Curso 2024-2025, Curso Actual, Proxectos de Biblioteca

DÍA DAS ESCRITORAS NO NEIRA VILAS

O noso centro celebrou o Día das Escritoras, 14 de outubro, cunha exposición de traballos realizados polo alumnado adicados a autoras de distintas épocas, linguas e procedencias. A mostra estivo coordinada pola Biblioteca e elaborada coa colaboración dos Departamentos de Francés, Inglés, Lingua castelá e Lingua galega, así como do profesorado participante no Proxecta “Donas de si”.

 

 

Curso 2024-2025, Curso Actual, Departamento de Francés, Departamento de Xeografía e Historia, Inmersión lingüística

VISITA DO ALUMNADO DE VANNES NO INICIO DO DÉCIMO ANIVERSARIO DA IMPLANTACIÓN DO BACHIBAC NO NOSO INSTITUTO

Desde este xoves 10 de outubro ata o vindeiro día 18 temos o pracer de recibir no noso centro ao alumnado do Lycée Saint-François-Xavier de Vannes (Bretaña, Francia), co que iniciamos o intercambio dos/as nosos/as estudantes de Bachibac 1 o pasado mes de febreiro. Durante a súa estadía, destinada a mellorar a súa competencia en castelán e o seu coñecemento da cultura galega e española, o alumnado francés asistirá a clases no instituto, realizará diversas excursións e actividades culturais e residirá coas familias dos/as seus/súas correspondentes galegos.

Desta volta estamos dobremente felices de seguir colaborando co Lycée Saint-François-Xavier e coa coordinadora deste intercambio, a profesora Elodie Quidu, porque esta visita inaugura a celebración do Décimo aniversario da implantación do programa Bachibac no noso instituto, que tivo lugar no curso 2014-2015 e que seguiremos festexando ao longo deste ano académico.
Alumnado, Curso 2024-2025, Curso Actual, Departamento de Lingua Galega, Equipo de Dinamización da Lingua Galega

CERTAME LITERARIO DE SAMAÍN

Este Samaín anímate a participar no Certame Literario e, ademais de gañar saborosos premios, poderás asustar literariamente a quen se atreva a mergullar entre urcos, lumias e paisaxes estarrecedoras. Serás quen de contar todo iso en vinte liñas?

 

Le, atentamente, as bases e déixanos a túa narración antes do 25 de outubro de 2024 no Departamento de Lingua Galega e Literatura ou no de Dinamización Lingüística.
Veña! Non lle deas máis voltas! Estamos desexando ler o teu relato!

Alumnado, Curso 2024-2025, Curso Actual, Xefatura de Estudos

ACTUALIZACIÓN DAS NORMAS DE ORGANIZACIÓN, FUNCIONAMENTO E CONVIVENCIA (NOFC) DO CENTRO

O día 1 de outubro de 2024 entrou en vigor a nova versión, actualizada e revisada, das Normas de organización, funcionamento e convivencia do centro. Segundo se establece na normativa, ditas normas son de obrigado cumprimento para todos os membros da nosa comunidade educativa. Por esa razón, son públicas e poden consultarse na páxina web do instituto, no apartado “Documentos do centro”, así como neste enlace.

Curso 2024-2025, Curso Actual, Xefatura de Estudos

REUNIÓNS DAS FAMILIAS CO PROFESORADO TITOR

A vindeira semana terán lugar as reunións entre as familias e as persoas titoras de cada grupo co fin de coñecerse e de informar sobre a organización deste curso académico.

O día e hora das reunións será o seguinte:
1º, 2º e 3º ESO: Martes, 1 de outubro, ás 18:30 h.
4º ESO, 1º e 2º Bacharelato: Mércores, 2 de outubro, ás 18:30 h.
Os/as asistentes serán recibidos/as polo equipo directivo no Salón de actos para, a continuación, reunirse co profesorado titor dos/as seus/súas fillos/as na aula de referencia do grupo.
Alumnado, Curso 2024-2025, Curso Actual

NOVA CANLE DE COMUNICACIÓN COAS FAMILIAS: ABALAR MÓBIL

Desde este curso 2024-2025 no noso centro empregarase AbalarMóbil, unha aplicación da Xunta de Galicia que permite ás familias consultar a información académica dos/as seus/súas fillos/as a través do teléfono móbil.
Os/as responsables do alumnado deberán descargar a aplicación AbalarMóbil e rexistrarse nela, seguindo as sinxelas instrucións que se inclúen no seguinte manual:
Unha vez rexistrados/as na aplicación, poderán acceder a todas as funcións que ofrece esta aplicación: consultar o horario e cualificacións dos/as seus/súas fillos/as, solicitar titorías, comunicarse coas persoas titoras, ver as faltas de asistencia e enviar as xustificacións pertinentes, consultar as incidencias e faltas de conduta que se teñan producido, etc. Todas estas funcións están explicadas no anterior manual e no seguinte enlace: https://espazoabalar.edu.xunta.gal/abalarmobil
Curso 2023-2024, Curso Actual

COMEZO DO CURSO 2024-2025

ALUMNADO:
– As clases comezarán o mércores 11 de setembro en horario de 8:30 a 14:10 h.
– O alumnado con dereito a servizo de transporte poderá empregalo desde ese mesmo día.
– Todas aquelas familias que non recolleron o vale de material escolar durante o mes de xullo poderano facer a partir do día 2 de setembro en horario de 9:00 a 14:00.
PROFESORADO:
Prégase ao profesorado que obteña destino neste centro tras a resolución definitiva do CADP que, á maior brevidade, se poña en contacto co instituto no seu enderezo electrónico (ies.neira.vilas@edu.xunta.es), indicando un teléfono de contacto. Moitas grazas.
Alumnado, Bolsas e axudas, Curso 2023-2024, Curso Actual

VALES DE MATERIAL ESCOLAR PARA O CURSO 2024-2025

A listaxe provisional de excluídos/as na participación nas axudas para adquirir libros de texto e material escolar será publicada o 12 de xullo no taboleiro do centro, con indicación das deficiencias detectadas. Conforme á orde do 7 de maio de 2024 pola que se regulan estas axudas, as persoas solicitantes dispoñen dun prazo de dez días hábiles para emendar as deficiencias ou remitir os documentos preceptivos.

A listaxe definitiva será publicada o 17 de xullo na aplicación FondoLibros.

Desde o día 12 e durante o mes de xullo as persoas que resultasen beneficiarias da axuda poden recoller o vale para adquirir material escolar en horario de 9,00 a 13,00 h. na administración do centro.

Anpa, Curso Actual

FONDO DE LIBROS CURSO 2024 – 2025

– Devolución: Necesitamos que aquelas familias que aínda non devolveron os manuais do curso 23-24 fágano na maior brevidade posible, lembrade que aqueles que non devolvan os libros non poderán participar no préstamo do curso que entra.

– Doazóns: Queremos, unha vez máis, salientar  a importancia das doazóns, fan falta en todos os cursos pero especialmente nos cursos de 2º e 4º da ESO (neste momento, por exemplo, non dispoñemos de ningún manual de matemáticas A para prestar), sen elas somos conscientes de que moitas peticións quedarán sen cubrir, cousa que vai en detrimento de todas as familias do centro. Animádevos a doar, aínda estamos a tempo!

– Recollida: Tanto as devolucións como as doazóns serán recollidas na conserxería do centro en horario de 9:00 a 13:00, rógase que se entreguen xunto coa folla destinada a ese fin debidamente cuberta.

– Reparto: Por todo o comentado anteriormente a entrega dos libros en préstamo para o curso 24-25 finalmente levarase cabo en setembro, necesitamos que todos os manuais sexan devoltos e esperamos que nestes días de matrícula máis familias anímense a colaborar coas súas doazóns.

– Solicitudes: Ao final de esta entrada tedes  as fichas de solicitude de libros en préstamo, que unha vez cuberta (datos do encabezado e o apartado “solicita”) será reenviada ao noso correo electrónico: anpaneiravilas@gmail.com, ou depositada no buzón da ANPA no instituto.
– Alta socios:  Deixámosvos aquí a folla coas instrucións para que aquelas familias que o desexen déanse de alta como socios do ANPA. Isto non só dá preferencia no préstamo de libros senón que tamén é fundamental para poder seguir realizando actividades destinadas aos alumnos, alumnas e familias tales como: talleres de técnicas de estudo, xestión emocional, de defensa, actividades extraescolares etc.. Xuntos somos máis!   

– Na seguinte ligazón tedes o decálogo de funcionamento do fondo de libros: https://iesneiravilas.es/anpa-2/
Agradecemos de antemán a vosa colaboración, un saúdo.

Instituto de Ensino Secundario Plurilingue Xosé Neira Vilas. Perillo (Oleiros)