Arquivo da categoría: Proxectos de Biblioteca

NEIRANAUKAS

O 24 de abril celebrousee no auditorio da Fábrica de Santa Cristina o primeiro Neiranaukas, cunha ampla participación de profesorado,  de alumnado 2°, 3°, e 4° de ESO, de 1º de bacharelato e a excepcional colaboración externa de Deborah García Bello, Xurxo Mariño. Para finalizar contamos coa excelente actuación musical do grupo Theta Vawes, do que foman parte unha alumna de 1º de bacharelato e varios exalumnos do centro. Seguir lendo NEIRANAUKAS

Actividade fin do primeiro trimestre

O venres día 21 de decembro teremos unha xornada diferente para despedir o primeiro trimestre deste curso. Inicialmente o alumnado da ESO participará na Xincana Neiraviaxe, con actividades organizadas polos diferentes departamentos e supervisadas polo alumnado de 1º de bacharelato.

Seguidamente relizaranse actividades deportivas e simultaneamente terá lugar a posta en escea dos diferentes proxectos realizados nas aulas sobre o tema escollido para este curso  As Viaxes, grandes e pequenas

Semana Neira Vilas

Durante a semana do 26 ao 30 de novembro o  noso centro homenaxea ao escritor do cal recibe o nome, coincidindo co cabodano do seu falecemento, o 27 de novembro de 2015.  Este é o terceiro ano consecutivo no que o instituto organiza estas actividades en memoria da figura literaria de Xosé Neira Vilas.

Vídeo da Semana Neira Vilas 2018. Realización e producción de Hakaneirafilms

Galería de fotos de Alberto Pombo

O pase de diapositivas require JavaScript.

A continuación descríbense as actividades organizadas para cada un dos días desta semana.

Seguir lendo Semana Neira Vilas

Concurso de fotografía: A Lúa

Convócase a segunda edición do Concurso  de fotografía do IES Pluringüe Xosé Neira Vilas que, nesta convocatoria, ten coma eixo central “A Lúa”. O prazo de presentación de imaxes estará aberto ata o vindeiro 19 de decembro.

Animamos a toda a comunidade educativa a participar nesta actividade englobada no Proxecto da Biblioteca.

Seguir lendo Concurso de fotografía: A Lúa

Proxección de cine: “First man”

ProxecciónNeil Armstrong é retratado polo cineasta Damien Chazelle na súa esfera privada e profesional en “First Man”, un filme que tenta contarnos minuciosamente a “década bisagra” do enxeñeiro que pisou por primeira vez o noso satélite -á par que radiografía as dificultades no camiño cara ao obxectivo final. O alumnado de 4º ESO e 1°de Bacharelato tivo ocasión de acudir a unha proxección no cine este 22 de outubro de 2018, a menos dun ano da efeméride da primeira alunizaxe.