As gañadoras do concurso de epitafios “Morto de morte matada”, do IES Neira Vilas 2025-26, foron as alumnas de 3º ESO Ágata Montero Gracía: “Premio ao epitafío máis retranqueiro” e Iraya Pita Gándara: “Premio ao epitafio máis orixinal”
Arquivo da categoría: Curso Actual
VISITA DO ALUMNADO DE ORATORIA AO TSXG
O alumnado de Oratoria de 3º e 4º ESO do noso instituto asistiu, durante a mañá do 29 de outubro de 2025, a varios xuízos na sala número tres do penal do Tribunal Superior de Xustiza.
Grazas ao programa Educar en xustiza, a rapazada puido comprobar, en vivo e en directo, a importancia da oratoria e dos recursos retóricos así como a súa aplicación práctica.
Ademais, o bo facer da Súa Señoría, do fiscal, dos e das avogadas e do axente xudicial converteron a xornada nunha oportunidade de resolver dúbidas e de aprendizaxe non só académica senón tamén vital.
Con todo o aprendido, regresamos ao centro educativo xa planeando o noso propio xuízo en aula!
JESÚS FERNÁNDEZ LLANEZA, IN MEMORIAM
A comunidade educativa do Neira Vilas lamenta profundamente o pasamento do profesor de música e exdirector do centro Jesús Fernández Llaneza. A través destas verbas queremos expresar o noso agradecemento sinceiro por tantos anos de dedicación. O seu compañeirismo e a súa profesionalidade cara ao alumnado, cara ao equipo docente e non docente e cara ás familias deixan unha fonda pegada e definen o seu legado, que quedará sempre nos nosos corazóns e no noso instituto. Grazas Jesús!
CHARLA “VIVIR UN ERASMUS+ EN FRANCIA” NOS ERASMUS DAYS
O pasado xoves, 16 de outubro, coincidindo coa celebración dos Erasmus Days, os nosos alumnos/as de 1º Bacharelato Héctor Alba, Eva Blas e Alba Vieiro compartiron con todo o alumnado de 4º ESO as súas experiencias e aprendizaxes no intercambio que realizaron en sendos institutos de Saint-Quentin et Chauny durante un mes no marco do proxecto Galemundo Acreditación Erasmus Escolar, organizado pola Consellería de Cultura, Educación e Universidade da Xunta de Galicia.
Para o alumnado e profesorado asistente resultou moi enriquecedor coñecer da man destes alumnos/as como funciona o sistema educativo francés, como conviviron coas familias de acollida e todo o que aprenderon, tanto academicamente como a nivel persoal.
O proxecto “Galemundo Acreditación Erasmus Escolar” está cofinanciado polo programa Erasmus+ da Unión Europea. O contido desta publicación é responsabilidade exclusiva do IES Plurilingüe Xosé Neira Vilas e nin a Comisión Europea, nin o Servicio Español para la Internacionalización de la Educación (SEPIE) son responsables do uso que poida facerse da información aquí difundida.
ACOLLIDA DO ALUMNADO FRANCÉS DO INTERCAMBIO BACHIBAC
Do 9 ao 17 de outubro o noso centro acolleu ao alumnado francés do Lycée Saint François-Xavier de Vannes (Bretaña, Francia) no marco da viaxe de intercambio que o instituto organiza todos os anos para o alumnado que estuda 1º de Bacharelato no programa Bachibac. O noso estudantado xa estivo en Vannes a comezos do mes de marzo e en outubro acolleu nas súas casas á rapazada francesa. Durante a súa estadía o alumnado francés, acompañado das profesores Elodie Quidu e Nathalie Chopineaux, fixo inmersión lingüística asistindo a aulas no instituto e tamén visitou A Coruña, Santiago de Compostela e Lugo. Ademais, o venres 10 foi amablemente recibido na Casa do Concello polo alcalde de Oleiros, Ángel García Seoane, e a concelleira de ensino, María José Santos.
Como en anos anteriores, foi un auténtico pracer recibir ao profesorado e alumnado do SFX e agardamos voltar atoparnos moi pronto! Moitas grazas a todos/as pola vosa participación e implicación! Et à bientôt!
REMATE DA PRIMEIRA PARTE DO INTERCAMBIO ERASMUS+ E CELEBRACIÓN DOS ERASMUS DAYS
Este luns 13 de outubro acollemos de novo no noso centro aos tres alumnos, Héctor Alba, Eva Blas e Alba Vieiro, que desde o 14 de setembro se atopaban residindo e acudindo a clases en dous institutos da rexión francesa de Amiens no marco do proxecto Galemundo Acreditación Erasmus Escolar, organizado pola Consellería de Cultura, Educación e Universidade da Xunta de Galicia.
Desde o seu regreso o noso alumnado compartiu cos seus/súas compañeiros/as de aulas as numerosas e marabillosas experiencias vividas, tanto na aprendizaxe do idioma francés, como no coñecemento da realidade francesa, na visita de numerosos lugares e no gran enriquecemento cultural e persoal que experimentaron. Como mostra, recóllese a continuación unha exposición dalgunhas imaxes cedidas polo alumnado mencionado, que reflicte a súa experiencia no intercambio:
De maneira complementaria a esta exposición virtual e como parte da celebración dos Erasmus Days no noso centro, os tres protagonistas do intercambio compartirán a súa experiencia e difundirán os resultados da mesma ao alumnado de 4º ESO nunha charla que impartirán o xoves no Salón de actos do centro ás 12:30 h.
A partir do 25 de outubro e ata o 23 de novembro o alumnado francés correspondente dos nosos tres protagonistas será acollido en Galicia polas súas familias e integrarase nas clases e actividades do noso centro.
A comunidade do Neira Vilas quere expresar o seu agradecemento ao profesorado dos institutos Henri Martin, de Saint-Quentin, e Gay Lussac, de Chauny, así como ás familias dos tres correspondentes do noso alumnado, pola cálida acollida que lles brindaron durante este mes. Tamén quere agradecer á Consellería e, especialmente, á Asesoría de internacionalización os esforzos e traballo realizados para levar a bo porto a primeira parte deste intercambio Erasmus+.
O proxecto “Galemundo Acreditación Erasmus Escolar” está cofinanciado polo programa Erasmus+ da Unión Europea. O contido desta publicación é responsabilidade exclusiva do IES Plurilingüe Xosé Neira Vilas e nin a Comisión Europea, nin o Servicio Español para la Internacionalización de la Educación (SEPIE) son responsables do uso que poida facerse da información aquí difundida.
RENOVACIÓN DO PLAMBE
O noso centro vén de renovar un curso máis a súa participación no Plan de Mellora de Bibliotecas Escolares (Plambe)… e xa van 16 anos formando parte dunha ampla rede de bibliotecas escolares de toda Galicia, coordinada pola Asesoría de Bibliotecas. Desta volta, a renovación do Plambe supón a concesión dunha dotación económica de 1.025 € para a adquisición de libros para a nosa biblioteca de 1.325 € para a dotación de mobiliario. Toda a información sobre esta convocatoria pódese consultar aquí: https://www.edu.xunta.PROGRAMA DE AUXILIARES DE CONVERSA
Neste mes de outubro incorporáronse ao noso centro dúas profesoras auxiliares de conversa no marco do programa homónimo desenvolvido todos os anos pola Consellería de Educación, Universidades, Ciencia e Formación profesional. Juliette Foucher e Reena May Cervantes Ibanez colaborarán, como en cursos anteriores, na docen
cia das materias de Francés e Inglés, respectivamente, así como das asignaturas non lingüísticas que se imparten neses idiomas no marco das seccións bilingües de Física e Química en inglés, a sección plurilingüe de Xeografía e Historia en francés e o programa de dobre titulació
n Bachibac. Bienvenues! Welcome!
CLUBS de LECTURA
Os Clubs de Lectura do IES Neira Vilas comezarán a funcionar o 13 de outubro. APÚNTATE NA BIBLIOTECA!
INICIO DA HORA DE LER
O vindeiro luns, 6 de outubro, comezará a desenvolverse no noso centro a “Hora de ler”, unha iniciativa de fomento da lectura, coordinada desde a Biblioteca, que leva funcionando xa moitos cursos con gran éxito.
Cada día, nunha hora diferente segundo se recolle no calendario da actividade, adicaranse 20 minutos á lectura libre por parte do alumnado da ESO. Para iso, deben traer o libro que queiran da casa ou ben collelo en préstamo na biblioteca. Só se permite o uso de libros en papel ou en formato electrónico (eBook), pero non se poderán usar nin móbiles nin ordenadores E-Dixgal para esta actividade.
Boas lecturas!
