Visións paisaxísticas de Oleiros
A Fábrica
Dexo-Serantes
Faro de Mera
Finca Tenreiro
Mirador de Nirvana
Porto de Lorbé
Rialeda
Arquivos mensuais: Xaneiro 2018
Actividade de final de trimestre
A performance de final do primeiro trimestre adicouse á paisaxe como obxecto de traballo e estudo. Esta actividade forma parte do proxecto interdisciplinar que durante este curso coordina a Biblioteca.
Como ven sendo habitual a colaboración de profesorado e alumnado deu lugar a un espectáculo audiovisual, teatral, declamatorio e discursivo no que participaron máis de 20 profesores e 50 alumnos.
Seguir lendo Actividade de final de trimestre
Planetario
Como actividade fin de trimestre instalamos no salón de actos do centro un planetario hinchable no que todos os alumnos puideron desfrutar da proxección da paisaxe do universo e de realidade aumentada.
A paisaxe celular
Durante o 1º trimestre alumnos de 3º e 4º da ESO elaboraron maquetas e murais da célula, tecidos e mitose-meiose. Utilizaron diversos materais, nunha particular e orixinal interpretación da Paisaxe Celular. Os traballos están expostos nos corredores do centro.
MAQUETAS DA CÉLULA (descarga)
Saída didáctica á praia de Santa Cristina
No mes de Novembro os alumnos de 1º de ESO fixeron unha saída didáctica á Ría do Burgo e praia de Santa Cristina. Despois dunha explicación impartida polos monitores do Concello de Oleiros os alumnos baixaron á praia onde desenvolveron unha serie de actividades de interpretación ambiental, xogos de orientación e observación da flora e fauna da zona.
Concurso de conxuros
O pasado 21 de decembro entregáronse os premios ás gañadoras do concurso de conxuros que o Equipo de Dinamización da Lingua Galega convocou no Samaín. As vencedoras foron as alumnas de 1º de ESO Lucía Gestoso, Brenda Franco e Marina Franco. Pódense consultar os textos no blog da biblioteca “O faiado de Balbino”.
Felicitación Nadal 2017
SUBVENCIÓN CONCELLO DE OLEIROS
O Concello de Oleiros concedeu unha subvención de 1.380 € , segundo resolución de 28 de decembro de 2017, á Anpa Arce Neira Vilas para axuda das actividades extraescolares organizadas durante o curso.
Dende aquí queremos agradecer ao noso concello a súa implicación coa educación do noso alumnado.
A xunta directiva