Arquivo da categoría: Curso

Bachibac, Curso 2024-2025, Curso Actual

EXPOSICIÓN CONMEMORATIVA DO DÉCIMO ANIVERSARIO DO BACHIBAC

Seguimos celebrando o décimo aniversario da implantación do Bachibac no Neira Vilas, desta volta cunha exposición que fai un percorrido polas dez promocións Bachibac do noso instituto, algunhas das notas de prensa sobre o programa e unha selección de fotografías dos intercambios e actividades desenvoltas nestes anos. A mostra complétase cos letreiros elaborados polo alumnado de 1º de Bacharelato que comezou este ano o Bachibac e formará a undécima promoción, así como coas propostas de logotipo conmemorativo que están sendo confeccionadas polo alumnado de Deseño de 2º Bacharelato.
A exposición atópase na entrada do instituto e poderase ver ao longo de todo o curso.
Anpa, Curso 2024-2025, Curso Actual, Sen categorizar

SUBVENCIÓN CONCEDIDA POLO CONCELLO DE OLEIROS

O Concello de Oleiros en data 17/10/2024 mediante Resolución nº 2024005442 ao abeiro da “Convocatoria de subvencións a asociacións de nais e pais, entidades culturais, veciñais e sociais do Concello de Oleiros para a realización de actividades no ano 2024″   resolve conceder unha subvención de 5339,67 euros ao ANPA Arce IESP  Xosé Neira Vilas  para as actividades de: English Club, Taller defensa persoal, Obradoiro Educación Emocional, Taller
técnicas de estudio e Limpieza de praias.

Curso 2024-2025, Curso Actual, Departamento de Orientación

CHARLAS DO PROGRAMA “QUE NON TE LÍEN, TI ELIXES”

O pasado martes 5 de novembro desenvolvéronse no noso centro as charlas didáticas do programa “Que non te líen, ti elixes”, convocado pola Dirección Xeral de Ordenación e Innovación Educativa da Consellería de Cultura, Educación, Formación Profesional e Universidades e pola Dirección Xeral de Relacións Laborais da Consellería de Promoción do Emprego e Igualdade.

Seguir lendo CHARLAS DO PROGRAMA “QUE NON TE LÍEN, TI ELIXES” →

Biblioteca, Curso 2024-2025, Curso Actual, Equipo de Dinamización da Lingua Galega

CONCURSO DE RELATOS DE SAMAIN

O pase de diapositivas require JavaScript.

O pasado mércores 30 de outubro a nosa biblioteca foi o escenario da emocionante entrega de premios do Concurso de Relatos de Samaín.
Gracias por participar, un ano máis, no concurso máis terrorífico do Neira Vilas e compartir con nós toda a vosa creatividade e talento.
 NORABOA de novo ós vencedores e vencedoras.
¡Agardamos ver e escoitar máis relatos o próximo ano!
Biblioteca, Curso 2024-2025, Curso Actual, Equipo de Dinamización da Lingua Galega

SAMAIN NA BIBLIOTECA

Neste Samain a biblioteca do Neira Vilas estivo repleta de actividades! O noso alumnado puido disfrutar de dúas xornadas de curtametraxes de terror que, entre risas e sobresaltos, fixeron vibrar as nosas cadeiras. Ademais, Sabela A. e Sofía A. , de 1º ESO A, realizaron unha marabillosa presentación na que aprendemos sobre os costumes e actividades asociadas a esta festividade.

Esperamos repetir esta experiencia no futuro e seguir compartindo momentos tan especiais xuntos e xuntas.
Alumnado, Biblioteca, Curso 2024-2025, Curso Actual, Departamento de Artes Plásticas, Departamento de Educación Física, Departamento de Lingua Castelá, Departamento de Lingua Galega, Departamento de Tecnoloxía, Departamento de Xeografía e Historia, Equipo de Dinamización da Lingua Galega, Vicedirección

SAMAÍN E MAGOSTO NO NEIRA VILAS

Despois dun mes de organización, planificación, probas e máis probas… chegou o Samaín!

Por unha parte, os grupos de terceiro da ESO coordinan a decoración do centro e preparan o Túnel do Terror, e, por outra, o Magosto e os Xogos Populares dos que gozaremos na festa despois do segundo tempo de lecer. Seguir lendo SAMAÍN E MAGOSTO NO NEIRA VILAS →

Curso 2023-2024, Curso Actual, Profesores, Sen categorizar

MERCEDES DOPICO CAÍNZOS, IN MEMORIAM

A comunidade educativa do Neira Vilas lamenta profundamente o pasamento da profesora de Inglés Mercedes Dopico Caínzos. A través destas verbas queremos expresar o noso agradecemento sinceiro por tantos anos de dedicación a este centro, no que deu clase desde a súa creación a tantas xeracións de veciños e veciñas de Perillo e a súa contorna. O seu compañeirismo e a súa profesionalidade cara ao alumnado, cara ao equipo docente e non docente e cara ás familias deixan unha fonda pegada e definen o seu legado, que quedará sempre nos nosos corazóns e no noso instituto. Thank you very much, Mercedes!

Anpa, Curso 2024-2025, Curso Actual, Sen categorizar

Aviso importante sobre a Asemblea Xeral Ordinaria

 

Estimadas familias, queremos comunicar que na próxima asemblea do día 7 de novembro o actual equipo directivo do ANPA non presentará a súa candidatura para continuar nos seus cargos, polo que para que o ANPA poda continuar coas súas funcións, levando a cabo actividades como: a doazón de libros, técnicas de estudo, actividades extraescolares etc… é necesario que outros pais e nais tomen a substitución na xunta directiva. Dado a importancia desta asemblea esperamos contar coa vosa participación. Anexamos a convocatoria onde se fai constar este punto de forma explícita.

CONVOCATORIA ASEMBLEA XERAL ORDINARIA

Alumnado, Bachibac, Curso 2024-2025, Curso Actual

CHARLA DE LILA A. GIMÉNEZ BARGIELA SOBRE O BACHIBAC E OS ESTUDOS UNIVERSITARIOS EN FRANCIA

No marco das actividades desenvolvidas con motivo da celebración do 10º Aniversario da implantación do Bachibac no noso instituto, o mércores 30 de outubro tivemos o enorme pracer de contar coa presenza dunha antiga alumna do programa Bachibac, Lila A. Giménez Bargiela, que actualmente cursa o segundo ano de Física na Université Paris-Saclay de Francia. A partir da súa experiencia persoal, Lila explicou ao alumnado de Bachibac de 1º e 2º de Bacharelato, así como ao alumnado plurilingüe de 4º ESO, as características do Bachibac no Neira Vilas e os beneficios que lle supuxo cursar o programa, así como o procedemento de acceso á universidade francesa, os principais recursos dispoñibles para o alumnado que estea pensando en ir a Francia e as vantaxes, dificultades e retos persoais que lle implicou a decisión de ir estudar ao país galo. A comunidade educativa do Neira Vilas quere felicitar a Lila polos logros persoais e académicos que xa leva acadados e que seguirá acadando na súa andaina universitaria e agradécelle enormemente a súa completa, informada e, á vez, emotiva e enriquecedora charla, que espertou o interese do noso alumnado francófono e confirmou os beneficios escolares, culturais e persoais do programa Bachibac.
Anpa, Curso 2024-2025, Curso Actual, Sen categorizar

CONVOCATORIA ASEMBLEA XERAL ORDINARIA

Convócanse a todas as familias socias e invítanse a todas as familias non socias a unha asemblea xeral ordinaria da Asociación de nais e pais do IESP Xosé Neira Vilas.

    • Data: Xoves 7 de novembro de 2024
    • Hora:
        • 18:30 en 1ª convocatoria
        • 19:00 h en 2ª convocatoria
    • Lugar:  IESP Xosé Neira Vilas

CONVOCATORIA COMPLETA

ACTA ASAMBLEA 2023

MEMORIA DE XESTIÓN ANUAL 2023-2024