Arquivo da categoría: Curso 2017-2018

10 anos de Intercambios Escolares co Collège Notre Dame Le Menimur

40 alumnos e alumnas do centro están participando no intercambio co Collège Notre Dame Le Menimur entre os días 13 e 24 de marzo. No curso 2008-09 fixemos o primeiro intercambio e desde entón tivemos un total de 400 participantes.
Os Intercambios Escolares e o programa de dobre titulación en Bacharelato-Baccalauréat (único en Galicia) fixeron do noso centro unha referencia como Instituto Plurilingüe en francés. Seguir lendo 10 anos de Intercambios Escolares co Collège Notre Dame Le Menimur

Concerto De Vacas

DeVacasO día 23 de febreiro o alumnado de 4º da ESO e 1º de Bacharelato asistiu ao concerto de De Vacas que tivo lugar no auditorio Gabriel García Márquez de Mera. A asistencia ao concerto, organizado polo Servizo de Normalización do Concello de Oleiros, promoveuse desde o Equipo de Dinamización da Lingua Galega e o Departamento de Galego do instituto.

NeiraTED

NeiraTEDO venres 9 de marzo de 2018, con 3º ESO como escoitantes e espectadores activos, un grupo de entusiastas profesoras e profesores do IES Plurilingüe Xosé Neira Vilas puxeron en práctica a primeira sesión experimental de conversas educativas “NeiraTED” -inspiradas nos monólogos educativos da canle TED-, en torno á temática da paisaxe. Con diversas e complementarias metodoloxías, e durante dúas horas intensas, NeiraTED amosouse como unha transclase, interclase ou multiclase que tratou de rachar cos muros tradicionais existentes nas aulas diarias.

Esta é a primeira parte dun proxecto que terá a súa contrapartida, no terceiro trimestre, na contra-clase TED do alumnado.

Enlace á  presentación.

Vídeo da actividade

Homenaxe aos deportados galegos no Parlamento de Galicia

Parlamento_19_02_18O pasado 19 de febreiro realizouse a homenaxe no Parlamento de Galicia aos deportados galegos en Mauhaussen coa lectura pública dos cento noventa e tres nomes  realizada polo alumnado de 4º curso do IES Plurilingüe Neira Vilas e as palabras do presidente do Parlamento en presencia dos familiares, os representantes de todos os grupos políticos e as altas autoridades de Galicia. Seguir lendo Homenaxe aos deportados galegos no Parlamento de Galicia

Investigando unha vacina para o VIH na DOMUS

Domus_01_02_2018

O pasado mércores 1 de Febreiro os alumnos de 1º BAC de Bioloxía e CUCI asistiron a un obradoiro de investigación do VIH no Laboratorio aberto da Domus onde seguiron o protocolo para desenvolver unha vacina que podería protexernos deste virus e axudar ás persoas infectadas. Analizaron as diferentes variantes do VIH e investigaron se unha candidata real á vacina, podería ser eficaz para protexer á poboación de distintos continentes, utilizando a técnica de electroforese. Seguir lendo Investigando unha vacina para o VIH na DOMUS

Entroido 2018

O venres 9 de febreiro tivo lugar o festival de Entroido que todos os anos se vén celebrando no centro. O alumnado de 1º de Bacharelato encargouse de presentar o acto onde se recitaron os “testamentos”, os textos satíricos que as rapazas e rapaces do instituto realizan para comentar os acontecementos peculiares do curso escolar. Seguir lendo Entroido 2018

Visita á Universidade de Santiago

O día 8 de febreiro un grupo de 12 alumnos e alumnas de 2º de Bacharelato viaxaron a Santiago para asistir a unha xornada de portas abertas organizada pola USC. De acordo coas súas preferencias visitaron as facultades de Farmacia, Bioloxía, Enxeñería Informática, Matemáticas, Xornalismo e Criminoloxía.

A noticia no blog de Orientación

Seguir lendo Visita á Universidade de Santiago

Experiencia de arqueoloxía e difusión no museo arqueolóxico

O día 18 de xaneiro o alumnado do 1º de ESO do Instituto Neira Vilas, acudiu ao museo arqueolóxico de A Coruña para realizar talleres de arqueoloxía. Alumnos monitores ensinaron aosseus compañeiros as pezas arqueolóxicas e deseñaron as guías didácticas para completar a información. Seguir lendo Experiencia de arqueoloxía e difusión no museo arqueolóxico