Temos a enorme ledicia de anunciar que o noso centro conta con cinco estudantes con mellores expedientes de Galicia nas ABAU 2024: Fabián Hernández Miranda, Ainhoa D. Infesta Galarza, Lois Pereiro Romero, Miguel Rodríguez Coronado e Lucas Vivero Vergara. Os seus excelentes resultados académicos serán recoñecidos, xunto co resto do alumnado premiado, no acto MEGABAU 2024. Acto de homenaxe aos mellores expedientes de Galicia ABAU 2024, que terá lugar no Coliseum da Coruña o venres 21 de xuño ás 11:30 h. e que está organizado polas tres universidades públicas do Sistema Universitario de Galicia e pola Consellería de Educación, Ciencia, Universidades e Formación Profesional.
Desde a comunidade educativa do Neira Vilas unímonos tamén a este recoñecemento, co gran orgullo de contar con alumnado tan brillante e traballador. Moitos parabéns!
Arquivo da categoría: Alumnos
Actividades extraescolares non organizadas por un departamento, como as excursións de fin de curso ou as ceremonias de graduación.
VISITA DO ALUMNADO DE 6º EP DO COLEXIO ADSCRITO
O venres 31 de maio o alumnado de 6º EP do CEIP Ramón María del Valle-Inclán visitou o noso instituto, onde se incorporará a 1º ESO o curso que vén. Despois de ser recibido no Salón de Actos polo equipo directivo, a orientadora, Lorena Insua, e varias alumnas do equipo de mediación explicáronlle algunhas cuestións básicas do funcionamento do centro. A continuación, o alumnado visitou as instalacións do instituto, guiado por membros do equipo de mediación, e disfrutou dunha merenda final no patio antes de voltar ao colexio.
I CONCURSO DE DESEÑO DE MARCAPÁXINAS
A ANPA do centro convoca a I Edición do Concurso de Marcapáxinas e dende aquí animamos ao noso alumnado a que participe.
Actividades dos últimos días
ACTIVIDADES PARA O FOMENTO DA LECTURA: Co final do mes de maio rematan tamén as actividades para o fomento da lectura organizadas pola Biblioteca de Rialeda. Durante os últimos días acudiu alí o noso alumnado de 1º, 3º e 4º ESO, quen tivo a sorte de participar nun obradoiro de poesía con Isabel Andrés, por unha banda, e noutro de banda deseñada con Miguel Cuba, pola outra.
SCIENCE FAIR: O 28 de maio o Departamento de Física e Química, coa colaboración da auxiliar de conversa inglesa, Rachel, organizou unha feira científica co alumando da sección bilingüe de 3º ESO. Nela os rapaces amosaron os seus experimentos ao alumnado de 1º e 2º ESO, quen puideron escoller o seu experimento favorito mediante un sistema de votación anónima.
PARABÉNS Á NOSA ANTIGA ALUMNA ANA BELÉN GONZÁLEZ IGLESIAS
A Universidade da Coruña vén de conceder o Premio de Excelencia da UDC á mellor nota de admisión nos Graos no curso 2023-2024 á nosa antiga alumna Ana Belén González Iglesias. Desde a comunidade educativa do Neira Vilas sumámonos aos parabéns e ao recoñecemento a esta alumna excelente.
ACTO DE GRADUACIÓN DA NOVA PROMOCIÓN DE BACHARELATO 2022-2024
O xoves 16 de maio tivo lugar o emotivo acto de graduación da nova promoción de Bacharelato 2022-2024 no Auditorio Gabriel García Márquez de Mera, coa participación de todos os membros da nosa comunidade educativa e coa presenza do Alcalde de Oleiros, Ángel García Seoane, e da Concelleira de Cultura, Normalización lingüística, Ensino e Xuventude, María José Santos Zas. Moitos parabéns e moita sorte aos/ás nosos/as novos/as bachareis nesta nova etapa apaixoante que comeza nas súas vidas!
NORABOA Á NOVA PROMOCIÓN DE BACHARELATO 2022-2024
AVALIACIÓN DE DIAGNÓSTICO PARA O ALUMNADO DE 2º ESO
En cumprimento da nova lei educativa estatal, este curso está previsto en todas as comunidades autónomas a realización das probas da avaliación de diagnóstico para o alumnado de 4º curso de educación primaria e 2º curso de educación secundaria obrigatoria. No caso de Galicia, terán lugar os próximos días 10 e 11 de abril.
Polo tanto, no noso centro todo o alumnado de 2º ESO terá que realizar estas probas, que non teñen ningún efecto académico para o alumnado, senón que perseguen o obxectivo de avaliar o grao de adquisión das competencias matemática e en comunicación (lingua galega, lingua castelá e inglés) para poder mellorar a calidade do sistema educativo.
Podedes atopar máis información no documento publicado aquí debaixo:
Seguir lendo AVALIACIÓN DE DIAGNÓSTICO PARA O ALUMNADO DE 2º ESO
CONCESIÓN DE AXUDAS PARA A REALIZACIÓN DE PROBAS DE ACREDITACIÓN DA COMPETENCIA EN LINGUAS ESTRANXEIRAS
A Dirección Xeral de Ordenación e Innovación Educativa vén de publicar a resolución definitiva das axudas a centros públicos dependentes da Consellería de Cultura, Educación, Formación profesional e Universidades para a realización de probas de acreditación da competencia en linguas estranxeiras para o alumnado que curse estudos durante o curso 2023/2024.
O noso instituto resultou beneficiario dunha achega total de 4.700€ destinados a financiar as probas de acreditación da competencia lingüística en Inglés e Francés por parte de alumnado de 4º ESO e 1º e 2º Bacharelato a razón de 100€ por alumno/a. Seguir lendo CONCESIÓN DE AXUDAS PARA A REALIZACIÓN DE PROBAS DE ACREDITACIÓN DA COMPETENCIA EN LINGUAS ESTRANXEIRAS
CAMPAÑA INFORMATIVA ANPA ARCE NEIRA VILAS
Estimadas familias.
O ANPA Arce Neira Vilas ten como fin ser parte activa da comunidade educativa e colaborar co centro educativo e as administracións competentes na mellora da educación dos nosos fillos e fillas.
Gustaríanos que todas as familias do centro coñezcan mellor a nosa asociación e se animen a formar parte dela, xa sexa a través dunha participación activa ou facéndose socias.
Para iso, pareceunos importante explicar, cun pouco máis de detalle, o que facemos na actualidade e facer pública a memoria de actividades.
Con este obxectivo, achegámosvos un cartel informativo coas accións que levamos a cabo e a memoria de xestión anual do curso 2022-2023.
Estaremos encantadas/vos de que vos poñades en contacto connosco e vos animedes a colaborar.
Un afectuoso saúdo.