Arquivo da categoría: Curso Actual

Actividades, Curso 2024-2025, Curso Actual, Departamento de Lingua Galega, Equipo de Dinamización da Lingua Galega

Encontro con Paula Carballeira

En 2025 as institucións e as diversas entidades da sociedade civil reúnense para celebrar o legado artístico, político e social de Daniel Alfonso Rodríguez Castelao. O IES Plurilingüe Xosé Neira Vilas axunta o seu gran de area, nesta celebración do Ano Castelao, cun marabilloso e inesquecible encontro coa dramaturga Paula Carballeira.

Daniel no peirao é unha obra que recrea a infancia de Castelao nun mundo cheo de ilusións e de retratos. A este universo teatral viaxou o alumnado de 1º ESO, este luns 17 de febreiro, da man da súa autora para interpretar un anaquiño da peza, para aprender as tremoias da escrita teatral e ata algún truquiño que usaremos nas aulas de lingua.

Moitas grazas, P. Carballeira por compartir con nós esta mañá tan fantástica!

Actividades, Curso 2024-2025, Curso Actual, Departamento de Lingua Galega, Equipo de Dinamización da Lingua Galega

Festival Falando a Boca Chea

O pase de diapositivas require JavaScript.

O Festival Falando a Boca Chea inicia unha nova edición e grazas ao SNL do Concello de Oleiros, o alumnado de 2º da ESO participa deste encontro de narración oral que nace en 2017 e que, cada ano, medra máis e máis.

Nesta ocasión, o venres 7 de febreiro o improvisador Josiño da Teixeira fixo un percorrido pola historia dos brindos e as regueifas que nos deixou de boca aberta. Que impresión coñecer as conexións que nos unen a Cuba, a Portugal ou ao País Vasco entre moitas outras culturas! Nin que dicir ten que nós tamén queriamos formar parte desta historia e aló nos botamos a regueifar seguindo as indicacións de Josiño da Teixeira! Seguir lendo Festival Falando a Boca Chea →

Actividades, Anpa, Curso 2024-2025, Curso Actual

OBRADOIROS DE TÉCNICAS DE ESTUDO

O martes 11 de febreiro comezaron a desenvolverse no noso centro os obradoiros de técnicas de estudo, dirixidos ao alumnado de 1º e 3º ESO e organizados e sufragados, como en cursos anteriores, pola ANPA Arce. As sesións, que se prolongarán ata mediados de marzo, son impartidas por Belén Pérez Sanmartín, especialista en técnicas de estudo e pedagoga en “Eleeméntal. Logopedia y Pedagogía”, situado en Perillo. O seu obxectivo é contribuír a dotar ao alumnado das ferramentas precisas para organizar o seu traballo, xestionar o tempo e desenvolver estratexias que permitan mellorar o seu estudo. Para iso, cada grupo traballará nos diversos contidos destes obradoiros durante catro sesións.

Alumnado, Curso 2024-2025, Curso Actual

DÍA INTERNACIONAL DA MULLER E A NENA NA CIENCIA

O pasado 11 de febreiro, conmemoramos o Día Internacional da Muller e a Nena na Ciencia no noso instituto. O alumnado de 2º de ESO traballou na aula para recoñecer as achegas das mulleres á ciencia e reflexionar sobre a importancia de promover a igualdade de xénero neste campo.

A través de diversas actividades e debates, analizamos as contribucións de mulleres científicas históricas e actuais, motivando ao estudantado a perseguir as súas vocacións sen importar o seu xénero.

Alumnado, Curso 2024-2025, Curso Actual

CALENDARIOS DE FINAL DE CURSO E INSTRUCIÓNS PARA A RECLAMACIÓN ÁS CUALIFICACIÓNS FINAIS

A Dirección Xeral de Ordenación e Innovación Educativa publicou a Instrución 2/2025 pola que se concretan prazos e aspectos do procedemento para as reclamacións finais nas etapas de educación infantil, educación primaria, educación secundaria obrigatoria e bacharelato para o curso 2024/25 (https://www.edu.xunta.gal/portal/node/45674).
De acordo con esta instrución e coas normas de organización, funcionamento e convivencia do centro, establécense os seguintes calendarios de final de curso:
– Para 2º Bacharelato.
– Para a ESO e 1º Bacharelato.
Actividades, Alumnado, Curso 2024-2025, Curso Actual

VISITA ÁS FACULTADES DA USC

O mércores 5 de febreiro o alumnado de 2º de Bacharelato do noso centro visitou as facultades da Universidade de Santiago de Compostela dentro do programa “A Ponte” que organiza a USC para dar a coñecer as súas titulacións e instalacións aos/ás futuros/as universitarios/as. O alumnado fixo diversos percorridos polas facultades que máis lles interesaba visitar nos diferentes campus da institución compostelá.

Alumnado, Curso 2024-2025, Curso Actual

CONVOCATORIA DE AXUDAS PARA A REALIZACIÓN DE ACTIVIDADES DE FORMACIÓN EN LINGUAS ESTRANXEIRAS NO ANO 2025

Publicada a convocatoria de axudas para a realización de actividades de formación en linguas estranxeiras no ano 2025, destinadas ao alumnado de 1º e 2º de bacharelato que cursa en centros docentes sostidos con fondos públicos (DOG do 03/02/2025).

A solicitude destas axudas iniciarase a través da aplicación en liña dispoñible na páxina web do programa: https://www.edu.xunta.gal/axudasle/

O prazo de presentación de solicitudes abrangue dende o 4 de febreiro ata o 3 de marzo de 2025.

A convocatoria completa pode consultarse no seguinte enlace: https://www.edu.xunta.gal/portal/node/45737

Actividades, Curso 2024-2025, Curso Actual, Departamento de Francés

OBRA DE TEATRO EN FRANCÉS : LUPIN

O pasado martes 21 de Xaneiro, o alumnado de francés de 3º e 4º da ESO tivo a oportunidade de gozar dunha experiencia cultural única ao asistir a unha obra de teatro baseada no famoso ladrón Arsène Lupin, un dos personaxes máis coñecidos da literatura francesa. Durante esta actividade, as e os estudantes non só se mergullaron nunha trama chea de intriga e diversión, senón que tamén puideron practicar a lingua nun contexto real e dinámico.

Sen dúbida, foi unha experiencia inesquecible que deixou unha gran pegada no alumnado !

Le mardi 21 janvier, les élèves de français de 3e et 4e de l’ESO ont eu l’opportunité de vivre une expérience culturelle unique en assistant à une pièce de théâtre basée sur le célèbre gentleman cambrioleur Arsène Lupin, l’un des personnages les plus connus de la littérature française. Lors de cette activité, les élèves ne se sont pas seulement immergés dans une intrigue pleine de suspense et de divertissement, mais ils ont également pu pratiquer la langue dans un contexte réel et dynamique.

Sans aucun doute, cela a été une expérience inoubliable qui a laissé une grande impression sur les élèves !