Segundo se comunicou a toda a comunidade educativa a través de Abalar, a Xefatura Territorial autorizou o vindeiro luns, 3 de febreiro, como día non lectivo de centro, polo que nesa data non haberá clase e o centro permanecerá pechado.
CHARLAS DE ORIENTACIÓN NO INSTITUTO E XORNADAS DE ORIENTACIÓN ARTÍSTICA E PROFESIONAL (XOAP 2025) DO CONCELLO DE CORUÑA
O pasado 14 de xaneiro a orientadora do noso centro, Beatriz Hermida, impartiu unha charla de orientación académica en todos os grupos de 4º ESO, centrada en informar ao alumnado sobre as ensinanzas de formación profesional e as ensinanzas de réxime especial, con particular atención ás ensinanzas deportivas e ensinanzas artísticas (ensinanzas de arte dramática, de artes plásticas e deseño, e de conservación e restauración de bens culturais).
De xeito complementario, infórmase de que do 27 de xaneiro ao 7 de febreiro (ás 14:00 h.) está aberto o prazo para que o alumnado interesado se inscriba nas Xornadas de Orientación Artística e Profesional (XOAP 2025), que organiza o Concello de Coruña.
O obxecto das Xornadas é dar a coñecer aos/ás estudantes de secundaria a oferta de Formación Profesional na Coruña, así como das ensinanzas artísticas profesionais e dos estudos superiores de deseño para o próximo curso 2025/2026. As datas previstas para a súa realización son os días 17, 18, 19 e 24 de febreiro. Pódese consultar toda a información, así como os folletos e carteis, no seguinte enlace: https://www.coruna.
O NOSO CENTRO EN “FAI MEMORIA! XORNADA DE FORMACIÓN PARA DOCENTES ARREDOR DA MEMORIA HISTÓRICA”
Este sábado, 18 de xaneiro, celebrouse no Centro sociocultural Maruxa e Coralia de Santiago de Compostela a xornada “Fai memoria!”, organizada pola Deputación da Coruña e dirixida por Eva Mejuto, coa intención de crear un foro de reflexión e posta en común de experiencias arredor da memoria histórica e o seu traballo nas aulas dos centros educativos.
O noso instituto estivo dobremente representado nesta xornada. Por un lado, a xefa de estudos e profesora de Xeografía e Historia, Mercedes López-Mayán, participou na mesa de experiencias de memoria nas aulas presentando os numerosos proxectos e iniciativas que arredor da memoria se teñen desenvolvido no noso centro nos últimos anos. Por outro lado, a coordinadora do Equipo de dinamización lingüística e profesora de Lingua galega e literatura, Eli Ríos, presentou as unidades didácticas que elaborou xunto coa Beatriz Maceda arredor do material da exposición “Sinaladas. A loita das mulleres no século XX: cen anos de conquistas e represión”, organizada pola Deputación da Coruña e comisariada por Montse Fajardo. Tanto a exposición como as unidades didácticas poden consultarse neste enlace: https://www.dacoruna.
Máis información sobre a xornada pode verse nos seguintes enlaces:
e
A DIRECTORA DE ORDENACIÓN E INNOVACIÓN EDUCATIVA VISITOU O NOSO CENTRO PARA COÑECER MÁIS DE PRETO O PROGRAMA BACHIBAC E O SEU PROFESORADO E ALUMNADO
O mércores, 15 de xaneiro, tivemos o enorme pracer de recibir a visita da Directora xeral de Ordenación e Innovación educativa, Judith Fernández, acompañada da responsable de Edulinguas, María Jesús Lorenzana, que se interesaron polo funcionamento e retos do programa Bachibac no décimo aniversario da súa implantación no noso instituto.
A nova máis detallada pode consultarse no seguinte enlace: https://www.edu.xunta.gal/
La Voz de Galicia tamén se fixo eco desta visita; a nova completa pódese consultar aquí: https://www.
PATINAXE SOBRE XEO
O pasado 10 de xaneiro o alumnado de 1º e 2º da ESO participaron nesta actividade organizada polo Departamento de Educación Física.
PARTICIPACIÓN EN EDUEXCHANGES E REUNIÓN INFORMATIVA SOBRE O INTERCAMBIO DE BACHIBAC 1
Un curso máis o noso centro resultou seleccionado para participar no Programa EduExchanges de intercambio presencial de alumnado con centros educativos doutros países durante o curso 2024/2025, segundo se recolle no portal da Consellería de Educación, Ciencia, Universidades e Formación Profesional: https://www.edu.
A axuda económica concedida ao abeiro deste programa, enmarcado na Estratexia Galega de Linguas Estranxeiras Edulingüe 2030, destinarase a financiar o intercambio do alumnado de 1º de Bacharelato que cursa o programa Bachibac co Lycée Saint François-Xavier de Vannes (Bretaña). Dito intercambio terá lugar do 6 ao 14 de marzo.
Este xoves, 16 de xaneiro, ás 18:00 h., celebrarase no centro unha reunión coas familias do alumnado implicado para informar de todas as cuestións relativas á organización do intercambio-
O ESCRITOR ERIC DOPAZO ACHEGOUSE AO NOSO CENTRO PARA UNS ENCONTROS MOI ESPECIAIS
O 19 de decembro de 2024 comezou a mañá coa charla Diversidade para todes na que reflexionamos sobre os nosos referentes da música ou da lectura, por exemplo, e démoslle un par de voltas a que nos trasmite esta sociedade respecto dos valores de igualdade. Seguir lendo O ESCRITOR ERIC DOPAZO ACHEGOUSE AO NOSO CENTRO PARA UNS ENCONTROS MOI ESPECIAIS
RECORTE DE PRENSA: O BACHIBAC E O NEIRA EN “LA VOZ DE GALICIA”
CONSTITUCIÓN DO NOVO CONSELLO ESCOLAR
Este luns 2 de decembro quedou constituído o novo Consello escolar do centro, de acordo cos resultados das eleccións que se celebraron o pasado 19 de novembro. A súa composición queda como segue:
Presidente:
Agustín Fernández Gago
Secretaria:
Ana María López Martínez
Xefa de estudos:
Mercedes López-Mayán Navarrete
Representantes do profesorado:
– Rubén Acuña Fernández
– David Amboage López
– María José Deive Rejo
– Laura Fernández Villarino
– Ana María García Calvo
– María Elena García García
– Xurxo Taxes díaz
Representante da ANPA:
Rosario López Amor
Representante dos pais e nais:
Lucía Seoane López
Representantes do alumnado:
– Yago Ben Herrero-Rincón
– Xoel Berdeal Trasancos
– Selena López Oliveira
– Sofía Pardo Paradela
Representante do persoal de administración e servizos:
María Begoña Cernadas Astray
Representante do Concello de Oleiros:
María José Santos Zas
IX ANIVERSARIO
Nun acto conmemorativo do noveno aniversario do pasamento de Xosé Neira Vilas (escritor que dá nome ao noso IESP), o alumnado de diferentes niveis educativos rendeu homenaxe aos parágrafos iniciais da universalmente valorada obra “Memorias dun neno labrego”, reproducíndoos nunha ducia de linguas.
Do galego ao éuscaro, pasando polo árabe, ucraíno, alemán, bable, húngaro, guaraní, brasileiro, grego clásico, ruso e wolof, as variadas identidades lingüísticas que agroman neste centro plurilingüe expresáronse con beleza singular. O público estivo constituido polo alumnado máis novo do IESP, de 1° e 2° ESO.
O acto concluíu cun karaoke expresivo, lembrando a versión pandémica do poema “Ai, amor” que, inspirada na interpretación de “A Quenlla”, gravaramos en 2020, e que foi coreada con afouteza polo alumnado neste 27 de novembro de 2024.