O mércores 17 de abril a escritora Marga do Val impartiu unha charla sobre Luísa Villalta ao alumnado de 2º Bacharelato. A actividade, organizada polo Departamento de Lingua Galega e literatura e o Equipo de Dinamización Lingüística do centro, permitiu coñecer mellor á autora á que este ano se lle adica o Día das Letras Galegas. Moitas grazas a Marga do Val por este interesante achegamento a Luísa Villalta.
Ao longo desta semana os recreos énchense de xogos rosalianos feitos polo alumnado de 2º de ESO.
Anímate a participar!
O alumnado de 2º ESO achégase á vida e á obra de Rosalía de Castro nunha sesión de cinema moi especial.
O 2 de decembro de 2022, Victorino Pérez Prieto -no marco da Semana Neira Vilas– deu unha charla no IES Plurilingüe Xosé Neira Vilas” de Oleiros sobre “Xosé Neira Vilas e Prisciliano”.
Xosé Neira Vilas ten manifestado un profundo interese por Prisciliano, un bispo inxustamente axustizado por herexe ao remate do século IV. El e a súa dona Anisia Miranda eran alcumados pelo seu amigo o insigne escritor Alejo Carpentier “os meus amigos herexes priscilianistas”.
Egrexios galegos como Otero Pedraio, Risco e Castelao tiñan tamén manifestado a importancia de Prisciliano na cultura galega. Otero chega a dicir que é “a maior individualidade que Galiza xerou”.
Prisciliano (345-385) foi un teólogo xenial, pero que foi condenado como herexe bispos e concilios por descoñecemento dos seus escritos, mas logo foi rehabilitado 1500 anos despois. Foi tamén un asceta, un abstinente; e asé mesmo foi o iniciador dun movemento social e profeta contra o poder establecido na Igrexa na decadencia do imperio romano. E para os galegos un mito necesario para Galiza, por estar nos alicerces da cultura galega.
 |
 |
O pasado 25 de Febreiro o IES Neira Vilas puxo o punto e final a unha semana de celebracións do entroido cun festival de disfraces que amosou, un ano máis, a creatividade e ilusión dos participantes. Alumnado e profesorado disfrutaron de diversas actividades (desafío filloeiro, lectura dos testamentos…), xogos e bailes para rematar as xornadas.
O alumnado de 1º e 2º ESO, que traballou na aula “Conta nove estrelas”, recibíu hoxe 9 de marzo a visita da autora, Andrea Maceiras, e agasallouna con videos de creación propia.
Unha nova acción do colectivo GALEGUIZA-T tivo lugar hoxe no CEIP Valle-Inclán de Perillo. Cinco alumnas e alumnos correspondentes ao EDLG (María, Antía e Gabi, de 1º ESO; Iago e Marcos, de 2º Bach) levaron a cabo una conferencia sobre Imagotipos para concienciar do uso do galego na vida cotiá.
Os alumnos Eduardo Giménez, Danick Ramos e María Varela, membros do EDLG do noso IES -acompañados polo coordinador do equipo, Alberto Pombo, participaron no #luar1198. Outra acción de impresión. Velaquí a participación do noso alumnado e outros intres do evento
