Unha ano máis a festa do Entroido invade o noso IES. Gozar de ser outras persoas e troulear polos corredores é a significación desta festa tradicional.
Arquivo da categoría: Actividades
INTERCAMBIO DE BACHIBAC 1 CON VANNES
Do 6 ao 13 de febreiro o alumnado de 1º de Bacharelato que cursa o programa Bachibac viaxou á localidade bretona de Vannes para levar a cabo a primeira parte do intercambio co lycée Saint François-Xavier. Ao longo desa semana os/as nosos/as alumnos/as asistiron ás clases no centro francés, acompañando aos seus correspondentes, e viviron acollidos polas familias destes. Asemade, gozaron dunha visita guiada á historia e o patrimonio de Vannes, organizada polo instituto SFX, e realizaron dúas excursións coas que puideron achegarse un pouco máis ao coñecemento da lingua, da cultura e da historia francesas: unha a Nantes, na que coñeceron o castelo dos Duques de Bretaña, a catedral, a arquitectura decimonónica e os formidables enxeños tecnolóxicos das Machines de l’Île, e outra a Rennes, capital da Bretaña, onde puideron descubrir desde a catedral e o casco vello ata o Parc du Thabor e a magnífica piscina municipal de estilo Art déco.
A comunidade do Neira quere agradecer a sempre amable e entusiasta acollida brindada polo lycée Saint François-Xavier e, en particular, pola profesora Elodie Quidu e o alumnado participante nesta bela experiencia e que agardamos recibir no noso centro a comezos do curso que vén. Merci beaucoup et à bientôt!
Visita a Padrón
O día 1 de febreiro o grupo de alumnado de 3º C visitou a vila de Padrón e a Casa museo de Rosalía de Castro. Pola tarde rematouse a xornada visitando o Panteón de persoas ilustres e o Museo do pobo galego en Santiago de Compostela.
VII TORNEO DE DEBATE ACADÉMICO DE GALICIA
O alumnado de Oratoria de 4º ESO participou este pasado mércores, 28 de xaneiro, no VII Torneo de Debate Académico de Galicia, organizado pola Fundación Barrié. É a primeira vez que o noso centro forma parte deste consolidado proxecto, que reúne a estudantes de toda Galicia co obxectivo de fomentar no alumnado de ESO e Bacharelato o desenvolvemento das habilidades argumentativas e o pensamento crítico. Baixo a iniciativa e coordinación da profesora de Oratoria, Eli Ríos, a rapazada asistiu a unha formación en oratoria e debate académico como paso previo á competición. Malia non clasificarse para a fase final, os/as nosos/as alumnos/as defenderon os seus argumentos dun xeito excelente e obtiveron unha puntuación moi alta. A comunidade educativa do Neira non pode sentirse máis orgullosa de ter tido uns/has representantes tan magníficos/as! Noraboa a todos/as!
Día da paz
O Equipo de Dinamización da Língua Galega en colaboración co Departamento de Tecnoloxía fomenta a creación poética e a expresión artística para conmemorar o Día Escolar da Non Violencia e a Paz, 30 de xaneiro.
Día da Candeloria
Dinamización anima a celebrar o Día da Candeloria compartindo amor e agradecemento epistolar.
ESCALADA para 4º ESO
O alumnado de 4º da ESO, desfrutou dunha xornada de ESCALADA, no pavillón de Deportes de A Coruña, a cargo de AMI (Clube de Amigos Montañeiros Independentes) contando cunha parte teórica e outra práctica . A actividade realizouse en dúas xornadas, participando a totalidade do alumnado.
VIAXE PARA A INICIACIÓN E PRÁCTICA DO ESQUÍ
Dende o 11 ao 16 de xaneiro, 36 alumn@s de 1°de bacharelato, acompañado das profesoras Isabel Moar e Laura Fernández, desprazáronse a Huesca para exercitarse na práctica do esquí na estación de Formigal.
A viaxe, compartida con alumnado e profesorado do IES As Mariñas de Betanzos, desenvolveuse satisfactoriamente e sen se producir ningunha incidencia desagradable aínda sendo unha actividade de risco. Por outra banda é unha semana na que se fomenta a colaboración e a convivencia e, sendo compartida, tamén as novas relacións e cooperación intercentros.
ACTIVIDADES TRIMESTRAIS DO DEPARTAMENTO DE EDUCACIÓN FÍSICA
SENDEIRISMO E KAIAK
Dentro do Plan de Deportes de Oleiros, desenvolveuse a práctica de Sendeirismo e Kaiak polas Terras do Mandeo no mes de setembro. A actividade foi financiada na súa totalidade polo Concello participando o alumnado de 1º de Bacharelato cun total de 36 participantes.
KAIAK
Dentro das actividades subvencionadas polo Concello de Oleiros e dirixidas ao Departamento de Educación Física estívose a realizar no mes de setembro a actividade de “Iniciación ao Kaiak e Remo”. Impartida polo Clube de Remo de Perillo, na praia de Santa Cristina, a actividade programouse para 3º da ESO.
SURF
O 10, 12 e 13 de Outubro, levouse a cabo a actividade de SURF, dirixida ao alumnado de 4º da ESO, na praia de Bastiagueiro. A actividade foi subvencionada na súa totalidade polo Concello de Oleiros.
BUCEO Seguir lendo ACTIVIDADES TRIMESTRAIS DO DEPARTAMENTO DE EDUCACIÓN FÍSICA
MANUEL NÚÑEZ SINGALA E A OPORTUNIDADE DA LINGUA GALEGA
O mércores 21 de xaneiro o alumnado de 4º ESO tivo o pracer de asistir á charla “A lingua galega: unha oportunidade”, impartida polo escritor e director do Servizo de Normalización lingüística da Universidade de Santiago de Compostela Manuel Núñez Singala e organizada polo Servizo de Normalización lingüística do Concello de Oleiros en colaboración co Equipo de Dinamización da lingua galega do noso instituto. A través das súas amenas verbas, cheas de historias, sorpresas e xiros inesperados, Manuel fíxonos reflexionar sobre a situación da lingua galega, sobre o que nos condiciona como falantes e sobre a oportunidade e riqueza que supón o noso patrimonio lingüístico e cultural.
