Arquivo da categoría: Alumnos
Actividades extraescolares non organizadas por un departamento, como as excursións de fin de curso ou as ceremonias de graduación.
CHARLA DA EDUCADORA SOCIAL DO CONCELLO
O pasado 15 de Decembro visitou o instituto a Educadora Social Laura Barejano Domínguez. No encontro co alumnado de 4º de ESO e 1º de Bacharelato fixo unha exposición sobre a súa experiencia laboral no Concello de Oleiros no que traballa actualmente. Asemade, dirixiu unha serie de actividades grupais nas que o alumnado participou activamente e amosou unha vez máis a súa sensibilidade respecto a temas como: a violencia de xénero, a inmigración, o bulling, etcétera.
Máis información no blog do Departamento de Orientación.
#Diversidade
Serra do Courel
Os días 7,8 e 9 de abril, alumnado de 1º ESO participou na actividade organizada polo Concello de Oleiros “Aprendemos da natureza – Serra do Courel”. Estiveron acompañados por monitores e dous profesores do instituto, Pablo Gallego e Samuel Rodríquez. O seguinte texto, elaborado por eles, resume esta estadía:
“Os alumnos e alumnas de 1ºESO puideron desfrutar durante tres días de todos os tesouros naturais, históricos e etnográficos que a serra do Courel garda entre os seus vales e montañas.
O mércores pola mañá visitamos o Museo Xeolóxico e o Museo Etnográfico, algúns rapaces sorprendéronse do realismo da recreación de Elba, unha das primeiras poboadoras de Galicia. Comemos en plena ruta, preto do Río Lor, e coñecimos a “Xan do Vilar”, ferreiro, músico e divulgador das tradicións do Courel.
Torneo de tenis de mesa
Durante o segundo trimestre desenvolveuse no noso centro un torneo de tenis de mesa organizado polo Departamento de Educación Física. Os gañadores foron Sergio Domínguez na categoría de 1º a 3º ESO e Pablo López na de 4º ESO a 2º de Bacharelato. Noraboa aos gañadores e a todos e todas por participar! e grazas a David e Andrés pola organización.
#Distancia
A célula nos corredores do instituto
Os alumnos e alumnas de 3º ESO fixeron, cada un deles, unha representación da célula, cada un co seu estilo e creatividade. O resultado pode verse no corredor do instituto: espectacular. Noraboa polo voso traballo!
Visita ao Museo de Belas Artes
O venres 18 de decembro o alumnado de 1º de bacharelato de Humanidades e Ciencias Sociais visitou a exposición “Vestir Épocas 1860-1960″ , nunha actividade organizada polo Departamento de Xeografía e Historia. Un agradecemento especial a Fernando Agrasar, comisario da exposición, que presentou os contidos da mostra ao alumnado e acompañounos na visita.
ESTREA DUNHA CURTAMETRAXE
Estréase esta fin de semana a curtametraxe “El nuevo método” onde un profesor de teatro move os fíos das inquedanzas do seu alumnado buscando a sublimación na arte da interpretación. Nesta narración coral mestúranse escenarios novos e coñecidos con acontecementos que lembran o frío e húmido inverno que está a acontecer.
Un grupo de alumnos e alumnas de 2º de bacharelato do Neira Vilas, cun liderado compartido, deu continuidade a unha formación realizada tempo atrás no instituto. Abertos agora a novas inquedanzas onde se mesturan coñecementos, cultura e gañas de facer algo diferente que complete a mochila coa que saen do instituto cara a longa viaxe do resto das súas vidas.
Realizarase a estrea desta curtametraxe na plataforma de vídeos de YouTube o domingo 6 de decembro de 2020.
Deixamos ao voso dispor un enlace ao tráiler e a unha entrevista realizada a parte do equipo de rodaxe e emitida por Radio Oleiros na sección “Outra mirada” o pasado martes. Non perdades a ocasión de transmitir a nova desta estrea as vosas amizades e polas redes sociais. Canto falta para a estrea? Pincha na conta atrás.
Podedes ver o tráiler aquí.
A PARTIR DAS 20:30 DO 6 DE DECEMBRO, A CURTAMETRAXE AQUÍ
Videos para Neira Vilas
Este ano é especial. Ano COVID, mais ano tamén de lembranza do quinto aniversario do pasamento de Xosé Neira Vilas, o autor galego que dá nome ao noso instituto. Non poderemos facer actos multitudinarios, mais alumnado e profesorado deixa aquí gromos da súa participación.