Información relativa á entrega dos manuais do fondo de libros.
Entrega de manuais: O luns ao longo da mañá serán entregados en horario lectivo os libros adxudicados aos alumnos que así o solicitaron. Lamentablemente nalgunhas materias hai mais solicitudes que libros no fondo, así que este ano non se puido cubrir toda a demanda.
Devolución de libros do curso pasado: Rogamos a aquelas familias que aínda non devolveron os manuais fágao o máis axiña posible, desta forma poderemos satisfacer máis peticións nos casos de alumnos que nesta primeira repartición quedaron sen eles.
Doazón: aproveitamos para lembrarvos a importancia das doazóns de libros, sen elas non se poderá seguir levando a cabo este proxecto que tanto axuda ás familias. O número de manuais doados descendeu e con iso as solicitudes que desde o ANPA podemos resolver favorablemente. Por iso animámosvos a doar, aínda estades a tempo!
Aquelas persoas ás que lles fora concedida a axuda para a adquisición de material escolar poderán pasar pola Secretaria do centro a recoller o vale correspondente a partir do mércores 19 de xullo do 2023.
O mes de setembro foi o elixido para a estrea da curtametraxe “A lenda da monxa” dirixida e producida por un grupo de alumnado e profesorado dentro do contrato-programa INNOVA solicitado polo instituto.
O prazo para a solicitude de axudas do Ministerio de Educación para o alumnado con necesidades específicas de apoio educativo remata o 20 de setembro do 2023.
Un decreto da Alcaldía do 26 de xuño de 2023, vén de conceder ao noso instituto 9190 € en concepto de subvención para a realización de actividades educativas complementarias e adquisición de material didáctico de carácter funxible.
O club de lectura bota o peche despois dun curso cheo de boas lecturas e experiencias compartidas. Os sete grupos de lectura que o compuxeron (Banda deseñada en galego, Mitoloxía clásica, Portugués, Teatro, Xeografía e Historia, Diversidade e Familias), coordinados por David Amboage, Mercedes López-Mayán, Guadalupe Pardo, Elisabet Ríos e Noé Vázquez, contaron coa participación dun total de 104 lectores e lectoras, repartidos entre alumnado de todos os cursos e familias, e leron 25 títulos diferentes, en galego, castelán, portugués e francés. Ademais das sesións de posta en común e discusión sobre as lecturas, puideron disfrutar de múltiples actividades (obradoiros de escrita, encontro con autores/as, roteiros literarios ou as visitas á libraría Berbiriana con motivo do Día do Libro e a ExpOtaku).
Moitísimas grazas a todos/as os/as participantes polo interese e ilusión amosados!