Arquivo da categoría: Curso

Bachibac, Curso 2025-2026, Curso Actual, Erasmus+

MESA REDONDA “O SISTEMA EDUCATIVO EN ESPAÑA E FRANCIA”

Este mércores 19 de novembro o alumnado de 1º de Bachibac participou nunha mesa redonda desenvolvida polos tres compañeiros/as que estiveron de intercambio en Francia a comezos de curso no marco do Consorcio Galemundo Acreditación Erasmus Escolar, así como polos seus tres correspondants franceses, que se atopan actualmente en inmersión no noso centro. O obxectivo era achegar ao alumnado Bachibac a realidade e características do sistema educativo francés, en canto á súa organización, materias e contidos que se estudan, sistemas de avaliación, procedemento de acceso á universidade…, e comparalo co funcionamento do sistema educativo galego. A actividade resultou moi proveitosa e permitiu ao alumnado de Bachibac participar da experiencia do intercambio Erasmus+ dos compañeiros/as e coñecer un pouco mellor a realidade educativa francesa. Moitas grazas a todos pola vosa participación e, en especial, a Marceau e a Mélissa!

O proxecto “Galemundo Acreditación Erasmus Escolar” está cofinanciado polo programa Erasmus+ da Unión Europea. O contido desta publicación é responsabilidade exclusiva do IES Plurilingüe Xosé Neira Vilas e nin a Comisión Europea, nin o Servicio Español para la Internacionalización de la Educación (SEPIE) son responsables do uso que poida facerse da información aquí difundida.

Actividades, Curso 2025-2026, Curso Actual, Departamento de Orientación

Charla “Que non líen, ti elixes”

O pasado luns día 10 de novembro os grupos de 3º ESO asistirona a unha charla dentro do programa “Que non líen, ti elixes” da Xunta de Galicia. O programa está enfocado a fomentar a elección profesional libre de prexuízos de xénero. A finalidade do programa é seguir avanzando na presenza de mulleres en sectores tradicionalmente masculinizados como o forestal, a construción, o marítimo-pesqueiro, o do metal ou o TIC, contribuíndo a unha sociedade máis xusta e equitativa. Como novidade, nesta edición introducíronse contidos relacionados coa presenza de homes en profesións consideradas tradicionalmente feminizadas, co obxectivo de romper os prexuízos ou estereotipos de xénero nas diferentes profesións.
Actividades, Curso 2025-2026, Curso Actual, Departamento de Tecnoloxía

O alumnado de 4º de ESO participa no Obradoiro e Concurso Galego de Robótica e Drons

O pase de diapositivas require JavaScript.

O alumnado de 4º de ESO de Tecnoloxía, IAS e Dixitalización participou esta semana no XVI Obradoiro e Concurso Galego de Robótica e Drons, organizado por Igaciencia, unha xornada que combinou innovación, aprendizaxe práctica e creatividade.

Durante a tarde do luns 10 de novembro, un grupo de tres persoas do Neira elixidas por sorteo tivo a oportunidade de achegarse ao mundo dos drons, coñecendo o seu funcionamento, os seus sensores e a importancia da programación na súa navegación. O alumnado realizou probas guiadas de voo e experimentou coa precisión necesaria para manexar estes dispositivos de forma segura.

Na mañá do venres 14, a actividade centrouse na robótica educativa, onde os estudantes puideron programar e controlar robots, resolvendo pequenos retos de lóxica e movemento. A experiencia permitiu reforzar conceptos traballados na aula e fomentar habilidades clave como o pensamento computacional, o traballo en equipo e a resolución de problemas.

A xornada resultou altamente motivadora e ofreceu ao alumnado unha visión real e aplicada das tecnoloxías que están a transformar a sociedade. Dende o Departamento de Tecnoloxía valoramos moi positivamente esta saída, que complementa a formación impartida no centro e impulsa a curiosidade científica do noso alumnado.

Actividades, Curso 2025-2026, Curso Actual

VISITA DO ALUMNADO DE ORATORIA AO TSXG

O alumnado de Oratoria de 3º e 4º ESO do noso instituto asistiu, durante a mañá do 29 de outubro de 2025, a varios xuízos na sala número tres do penal do Tribunal Superior de Xustiza.

Grazas ao programa Educar en xustiza, a rapazada puido comprobar, en vivo e en directo, a importancia da oratoria e dos recursos retóricos así como a súa aplicación práctica.

Ademais, o bo facer da Súa Señoría, do fiscal, dos e das avogadas e do axente xudicial converteron a xornada nunha oportunidade de resolver dúbidas e de aprendizaxe non só académica senón tamén vital.

Con todo o aprendido, regresamos ao centro educativo xa planeando o noso propio xuízo en aula!

Curso 2025-2026, Curso Actual, Sen categorizar

JESÚS FERNÁNDEZ LLANEZA, IN MEMORIAM

A comunidade educativa do Neira Vilas lamenta profundamente o pasamento do profesor de música e exdirector do centro Jesús Fernández Llaneza. A través destas verbas queremos expresar o noso agradecemento sinceiro por tantos anos de dedicación. O seu compañeirismo e a súa profesionalidade cara ao alumnado, cara ao equipo docente e non docente e cara ás familias deixan unha fonda pegada e definen o seu legado, que quedará sempre nos nosos corazóns e no noso instituto. Grazas Jesús!

Actividades, Curso 2025-2026, Curso Actual, Intercambios escolares

CHARLA “VIVIR UN ERASMUS+ EN FRANCIA” NOS ERASMUS DAYS

O pasado xoves, 16 de outubro, coincidindo coa celebración dos Erasmus Days, os nosos alumnos/as de 1º Bacharelato Héctor Alba, Eva Blas e Alba Vieiro compartiron con todo o alumnado de 4º ESO as súas experiencias e aprendizaxes no intercambio que realizaron en sendos institutos de Saint-Quentin et Chauny durante un mes no marco do proxecto Galemundo Acreditación Erasmus Escolar, organizado pola Consellería de Cultura, Educación e Universidade da Xunta de Galicia.
Para o alumnado e profesorado asistente resultou moi enriquecedor coñecer da man destes alumnos/as como funciona o sistema educativo francés, como conviviron coas familias de acollida e todo o que aprenderon, tanto academicamente como a nivel persoal.
O proxecto “Galemundo Acreditación Erasmus Escolar” está cofinanciado polo programa Erasmus+ da Unión Europea. O contido desta publicación é responsabilidade exclusiva do IES Plurilingüe Xosé Neira Vilas e nin a Comisión Europea, nin o Servicio Español para la Internacionalización de la Educación (SEPIE) son responsables do uso que poida facerse da información aquí difundida.
Bachibac, Curso 2025-2026, Curso Actual

ACOLLIDA DO ALUMNADO FRANCÉS DO INTERCAMBIO BACHIBAC

Do 9 ao 17 de outubro o noso centro acolleu ao alumnado francés do Lycée Saint François-Xavier de Vannes (Bretaña, Francia) no marco da viaxe de intercambio que o instituto organiza todos os anos para o alumnado que estuda 1º de Bacharelato no programa Bachibac. O noso estudantado xa estivo en Vannes a comezos do mes de marzo e en outubro acolleu nas súas casas á rapazada francesa. Durante a súa estadía o alumnado francés, acompañado das profesores Elodie Quidu e Nathalie Chopineaux, fixo inmersión lingüística asistindo a aulas no instituto e tamén visitou A Coruña, Santiago de Compostela e Lugo. Ademais, o venres 10 foi amablemente recibido na Casa do Concello polo alcalde de Oleiros, Ángel García Seoane, e a concelleira de ensino, María José Santos.
Como en anos anteriores, foi un auténtico pracer recibir ao profesorado e alumnado do SFX e agardamos voltar atoparnos moi pronto! Moitas grazas a todos/as pola vosa participación e implicación! Et à bientôt!
Actividades, Alumnado, Curso 2025-2026, Curso Actual, Intercambios escolares

REMATE DA PRIMEIRA PARTE DO INTERCAMBIO ERASMUS+ E CELEBRACIÓN DOS ERASMUS DAYS

Este luns 13 de outubro acollemos de novo no noso centro aos tres alumnos, Héctor Alba, Eva Blas e Alba Vieiro, que desde o 14 de setembro se atopaban residindo e acudindo a clases en dous institutos da rexión francesa de Amiens no marco do proxecto Galemundo Acreditación Erasmus Escolar, organizado pola Consellería de Cultura, Educación e Universidade da Xunta de Galicia.
Desde o seu regreso o noso alumnado compartiu cos seus/súas compañeiros/as de aulas as numerosas e marabillosas experiencias vividas, tanto na aprendizaxe do idioma francés, como no coñecemento da realidade francesa, na visita de numerosos lugares e no gran enriquecemento cultural e persoal que experimentaron. Como mostra, recóllese a continuación unha exposición dalgunhas imaxes cedidas polo alumnado mencionado, que reflicte a súa experiencia no intercambio:

O pase de diapositivas require JavaScript.

De maneira complementaria a esta exposición virtual e como parte da celebración dos Erasmus Days no noso centro, os tres protagonistas do intercambio compartirán a súa experiencia e difundirán os resultados da mesma ao alumnado de 4º ESO nunha charla que impartirán o xoves no Salón de actos do centro ás 12:30 h.

A partir do 25 de outubro e ata o 23 de novembro o alumnado francés correspondente dos nosos tres protagonistas será acollido en Galicia polas súas familias e integrarase nas clases e actividades do noso centro.
A comunidade do Neira Vilas quere expresar o seu agradecemento ao profesorado dos institutos Henri Martin, de Saint-Quentin, e Gay Lussac, de Chauny, así como ás familias dos tres correspondentes do noso alumnado, pola cálida acollida que lles brindaron durante este mes. Tamén quere agradecer á Consellería e, especialmente, á Asesoría de internacionalización os esforzos e traballo realizados para levar a bo porto a primeira parte deste intercambio Erasmus+.

O proxecto “Galemundo Acreditación Erasmus Escolar” está cofinanciado polo programa Erasmus+ da Unión Europea. O contido desta publicación é responsabilidade exclusiva do IES Plurilingüe Xosé Neira Vilas e nin a Comisión Europea, nin o Servicio Español para la Internacionalización de la Educación (SEPIE) son responsables do uso que poida facerse da información aquí difundida.
Biblioteca, Curso 2025-2026, Curso Actual

RENOVACIÓN DO PLAMBE

O noso centro vén de renovar un curso máis a súa participación no Plan de Mellora de Bibliotecas Escolares (Plambe)… e xa van 16 anos formando parte dunha ampla rede de bibliotecas escolares de toda Galicia, coordinada pola Asesoría de Bibliotecas. Desta volta, a renovación do Plambe supón a concesión dunha dotación económica de 1.025 € para a adquisición de libros para a nosa biblioteca de 1.325 € para a dotación de mobiliario. Toda a información sobre esta convocatoria pódese consultar aquí: https://www.edu.xunta.gal/biblioteca/blog/?q=category/9/197