O mes de setembro foi o elixido para a estrea da curtametraxe “A lenda da monxa” dirixida e producida por un grupo de alumnado e profesorado dentro do contrato-programa INNOVA solicitado polo instituto.
Curtametraxe “A lenda da monxa”
Todolos artigos de: vicedireccion
Graduación 2º Bacharelato
Onte, 19 de maio, graduouse o alumnado de 2º de Bacharelato do IES Plurilingüe Xosé Neira Vilas acompañado por familias e profesorado. O acto tivo lugar no auditorio de Mera.
A comunidade educativa do instituto deséxalles moita sorte!
UN DÍA EN GALICIA CON 2º ESO
Os días 27, 29 e 30 de marzo o alumnado de 2º ESO disfrutou dunha saída promovida polo Departamento de Xeografía e Historia e organizada polo Concello de Oleiros en colaboración coa CEM. Desta volta tiveron a oportunidade de coñecer as Fragas do Eume a través dunha andaina pola súa natureza e o seu patrimonio, así como a vila de Pontedeume. Moitas grazas a todos/as pola vosa participación e interese!
Obradoiro Ars Scribendi
O alumnado de de 1º de ESO C e 3º ESO C participaron no Obradoiro Ars Scribendi impartido por David Amboage empregando cálamo e papiros para practicar este arte.
Un día en Galicia con 3º ESO
Os días 21 e 22 de marzo o alumnado de 3º ESO visitou Santiago de Compostela no marco do programa “Un día en Galicia” do Concello de Oleiros. A actividade, promovida polo Departamento de Xeografía e Historia, contou coa guía de Marta e Ana e permitiu ao alumnado coñecer un pouco mellor a cidade compostelá, desde algunhas das súas zonas verdes e parques ata o casco vello, a catedral ou o Museo do Pobo Galego.
Un día en Galicia con 1º ESO
Os días 14, 15 e 16 de marzo o alumnado de 1º ESO disfrutou dunha xornada de descubrimento e aprendizaxe no Castro de Viladonga e na cidade vella de Lugo grazas ao programa “Un día en Galicia” do Concello de Oleiros. A actividade, promovida polo Departamento de Xeografía e Historia, contou coa marabillosa labor de Marta, Ana e Fran, os/as monitores/as que sempre nos guían nestas saídas. Moitas grazas a elas e tamén ao Museo do Castro de Viladonga, polo seu caloroso recibimento!
Participación na campaña 8m do Concello de Oleiros
O IES Plurilingüe Xosé Neira Vilas participou na Campaña 8M da Concellaría de Cultura e Normalización Lingüística do Concello de Oleiros.
O lema de Lucas Martinez: “Bailaches Carolina? Si, con que me dá a gana” foi seleccionado na categoría de 3° e 4° da ESO.
O deseño do grupo 1 ESO C foi o escollido para ilustrar as mochilas e adhesivos.
RECREOS CON ROSALÍA
Ao longo desta semana os recreos énchense de xogos rosalianos feitos polo alumnado de 2º de ESO.
Anímate a participar!
CELEBRACIÓN DO DÍA DE ROSALÍA
O alumnado de 2º ESO achégase á vida e á obra de Rosalía de Castro nunha sesión de cinema moi especial.
VISITA A MOÁN E REPSOL
O mércores 1 de febreiro o alumnado de ciencias de 1º de Bacharelato visitou a empresa de mecanizados Moán e a refinería da Coruña, propiedade de Repsol.
En Moán, o alumnado puido ver a maquinaria en funcionamento e a organización do equipo produtivo nas tres áreas que conforman a empresa: mecanizados, soldadura e caldeiraría e mecánica.
Doutra banda, na refinería ademais de visitar as instalacións, a rapazada puido coñecer as orixes do complexo industrial, a súa evolución ao longo dos anos e os plans de futuro máis inmediatos, os cales están orientados á redución de emisións, as enerxías renovables e o desenvolvemento dunha economía circular.
