Arquivo da categoría: Curso 2021-2022

Alumnos, Curso 2021-2022, Curso Actual

… E Pelayo gañou

O 4 de maio de 2022, un grupo de 6 alumnas e alumnos de 3º ESO do IES Plurilingüe Xosé Neira Vilas acudíu a Santiago de Compostela á convocatoria da fase autonómica da I Olimpíada Junior de Xeografía… Entre eles, Pelayo Blanco García, alumno de 3º ESO B, que tempera nervos e visitou unha cadea de comida rápida norteamericana por primeira vez: viña de ser 3º na fase rexional.

A chamada do Colexio de Xeógrafos advertía a Pelayo de que o 16 de xuño se ía batir a nivel estatal… E estivo unha tarde tórrida diante do ordenador…. Para quedar CAMPIÓN ESTATAL DA I OLIMPÍADA JUNIOR DE XEOGRAFÍA!!!!

Parabéns, Pelayo!

Curso 2021-2022, Curso Actual, Dirección

Graduación 2022

O venres 27 de maio tivo lugar a graduación da promoción que remata 2º Bacharelato en 2022. O acto -coa participación de toda a comunidade educativa e a asistencia do alcalde de Oleiros- tivo lugar no auditorio Gabriel García Márquez de Mera.

Nunha festa para a lembranza, Rita Ardao e Javier Méndez conduciron unha gala que contou cos discursos do director Fernando Vidal, a profesora Mercedes López-Mayán e o pai Moisés Canle, xunto coas alocucións de Iker Naveira e Luisa Tova por parte do alumnado.

Actividades, Alumnos, Curso 2021-2022, Curso Actual, Departamento de Orientación

COMPARTIR EXPERIENCIAS

O pasado 3 de maio os exalumnos Pablo Forján, Miguel Pérez e Mateo García compartiron co alumnado de 1º de bacharelato as súas experiencias e vivencias como universitarios.

A través dunha presentación faláronlles de numerosos aspectos moi importantes como: a transición do Instituto á Universidade, a importancia das rutinas e os hábitos na univesidade, as ventaxas e inconvintes de estudar preto de casa ou noutra cidade distinta…

Alumnos, Curso 2021-2022, Curso Actual

PREMIOS EXTRAORDINARIOS DE BACHARELATO 2021-2022

A Consellería de Cultura, Educación e Universidade convoca os Premios Extraordinarios de Bacharelato correspondentes ao curso 2021-2022.

O prazo de presentación de solicitudes comezará o día 26 de abril de 2022 e rematará o día 25 de maio de 2022.

Pode participar todo o alumnado que finalizase os estudos de bacharelato no curso 2021/22 nun centro docente da Comunidade Autónoma de Galicia, ben na modalidade presencial ou na modalidade a distancia, fose proposto para título na convocatoria ordinaria do dito curso e obtivese unha
nota media do bacharelato igual ou superior a 8,75.

A realización da proba terá lugar o día 23 de xuño de 2022 e realizarase nos lugares e no horario que se darán a coñecer mediante resolución publicada no Diario Oficial
de Galicia e no portal educativo da Consellería de Cultura, Educación e Universidade.

Toda a información aquí:

Actividades, Alumnos, Curso 2021-2022, Curso Actual, Excursións

Courel 2022

As montañas, as fragas, os soutos e paxaros foron quen de facernos achar seres prodixiosos, de aprender dos outros e de ser un/ha mesma/o. A visita ao Courel apartounos do mundo por un intre e fíxonos gozar da amizade, da empatía e de longas conversas cheas de sorrisos, de camiñadas que recompoñen, de afecto… Que terán aquelas paisaxes para lembrar tanta ledicia!!!

“Eu non sei para onde vai

mentres o quedo ollando.

Só sei que alí se cumpre

o sono que estou soñando”.

  • Consulta todas as imaxes da visita do alumnado de 1º ESO ao Courel dos días 20 a 22 de abril, nesta galería.
Actividades, Curso 2021-2022, Curso Actual, Departamento de Xeografía e Historia

“UN DÍA EN GALICIA” CON 3º ESO

Nos días 29 e 30 de marzo os grupos de 3º ESO disfrutaron dunha excursión en Santiago de Compostela, organizada polo Concello de Oleiros en colaboración co Departamento de Xeografía e Historia. Ao longo da xornada puideron visitar o Museo do Pobo Galego, descubrir os numerosos rincóns que agochan as rúas compostelás, así como a súa monumental catedral, pasear pola súa fermosa Alameda e rematar a tarde cunha andaina á beira do Sarela.

O pase de diapositivas require JavaScript.

Actividades, Curso 2021-2022, Curso Actual, Departamento de Xeografía e Historia

“UN DÍA EN GALICIA” CON 2º ESO

Os días 23, 24 e 25 de marzo o alumnado de Xeografía e Historia de 2º ESO participou na actividade “Un día en Galicia”, organizada polo Concello de Oleiros.

Desta volta, disfrutaron dunha fermosa andaina polas Fragas do Eume, en cuxo interior visitaron o Mosteiro de Caaveiro. Despois do xantar, achegáronse ao coñecemento das pegadas medievais visibles na vila de Pontedeume e arredores, antiga Terra dos Andrade, incluíndo a marabillosa Torre de Nogueirosa.

Actividades, Curso 2021-2022, Curso Actual, Departamento de Orientación

EDUREFERENTES

Sonia Pazos e Asunción Fieira  (da Asociación de Executivas de Galicia) foron as dúas mulleres referentes que impartiron unha charla ao alumnado de 2º de Bacharelato dentro do programa educativo “Edureferentes” ofertado pola Consellería de Educación.
A igualdade de oportunidades entre homes e mulleres,  é tamén un dos cometidos da orientación vocacional. Achegar referentes femininos que exercen a súa actividade profesional en distintos ámbitos, axuda a construir unha sociedade máis xusta, igualitaria e libre de estereotipo de xéneros.
Actividades, Curso 2021-2022, Curso Actual, Departamento de Xeografía e Historia

“UN DÍA EN GALICIA” CON 1º ESO

Os pasados días 16, 17 e 18 de marzo os grupos de 1º ESO participaron na actividade “Un día en Galicia”, organizada polo Concello de Oleiros e impulsada polo Departamento de Xeografía e Historia.
A actividade incluíu a visita ao Castro de Viladonga e ao seu centro de interpretación, onde participaron nun interesante obradoiro de confección de tecidos seguindo a tecnoloxía castrexa. Pola tarde, a xornada continuou coa visita á zona vella de Lugo, onde descubriron numerosos aspectos sobre a orixe romana e a magnífica muralla desta cidade.

O pase de diapositivas require JavaScript.