Durante os días 10 e 19 de outubro 13 familias de alumnos e alumnas de 2º BACHIBAC acolleron nas súas casas aos correspondentes franceses de intercambio. A estadía dos visitantes non só se limitou a asistir ás aulas do IES Neira Vilas, senón que tamén houbo ocasión de que anfitrións e hóspedes compartisen agradables momentos de inmersión lingüística fóra do centro.
O concurso ten como obxectivo seleccionar a música dos recreos.
Para participar haberá que:
1º Crear un arquivo de audio mp3 duns 16 minutos de duración coas cancións elixidas.
2º Enviar ese arquivo por correo electrónico a: vicedirerección@iesneiravilas.es
As propostas seleccionadas soarán ao longo dun mes. O alumnado creador de ditas propostas entrará nun sorteo dun pequeno agasallo que se realizará ao inicio do mes seguinte.
Vicedirección resérvase o dereito de excluír aquelas propostas que considere inapropiadas para este concurso.
Estes son os modelos para comunicar a conta na que desexan que realicemos o reembolso das viaxes previstas e non realizadas no curso 2019-20.
O luns 11 de novembro, o IES celebrou a súa festa de outono 2019, cunha colaboración significativa de alumnado e profesorado. As actividades, variadas, incluíron unha serie de relatos e conxuro de magosto, ademáis dunha explicación das orixes do Samaín [ver PDF]; unha serie de cartaces aleccionadores sobre a festa do magosto, un obradoiro de cabazas de papel -levado a cabo polo alumnado de 1º Bach.-, unha serie de xogos populares e o propio magosto -que permitíu degustar castañas á comunidade educativa.
Podedes ver algúns intres da celebración nesta ligazón.
Durante esta última semana de curso 45 estudantes de 4º de ESO, acompañados polos profesores María Blanco, Mª José Fandiño e Agustín Fernández Gago, están a desfrutar da VIAXE FIN DE ETAPA 2019 a Irlanda. Seguir lendo DUBLÍN 2019
O Concello de Oleiros concedeu ao IES Plurilingüe Xosé Neira Vilas, mediante Decreto da alcaldía nº 5485/2018, de 26 de decembro, de 7168 € (sete mil cento sesenta e oito euros) para os seguintes conceptos:
“Actividades didácticas, deportivas e culturais (representacións teatrais, visitas a entidades, museos e exposicións, intercambio co SchuleEins de Berlín, viaxe europea a Polonia,…) para 327 alumnos e alumnas, viaxe de fin de etapa da ESO a Dublín para 24 alumnos/as e intercambio cultural co Collége Notre Dame Le Ménimur (Bachibac) para 13 alumnos/as“.
Dende o IES Plurilingüe Xosé Neira Vilas queremos transmitir a toda a Comunidade Educativa os mellores desexos para o vindeiro ano 2019.
FELICES FESTAS!
O alumnado participante no Contrato-Programa para acadar a excelencia en competencia STEM participou o pasado luns 28 de maio nunha actividade de “Scape room” levada a cabo no noso centro pola compañía Clue Hunter.
Nestes momentos nos que o noso alumnado de 2º de Bacharelato vai ter que tomar importantes decisión en relación o seu futuro, aproveitamos para recordar a toda a comunidade educativa que os camiños que se lles abren son moitos e moi diversos.
Neste mesmo curso tivemos a sorte de contar ca colaboración do noso ex-alumno Antón Blanco Rey, que nos veu visitar para contarnos a súa experiencia de Gap Year. Seguir lendo Gap Year: Os camiños que non tomaches.
