Arquivo da categoría: Alumnado

Alumnado, Curso 2023-2024, Curso Actual, Excursións

Actividades varias na segunda quincena de abril

a) Viaxe de 1º BACH a Tenerife): Dende o 19 ao 24 de abril parte do alumnado de 1º BACH cambiou a hora dos seus reloxos con motivo da viaxe a Tenerife, onde disfrutaron de ceos azuis, paisaxes alucinantes e moitos baños en auga doce e salgada. E todo nun marco de agradable convivencia entre si e coas dúas profesoras que os acompañaron: Eli Ríos e Cristina Vázquez.

O pase de diapositivas require JavaScript.

b) O pasado mércores, 24 de abril, o alumnado de 3º ESO A acudiu ao obradoiro “Viaxe en viñetas”, impartido polo debuxante Miguel Cuba, que tivo lugar na Biblioteca de Rialeda.

Alumnado, Bolsas e axudas, Curso 2023-2024, Curso Actual

listaxes provisionais de AXUDASLE

Desde o servizo de Innovación e Programas Educativos comunicamos a todos os centros docentes sostidos con fondos públicos con ensinanzas en Bacharelato, que o día 23 de abril foron publicadas as listaxes provisionais de alumnado seleccionado e suplente e a listaxe de solicitudes que precisan remisión de documentación relacionada coas comprobacións segundo o establecido no artigo 8.1 (apartados c,d,e,f), segundo o establecido no artigo 16.3 da Orde do 29 de xaneiro de 2024 pola que se convocan axudas para a realización de actividades formativas en linguas estranxeiras no ano 2024, destinadas ao alumnado dos centros docentes sostidos con fondos públicos, en réxime de concorrencia competitiva (DOG do 12/02/24) que se poden consultar na web da convocatoria http://www.edu.xunta.gal/axudasle e no Portal Educativo  https://www.edu.xunta.gal/portal/node/42968 

Alumnado, Curso 2023-2024, Curso Actual, Excursións

EXCURSIÓN DO ALUMNADO DE 1º ESO AO COUREL

Entre os días 10 e 12 de abril e 17 e 19 do mesmo mes, a meirande parte do noso alumnado de 1º ESO viaxou ao Courel grazas á actividade organizada e ofertada aos centros educativos, como en cursos anteriores, polo Concello de Oleiros. Ao longo dos tres días que durou a estadía de cada grupo, o noso alumnado, acompañado de profesorado do instituto, realizou diversas actividades físicas e culturais que lle permitiron coñecer de preto a enorme riqueza da gran reserva natural que é o Courel e a súa contorna.

O pase de diapositivas require JavaScript.

Alumnado, Curso 2023-2024, Curso Actual

PROBAS DE ACREDITACIÓN DA COMPETENCIA LINGÜÍSTICA

Nas vindeiras semanas terán lugar as probas de acreditación da competencia lingüística en Francés e Inglés, para as que un número elevado do noso alumnado recibiu as axudas concedidas pola Consellería.
O alumnado interesado xa foi informado en detalle das datas, horas e lugares de celebración, así como das características das probas respectivas e da documentación que teñen que levar para presentarse a elas. Pero a través desta nova preténdese transmitir ao conxunto da comunidade educativa a información básica:
– Probas de Inglés (Niveis B1, B2 e C1): Terán lugar os días 16 e 17 de abril a partir das 15:50 h. (agás o alumnado que se presenta ao nivel C1, que fará unha parte da proba o día 16 pola mañá). Realizaranse no noso instituto.
– Probas de Francés (Delf Scolaire, Niveis B1 e B2):
O exame oral terá lugar o venres, 19 de abril, pola mañá no noso centro.

Seguir lendo PROBAS DE ACREDITACIÓN DA COMPETENCIA LINGÜÍSTICA →

Actividades, Alumnado, Anpa, Curso 2023-2024, Curso Actual, Departamento de Educación Física

Actividades co alumnado

Nestes días realizáronse  diversas actividades con alumnado do Neira.

Sesións de defensa persoal impartidas ao alumnado de 4º ESO e 1º de BACH, organizadas pola ANPA en colaboración co Departamento de EF do noso centro. Esta foi a primeira sesión das tres das que consta o breve cursiño introdutorio que imparten a xente da Asociación Galega de Bujutsu Sosei.

Encontro coa escritora Antía Yáñez no auditorio da Fábrica, quen lles falou este martes ao alumnado de 3º ESO da súa obra Non penses nun elefante rosa e doutros títulos da súa produción.

Sesións enmarcadas no Programa para o fomento da lectura que ofrece a Biblioteca de Rialeda, a onde acudiu o noso alumnado de 2º ESO para escoitar a Charo Pita contando varios dos relatos mitolóxicos incluídos nas Metamorfoses, de Ovidio.

Alumnado, Curso 2023-2024, Curso Actual

CONVOCATORIA DA PROBA EXTERNA DE BACHIBAC PARA O CURSO 2023-24

A Dirección Xeral de Ordenación e Innovación educativa vén de publicar a convocatoria da proba externa do programa de dobre titulación de bacharel e baccalauréat (Bachibac) para o curso académico 2023-24 e de ditar instrucións para o seu desenvolvemento, que se poden consultar no seguinte enlace: https://www.edu.xunta.gal/portal/node/42621.
O alumnado de 2º Bacharelato que cursa este programa deberá inscribirse na proba externa, presentando o anexo II no centro, entre os días 2 e 8 de abril. A proba externa terá lugar os días 6 e 7 de maio, segundo o horario e instrucións que se recollen no mesmo documento.
Alumnado, Curso 2023-2024, Curso Actual

Fin do segundo trimestre

O alumnado de 2º e 3º ESO despediu o segundo trimestre entre risas acudindo á representación da comedia latina Mostellaria, que tivo lugar no Auditorio da Fábrica o venres 22 de marzo e foi posta en escena pola compañía Corzo Producciones.

Ese mesmo venres, o alumnado de 4º ESO e 1º BACH foi convidado polo Servizo de Asistencia Técnica en Igualdade do Concello de Oleiros a presenciar no auditorio de Mera presenciou a representación da peza teatral Feminíssimas, da compañía De Ste Xeito.

 

 

 

Actividades, Alumnado, Curso 2023-2024, Curso Actual

XORNADA DE ORIENTACIÓN ACADÉMICA E PROFESIONAL PARA O ALUMNADO DE EDUCACIÓN SECUNDARIA E BACHARELATO

O vindeiro xoves 14 de de marzo o noso alumnado de 4º ESO e 2º Bacharelato visitará a III Feira de Orientación académica e profesional do Concello de Oleiros, dirixida ao alumnado de formación profesional, educación secundaria e Bacharelato e situada no Pavillón Arsenio Iglesias de Santa Cruz.

Seguir lendo XORNADA DE ORIENTACIÓN ACADÉMICA E PROFESIONAL PARA O ALUMNADO DE EDUCACIÓN SECUNDARIA E BACHARELATO →

Alumnado, Curso 2023-2024, Curso Actual

ACREDITACIÓN DA COMPETENCIA DIXITAL DO ALUMNADO

A Dirección Xeral de Ordenación e Innovación Educativa vén de publicar as instrucións para a acreditación das competencias dixitais do alumnado que curso 4º ESO e 2º Bacharelato no curso 2023-24.

Segundo ditas instrucións, a obtención do título de graduado/a en ESO ou de Bacharel acredita o nivel de iniciación e o nivel intermedio (nas áreas de dominio 1, 2, 3 e 5), respectivamente. Pero o alumnado que desexe acreditar o nivel intermedio completo poderá presentarse a unha proba específica que se realizará no centro.

A inscrición na proba específica farase entregando na secretaría do centro o anexo IV das instrucións. O prazo para facelo remata o día 15 de marzo (incluido).

Asemade, as persoas que obtivesen o título de ESO nos cursos 2021-22 e 2022-23 tendo participado no programa E-Dixgal nun mínimo de tres cursos académicos poderán solicitar a acreditación das competencias dixitais, presentando o anexo V das instrucións entre o 2 e o 15 de maio.

Toda a información desta convocatoria pode consultarse no seguinte enlace: https://www.edu.xunta.gal/portal/competenciadixital/alumnado

Actividades, Alumnado, Curso 2023-2024, Curso Actual, Departamento de Latín e Grego

Teatro en Lugo

Un ano máis os amantes e as amantes da mitoloxía clásica acudiron ás representacións teatrais que tiveron lugar o pasado mércores en Lugo no marco do Festival de Teatro Grecolatino. Risas e bágoas da man das obras Anfitrión e Medea, postas en escena pola compañía teatral coruñesa Noite Bohemia. Do noso centro acudiu o alumnado con materias do departamento de Latín.