A mocidade do IES Plurilingüe Xosé Neira Vilas participa na iniciativa cultural e de dinamización lingüística Aquí tamén se fala xunto con máis de 180 centros educativos de toda Galiza!
O noso Concello naceu pola volta de voces como Xosé Neira Vilas, Nacho Taibo, María Miramontes, Francisco Pillado ou, entre outras moitas, Luísa Villalta. Xente nacida aquí ou chegada de outras partes que axuntan no labor de construír un Oleiros cheo de orgullo da nosa terriña e da nosa lingua! Por iso, o alumnado de terceiro da ESO animou as veciñas e veciños a participar, man a man, nesta proposta.
Moitísimas grazas aos máis de cincuenta comercios de Perillo e Montrove que nos acollestes con tanta amabilidade!
Estas son algunhas das imaxes:
Arquivo da categoría: Sen categorizar
Téñoa negra! Literatura (e outras artes) contra a marea negra do Prestige.
A actividade desenvolvida polo docente, Isaac Lourido, e promovida polo programa Charlas de Divulgación Científica da UDC, consistiu nunha breve introdución á catástrofe ecolóxica causada polo naufraxio do petroleiro Prestige en novembro de 2003 e unha presentación das accións desenvolvidas no ámbito da literatura, a música e as artes plásticas como resposta social e política naquel contexto de crise. Desenvólveuse como formato de “Obradoiro”, xa que se procura que sexa unha actividade participativa e colaborativa, a partir de materiais audiovisuais, fotografías, cartaces ou antoloxías de poesía, entre outros. Así, o alumnado de 1º de Bacharelato manipulou textos de creación, xornalísticos, etc, e fixo unha reflexión colectiva sobre esta catástrofe. A posta en común dos elementos analizados foi enriquecedora e puxo a mirada nun futuro en que non se repitan estas situacións.
ASEMBLEA XERAL ORDINARIA 2023
Convócanse a todas as familias socias e invítanse a todas as familias non socias a unha asemblea xeral ordinaria da Asociación de nais e pais do IESP Xosé Neira Vilas.
-
- Data: Xoves 14 de decembro de 2023
- Hora:
- 18:30 en 1ª convocatoria.
- 19:00 en 2ª convocatoria.
- Lugar: IESP Xosé Neira Vilas.
A continuación achéganse os seguintes documentos (premer en cada un deles para a súa visiluazación ou descarga):
– Convocatoria da asemblea cos puntos para tratar nela.
– Acta da Asemblea Xeral Ordinaria do ano 2022 para a súa lectura e posterior aprobación na reunión.
– Memoria de xestión anual do curso 2022 – 2023.
Esperamos contar coa vosa presenza.
Actividades extraescolares 2023-2024
Durante o curso 2023-2024 o ANPA Arce do IES Xosé Neira Vilas oferta varias actividades os xoves pola tarde. Estas actividades darán comezo previsiblemente o 5 de outubro.
A primeira clase poderá ser de proba e se despois de acudir, o menor e a familia deciden non continuar, non se cobrará a primeira cota.
DEFENSA PERSOAL
Nesta actividade aprenderanse técnicas de defensa e autoprotección destinadas a preservar a integridade física e aumentar a seguridade nun/nunha mesmo/a a través do respecto aos demais e a disciplina.
Horario: xoves de 16.45 a 17.45
Custo: 18€ (custo para un mínimo de 20 participantes) socios/as
Reparto dos manuais do banco de libros
Información relativa á entrega dos manuais do fondo de libros.
Entrega de manuais: O luns ao longo da mañá serán entregados en horario lectivo os libros adxudicados aos alumnos que así o
solicitaron. Lamentablemente nalgunhas materias hai mais solicitudes que libros no fondo, así que este ano non se puido cubrir toda a demanda.
solicitaron. Lamentablemente nalgunhas materias hai mais solicitudes que libros no fondo, así que este ano non se puido cubrir toda a demanda.Devolución de libros do curso pasado: Rogamos a aquelas familias que aínda non devolveron os manuais fágao o máis axiña posible, desta forma poderemos satisfacer máis peticións nos casos de alumnos que nesta primeira repartición quedaron sen eles.
Doazón: aproveitamos para lembrarvos a importancia das doazóns de libros, sen elas non se poderá seguir levando a cabo este proxecto que tanto axuda ás familias. O número de manuais doados descendeu e con iso as solicitudes que desde o ANPA podemos resolver favorablemente. Por iso animámosvos a doar, aínda estades a tempo!
Un saudo e feliz comezo de curso
Subvención do concello de Oleiros
Un decreto da Alcaldía do 26 de xuño de 2023, vén de conceder ao noso instituto 9190 € en concepto de subvención para a realización de actividades educativas complementarias e adquisición de material didáctico de carácter funxible.
“UN DÍA EN GALICIA” CON 4º ESO
Esta semana o Departamento de Xeografía e Historia comezou, un curso máis, a serie de excursións que leva a cabo para todos os niveis da ESO grazas á colaboración co Concello de Oleiros e ao seu programa “Un día en Galicia”.
Desta volta inaugurouse a actividade co alumnado de 4º ESO que visitou a cidade de Pontevedra os días 10 e 11 de xaneiro. Alí percorreron o seu casco vello, achegándoses á beleza do seu patrimonio e ao coñecemento do seu modelo urbanístico actual, internacionalmente recoñecido en moitas ocasións. Tamén visitaron o Museo Provincial de Pontevedra, onde descubriron algunhas das marabillas que custodia, dende o tesouro prehistórico de Caldas de Reis ata a obra do polifacético Castelao. Pola tarde, camiñaron polos xardíns do Pazo de Lourizán, antiga residencia de Montero Ríos e hoxe convertido nun parque botánico singular con máis de 800 especies vexetais diferentes!
CHEQUES PARA MATERIAL ESCOLAR
A Consellería de Educación AMPLÍA a axuda para adquirir material escolar regulada na Orde do 29 de abril de 2022.
Os beneficiarios das axudas para material escolar no curso 2022-2023 poden pasar pola SECRETARÍA do instituto a recoller o cheque adicional de 25 euros cos que se incrementa dita axuda.
REPARTO DE LIBROS DA ANPA
O venres día 9 de setembro, ao longo da mañá, os membros da ANPA ARCE do IES Plurilingüe Xosé Neira Vilas irán avisando ao alumnado con dereito a libros para que baixen a recollelos á oficina da ANPA .
Juan Santamaría
Toda a comunidade educativa do IES Plurilingüe Xosé Neira Vilas lamenta profundamente o falecemento do profesor de Relixión Juan Santamaría.
O enterro será mañá venres ás 16h no Cemiterio de Catabois (Ferrol) e o funeral ás 17h na Concatedral de San Xulián.
Dous autobuses para o alumnado partirán dende o instituto (aparcamento da piscina de Perillo) ás 14:45h, con regreso ao remate dos actos funerarios.
O venres 21 de xuño suspéndese toda a actividade do IES Plurilingüe Xosé Neira Vilas en sinal de loito.