O alumnado do equipo de mediación comezou a andaina do curso académico 2019-20 realizando unha ruta de sendeirismo pola serra da Capelada o venres 20 de setembro, e fortalecendo lazos nas terras septentrionais da nosa provincia.
Convocamos a todas as familias socias e invitamos a todas as familias non socias a unha asemblea xeral ordinaria da Asociación de nais e pais do IESP Xosé Neira Vilas.
Prégase máxima difusión. Achégase a orde do día . E a partir do luns teredes tamén aquí á vosa disposición a acta da última asemblea.
(**Corrección da data e da hora: Convocatoria Asemblea Ordinaria actualizada 21/09/2019.)
En Perillo, a 19/09/2019
A Presidenta da ANPA
Todos os xoves de 16:15 a 17:45
Arrancamos o 3-10-2019. Apúntate!!!!
Preme aquí para ver con mellor definición o cartaz da actividade.
A ANPA ofrecerá este curso as seguintes actividades:
Horario: XOVES, 16:15-17:45 h.
Data de inicio: 3-10-2019 Seguir lendo ACTIVIDADES EXTRAESCOLARES CURSO 2019/20
O alumnado de 4º de ESO e 1º de bacaherelato, que participou durante o curso pasado no contrato-programa de cine, presentará a sua produción o vindeiro luns 23 de setembro no Auditorio da Fábrica de Oleiros (espazo cedido para este fin polo Concello de Oleiros) . Seguir lendo PRESENTACIÓN DA CURTAMETRAXE
O próximo xoves, 19 de setembro, de 16:00 a 18:00 h entregaranse os libros que a ANPA deixa en préstamo para o curso 2019-2020.
Recordámosvos que no reparto se tivo en conta a asignación de libros que fai o instituto do fondo solidario de libros da Xunta para evitar duplicidades e que se beneficie o maior número posible de alumnos.
Os que non entregaron unha solicitude de libros, aínda o poden facer o xoves, e nos próximos días faremos un novo reparto dos restos que quedaron e os libros que non se pasen a recoller.
Calquera consulta ou dúbida, por favor, dirixídevos a nos por correo electrónico.
Perillo, a 17 de setembro de 2019
A Directiva
O próximo venres 6 de setembro de 10 a 12:30 h recolleranse os libros que aínda non se devolveron e que se deixaron en préstamo para o curso 2018-2019. Aqueles que non fixeron aínda a solicitude de libros para o curso que entra, pódeno facer tamén o venres.
Prégase que os alumnos que non devolveron os libros en xuño o fagan agora sen falta. É condición indispensable devolver todos os libros prestados pola ANPA para poder entrar novamente no reparto de libros para o curso que está a piques de comezar.
Nos próximos días publicaremos a data e o horario no que se poderá pasar a recoller os libros para o curso 2019-2020.
Calquera consulta ou dúbida, por favor, dirixídevos a nos por correo electrónico.
Perillo, a 4 de setembro de 2019
A Directiva
Desexamos a toda a comunidade educativa do IES Plurilingüe Xosé Neira Vilas unhas felices vacacións. Seguir lendo FIN DE CURSO
