Arquivo da categoría: Departamento de Bioloxía e Xeoloxía

Despedida do curso académico 2021-22

22 de xuño de 2022 representou o último día de acción e diversión educativa do curso académico.

Arredor da pista principal do IES, o alumnado de Cultura Científica de 4º ESO elaborou prácticas sinxelas de laboratorio que explicou a compañeiras e compañeiros. O departamento de Educación Física implicou a profesorado e alumnado nunha sesión de xogos populares, e alumnado da Escola de Música de Oleiros -baixo a supervisión do departamento de Música do centro educativo- realizou unha pequena actuación musical.

Grazas pola colaboración de todas e todos nesta despedida de curso académico. Bo verán a toda a comunidade educativa!!!

#CienciaNaCasa_NV

O domingo 10 de maio de 2020 íase celebrar o Día da Ciencia na Rúa en A Coruña, e este centro ten hábito de participar.

Este ano, dadas as circunstancias, non se pode facer. Por iso o sustituimos polo día da #CienciaNaCasa_NV. Aquí colgaremos, polo tanto, algunhas das actividades realizadas polo alumnado nas súas propias casas.

Cine distópico

O alumnado de 1º Bacharelato de Cultura Científica proponnos cine distópico e científico “alarmado” para tempos de coronavirus, da man da profesora María José Fandiño. Atoparedes as infografías do alumnado na ligazón de genially.

#Distopía_NV

Hoxe iamos celebrar #NeiraNaukas2020 (e no canto non, non celebramos #NeiraAwards2020)… Pero xa chegará. De momento, deleitémonos.

  • E disfrutemos da explicación de utopías doutro tempo, por parte do alumnado de Filosofía de 1º Bach, con Proudhon e outras videotopías.

Laboratorio aberto na DOMUS

O alumnado de 4º ESO de Bioloxía participou hoxe no “laboratorio aberto” sobre a revolución biotecnolóxica, que cada ano académico organiza a DOMUS de A Coruña.

Alí estiveron a traballar, este 3 de marzo, como enxeñeiros xenéticos, para fabricar -con bacterias- unha proteína eficiente que sirva para eliminar de xeito máis eficaz o colesterol responsable da arterioesclerose.

En conexión coa Antártida

O alumnado de 3º e 4º de ESO asistíu -na Domus de A Coruña- a unha conexión en directo coa base española de investigación na Antártida, concretamente na illa Decepción.

Na videoconferencia, o xornalista e divulgador científico en La Voz de Galicia Xavier Fonseca explicounos a súa rutina diaria na base, contestando ás preguntas dun alumnado que amosou curiosidade por saber as súas sensacións coñecendo que están nun cráter dun volcán activo que ven de entrar en alerta laranxa. Esta circunstancia é aproveitada polos xeólogos para estudiar a dinámica sísmico-volcánica en Decepción e aplicar os datos obtidos noutras zonas do planeta. De obrigada mención nesta intervención foron tamén as evidencias do cambio climático, sobre todo no comportamento dos glaciares.

A conexión durou só media hora, mais o interese do alumnado remítenos á posibilidade de que Xavier responderá ás preguntas que quedaron sen facer cando volva a Galicia, nunha visita ao noso centro.

A pesares de que as condicións climáticas son moi particulares na Antártida, o entusiasmo de Xavier transmitíunos tamén o desexo de pasar alí una tempada, nese inlandsis de paisaxe tan extraordinaria e vida singular.

Visita ao CICA

O alumnado de Ciencias de 1º Bacharelato visitou, o martes 19 de novembro, as instalacións do Centro de Investigacións Científicas Avanzadas de A Coruña (@CICAUDC), no que foron informados dos diferentes graos, mestrados e liñas de investigación nel ofertados, para logo visitar os distintos laboratorios onde se están a realizar proxectos diversos.

Na área de Novos Materiais amosáronlles as nanomoléculas que se están a desenvolver para atrapar tóxicos -cru verquido accidentalmente, por ex.- ou co obxectivo de mellorar o aproveitamento enerxético en paneis solares…. Tamén foron amosadas investigacións con cultivos celulares, encamiñadas a solventar a artrose en humanos.

A visita foi o inicio da participación dos nosos escolares no proxecto Incrústate, co obxectivo de incrementar as vocacións científicas.

  • Consulta algunas estampas da visita aquí.

CIENCIA NA RÚA 2019

O sábado 4 de maio celebrouse no parque de Santa Margarida a XXIV edición do “Día da Ciencia na Rúa”, actividade organizada pola Asociación de Amigos da Casa das Ciencias.

Un  ano máis, o IES Plurilingüe Xosé Neira Vilas estivo presente nunha das carpas da citada celebración, coa participación dun numeroso grupo de estudantes, coordinados polas profesoras María Blanco  e  María José Fandiño. Seguir lendo CIENCIA NA RÚA 2019