16 minutos de duración coas  cancións elixidas.
2º Enviar ese arquivo por correo electrónico a: vicedirerección@iesneiravilas.es

As propostas seleccionadas soarán ao longo dun mes. O alumnado creador de ditas propostas entrará nun sorteo dun pequeno agasallo que se realizará ao inicio do mes seguinte.
Vicedirección resérvase o dereito de excluír aquelas propostas que considere inapropiadas para este concurso.