O pasado mércores o concello de Oleiros organizou un ano máis a “Feira de Orientación académica e profesional” (que xa vai pola 5ª edición) no Pavillón Arsenio Iglesias de Santa Cruz con 34 mesas informativas. O alumnado de 4º ESO e 2º de Bacharelato puido resolver as súas dúbidas e aproveitar para recoller folletos dos seus intereses, e pola tarde as familias tiveron ocasión de visitar a feira nas xornadas de portas abertas.
Todolos artigos de: Departamento de Orientación
Charlas Plan Director
Nestes días dentro do “Plan Director para a Convivencia e a mellora da seguridade nos centros educativos”, o corpo da Garda Civil de Oleiros impartiron charlas de prevención de diferentes temáticas nos cursos da ESO. En 1º ESO centráronse nas TICS e os seus riscos; en 2º ESO no acoso e ciberacoso escolar; en 3º ESO en drogas e alcol; e en 4º ESO na violencia sobre a muller.
Programa A Ponte
O pasado luns 2 de marzo, e dentro do Programa “A Ponte entre o Ensino Medio e a USC”, visitou o noso centro unha colaboradora da Universidade de Santiago de Compostela, Carolina Torrón Casal, e impartiu unha charla informativa para presentar ao alumnado de 2º BACH a Universidade e explicar polo miúdo o proceso de admisión e acceso á Universidade e a proba de acceso (PAU).
Charla UDC en 2º BAC
Dentro do Programa “Entra no Futuro” da Universidade de A Coruña (UDC), un profesor visitou o centro para impartir unha charla ao alumnado de 2º de Bacharelato sobre a Universidade, as titulacións de grao, as bolsas e a vida universitaria.
Charla “Que non líen, ti elixes”
O pasado luns día 10 de novembro os grupos de 3º ESO asistirona a unha charla dentro do programa “Que non líen, ti elixes” da Xunta de Galicia. O programa está enfocado a fomentar a elección profesional libre de prexuízos de xénero. A finalidade do programa é seguir avanzando na presenza de mulleres en sectores tradicionalmente masculinizados como o forestal, a construción, o marítimo-pesqueiro, o do metal ou o TIC, contribuíndo a unha sociedade máis xusta e equitativa. Como novidade, nesta edición introducíronse contidos relacionados coa presenza de homes en profesións consideradas tradicionalmente feminizadas, co obxectivo de romper os prexuízos ou estereotipos de xénero nas diferentes profesións.
CHARLA DO PROGRAMA “ENTRA NO FUTURO” DA UDC
O alumnado de 2º de Bacharelato asistiu a unha charla do programa “ENTRA NO FUTURO” organizada pola UDC. Nesta ocasión, un profesor, como embaixador da Universidade de A Coruña (UDC), visitou o centro para impartir a charla sobre a Universidade, as titulacións de grao, as becas e a vida universitaria.
CHARLA INFORMATIVA SOBRE AS PROBAS PAU E O PROCEDEMENTO DE ACCESO Á UNIVERSIDADE
O martes 25 de febreiro o alumnado de 2º de Bacharelato asistiu a unha charla informativa sobre a estrutura e funcionamento das probas PAU e sobre o procedemento de acceso ao sistema universitario galego. Foi impartida no noso instituto no marco do programa divulgativo “A ponte” da Universidade de Santiago de Compostela.
XORNADA DE ORIENTACIÓN ACADÉMICA E PROFESIONAL PARA O ALUMNADO DE 4º ESO E 2º BACHARELATO
febreiro de 2025 celebrouse no Pavillón Arsenio Iglesias de Santa Cruz a IV Feira de Orientación académica e profesional do Concello de Oleiros, dirixida ao alumnado de 4º ESO e 2º Bacharelato.
Trinta e unha entidades entre as que se atopan Universidades, Dirección Xeral de Formación Profesional e centros de FP, escolas públicas e privadas de distinta índole (hostalería, finanzas, pilotos e persoal de cabina, artes gráficas, escola de artes e deseño, imaxe e son,…), academias, Forzas Armadas e Garda Civil, entre outras, informaron durante todo o día sobre as diferentes alternativas académicas e profesionais a disposición do alumnado. Seguir lendo XORNADA DE ORIENTACIÓN ACADÉMICA E PROFESIONAL PARA O ALUMNADO DE 4º ESO E 2º BACHARELATO
CHARLAS DO PROGRAMA “QUE NON TE LÍEN, TI ELIXES”
O pasado martes 5 de novembro desenvolvéronse no noso centro as charlas didáticas do programa “Que non te líen, ti elixes”, convocado pola Dirección Xeral de Ordenación e Innovación Educativa da Consellería de Cultura, Educación, Formación Profesional e Universidades e pola Dirección Xeral de Relacións Laborais da Consellería de Promoción do Emprego e Igualdade.
Seguir lendo CHARLAS DO PROGRAMA “QUE NON TE LÍEN, TI ELIXES”
OBRADOIROS TALENTO MOZO
O IES Neira VIlas foi un dos centros educativos seleccionados por parte da Conselleria de Educación para participar no programa educativo “TALENTOS MIOZOS”. Un dos obxectivos do programa é visibilizar a creatividade e a innovación impulsada por xente moza con experiencia en diferentes ámbitos profesionais como a empresa, o deporte, a cultura e a creación, a ciencia ou o voluntariado.
Uxía Varela e Jacobo Lazcano foros os mozos que deron a coñecer as súas traxectorias académicas e profesionais para estimular e incentivar a análise e reflexión do noso alumnado. A charla-coloquio tivo lugar, o 5 de maio e asistiu o alumnado de 3º ESO.
