O Concello de Oleiros concedeu ao noso centro a cantidade de 5.250 euros, en concepto de actividades didácticas e culturais (viaxes culturais, concertos, visitas culturais, etc.), para 270 alumnos-as e viaxe fin de etapa para 21 alumnos-as, segundo acordo da Xunta de Goberno Local do día 5 de novembro de 2014.
Todolos artigos de: vicedireccion
Inmersión lingüística nos Peares
Durante o mes de novembro o alumnado de terceiro curso da ESO do noso centro tivo a oportunidade de pasar unha semana no lugar de Os Peares nun campamento lúdico e participativo co obxectivo de mellorar o nivel de inglés.
A actividade foi enormemente proveitosa xa que “foi posible pasalo ben e aprender á vez”. Transcurríu unha semana no campamento en réxime de internado con monitores nativos de Australia e Reino Unido,
Polas mañás as actividades eran de medio ambiente, con talleres de reciclaxe ou charlas sobre animais en extinción, despois xogos. Pasado o xantar, e despois dun tempiño de lecer, a preparación da presentación oral dun tema para expoñer en público. Pola noite, despois da cea e das duchas, eran as actividades lúdicas con discoteca, karaoke, ou xogos da “noite misteriosa” ou “busca do tesouro”.
Considera o alumnado unha experiencia inesquecible na que se fixeron amigos e perfeccionaron a fluidez na fala do inglés. Destacan tamén a profesionalidade dos monitores e a rapidez coa que pasou o tempo. A todos lles gustaría repetir.
Alumnado do centro
Inmersión lingüística nos Peares
Obradoiro de estarcido
O Proxecto de Desenvolvemento Creativo do Museo de Arte Contemporánea Gas Natural Fenosa trouxo ao noso instituto ao artista plástico Nine que desenvolveu un obradoiro de iniciación ao estarcido co alumnado de 1º da ESO.
Cada un dos dous grupos tivo unha sesión de traballo de tres horas os días 24 e 27 de novembro, respectivamente. Nesa sesión recibiron unha introducción a esta técnica milenaria que permite plasmar calquiera imaxe en calqueira superficie.
Iniciación á técnica do estarcido
O alumnado de 1º da ESO tivo a oportunidade de participar nunha sesión de traballo co artista Nin9 dentro do programa do Museo de Arte Contemporáneo.
Na sesión fíxose unha introdución á técnica do estarcido que permite plasmar calquera imaxe recollida nunha plantilla a todo tipo de superficies ou obxectos (decoración, rotulación, camisetas, …).
As sesións tiveron lugar os días 24 e 27 de novembro e nelas os alumnos e alumnas participantes puideron manifestar a súa creatividade con esta técnica milenaria.
Renóvase parte do Consello Escolar
Segundo está establecido legalmente, cada dous anos procédese a renovación por metades dos Consellos Escolares. Este curso, no noso centro, toca cubrir as seguintes prazas: 3 correspondentes ao profesorado, 2 ás familias e 1 ao alumnado.
A Consellería de Cultura, Educación e Ordenación Universitaria, por resolución de 19 de setembro de 2014, procedeu a convocar as correspondentes eleccións que no IESP Xosé Neira Vilas celebraranse o día 27 de novembro no seguinte horario: 12.10 h claustro de Profesores; durante toda a xornada escolar, o alumnado; e de 16.15 a 19 h, os pais e nais ou representantes legais do alumnado.
Cerrado o prazo de presentación de candidaturas, foron proclamados as seguintes:
- Profesorado: José Carlos Vidal López, Isabel López Mariño e José Antonio Rodríguez Amedo.
- Familias: Anxo Xavier García Castro, Lorena Gómez de la Fuente e Roberta Susana Scarcella.
- Alumnado: Marta Castro Patiño, Pepa Mata Varela e Ana María Pirlive.
Cada mesa electoral poñerá a disposición dos electores as correspondentes papeletas e o número máximo de candidatos que se poderán votar en cada sector son: Profesorado, 2; Familias, 1; Alumnado, 1.
Como membro desta comunidade escolar tes unha responsabilidade: O DÍA 27 VEN A VOTAR.
Hora de ler
Por segundo curso consecutivo ponse en marcha no noso centro esta actividade coa que se pretende ampliar o interese pola lectura na nosa comunidade educativa con vinte minutos de lectura cada día nos que cada un poderá ler o libro que máis lle interese.
A hora seguirá sendo rotatoria por semanas entre as seis sesións de cada xornada cun calendario preestablecido. A lectura é individual e silenciosa no espazo que corresponda e co profesor que imparta clase nesa sesión. Cada alumno e alumna da ESO deberá ter consigo un libro para ler nese momento e se non dispón del seralle asignado polo profesor que esté a cargo do grupo nese intre.
Dadas as boas valoracións recibidas por esta experiencia o curso pasado e a alta implicación de toda a comunidade educativa na mesma, confíase en conseguir que a lectura pase a ser un dos eixos fundamentais da nosa actividade.
Visita ao MUNCYT
O 13 de novembro de 2014, o alumnado de Ciencias do Mundo Contemporáneo de 1º Bacharelato realizou unha visita ao Museo Nacional de Ciencia e Tecnoloxía de A Coruña, participando no programa didáctico “Desafíos MUNCYT”. A actividade incluíu a visita a todas as salas, con especial atención á Sala Miscelánea, a Sala Iberia e a exposición temporal sobre sismos. Experimentar, entender e descubrir foron habilidades especialmente desenvolvidas nesta visita… que non será a última!”
Curso residencial en Inglés para alumnado de 3º da ESO
O IESP Xosé Neira Vilas participa este curso por primeira vez no Programa de Cursos Residencias de Inmersión en Inglés organizados pola Consellería de Cultura, Educación e Ordenación Universitaria coa incorporación aos mesmos de 25 alumnos e alumnas de 3º da ESO.
Este programa está deseñado para estudantes que posúen un coñecemento de inglés e que necesitan perfeccionar tanto a fluidez verbal como a comprensión auditiva. Os participantes recibirán cinco horas de clase de luns a venres e realizarán actividades nas que farán uso do inglés en situacións comunicativas reais, todo nun ambiente angloparlante na liña dos programas que Play & Say ven levando a cabo desde hai moitos anos.
O curso terá lugar nas instalacións da aldea que Gas Natural Fenosa ten en Os Peares (Lugo), do 23 ao 29 de novembro. As familias dos participantes non terán que abonar directamente ningunha cantidade polo mesmo nin polo aloxamento e manutención, sendo pola súa conta só os traslados.
Pode ver a documentación de presentación do curso con información sobre o contido do mesmo e as normas de funcionamento (menús, equipación persoal, urxencias, sitio web, …).
V Día da Ciencia en Galego
O mércores 5 de novembro o alumnado de 4º de ESO participou nunha videoconferencia con motivo da celebración do V Día da Ciencia en Galego organizada pola Coodinadora Galega de ENDL.
- Título: A ciencia da programación de ordenadores (tamén en galego)
- Relator: Manuel Caeiro Rodríguez. Doutor en Enxeñaría de Telecomunicación. Profesor na Escola de Enxeñaría de Telecomunicación na Universidade de Vigo. Responsable da rede TELGalicia sobre innovación educative e da aplicación. Páxinas web: http://www.edu-area.com e http://www-gist.det.uvigo.es/~mcaeiro/
- Sinopse: introducirase a historia da programación de ordenadores desde un punto de vista moi básico e práctico, comezando pola orixe do algoritmo dos árabes, pasando por Ada Lovelace (Byron), e pasando logo a Alan Turing para chegar á estrutura dos ordenadores actuais e aos paradigmas de computación máis empregados. Introduciremos ferramentas nas que é moi doado programar, como Scratch e Squeak, para que poidades facer os vosos programas, tamén en galego.
Espectáculo no teatro Rosalía
A primeira representación ofertada en QUE ESPECTÁCULO tivo lugar no Teatro Rosalía Castro de A Coruña, o día 10 de outubro, ás 20.30 h. Un total de 26 alumnos do primeiro ciclo da ESO asistiron á representación de En un lugar del Quijote pola compañía Ron Lalá.
Antes da representación foron recibidos polo director do Teatro que fixo unha breve presentación deste histórico espazo e do espectáculo que ian ver a continuación. Seguidamente poideron departir uns minutos con parte do elenco e facer unhas fotografías de recordo.