Aquelas persoas ás que lles fora concedida a axuda para a adquisición de material escolar poderán pasar pola Secretaria do centro a recoller o vale correspondente a partir do mércores 19 de xullo do 2023.
Horario de Secretaría: de 9:00 a 14:00.
Arquivo da categoría: Curso 2022-2023
Curtametraxe “A lenda da monxa”
O mes de setembro foi o elixido para a estrea da curtametraxe “A lenda da monxa” dirixida e producida por un grupo de alumnado e profesorado dentro do contrato-programa INNOVA solicitado polo instituto.
AXUDAS MEC PARA O ALUMNADO NEAE
O prazo para a solicitude de axudas do Ministerio de Educación para o alumnado con necesidades específicas de apoio educativo remata o 20 de setembro do 2023.
Para máis información preme na imaxe.
Subvención do concello de Oleiros
Un decreto da Alcaldía do 26 de xuño de 2023, vén de conceder ao noso instituto 9190 € en concepto de subvención para a realización de actividades educativas complementarias e adquisición de material didáctico de carácter funxible.
Préstamo de libros curso 2023-2024
Información relativa ao fondo de libros 2023-2024
– Devolución dos manuais prestados: levarase a cabo o día 26 coincidindo coa entrega de notas en horario de 10:30 a 13:00.
– Doazón de manuais: todas aquelas familias que desexen doar libros para o fondo poderá entregalos no mesmo horario da devolución. Aproveitamos para agradecervos esta colaboración que fai que desde o ANPA podamos continuar con este labor.
– Solicitude de libros para o curso 2023-2024: achegamos os impresos de solicitude que se entregarán cubertos o mesmo día 26 ou ben poderá ser enviado por correo electrónico ao mail do ANPA (anpaneiravilas@gmail.com). Este curso cámbianse os libros de 2º da ESO, non coincidindo ningún co curso pasado polo que non será posible facer préstamos neste curso.
– A entrega dos manuais do próximo curso será previsiblemente no mes de setembro, avisarémosvos de data e hora por leste mesmo medio.
Lembrarvos que para poder ser beneficiarios do préstamo de libros é imprescindible a devolución de todos os manuais prestados para este curso que termina (incluídos os de segundo) e informarvos que como todos os anos, os socios do ANPA terán preferencia no préstamo sobre as familias que non son socias. Podédes consultar o décalogo de préstamo aquí.
Deixámosvos aquí a ficha de alta como socios do ANPA no curso 2023-2024 para todas as familias que así o desexen. Deberá ser debidamente cumprimentada e entregada en man ou enviada por correo electrónico xunto co xustificante de pago.
Un saúdo e feliz verán.
Impresos solicitude de libros:
QUENDAS DE MATRÍCULA CURSO 2023-24
PERIODO DE MATRÍCULA: DO DÍA 27 DE XUÑO AO 7 DE XULLO
HORARIO: DE 9:00 H A 13:00 H
O EQUIPO DIRECTIVO PROPÓN AS SEGUINTES QUENDAS PARA OS DISTINTOS NIVEIS, EN ARAS DE EVITAR LONGAS ESPERAS:
Quendas de matrícula 2023-2024
Aquelas familias que teñan máis dun/ha fillo/a no centro, poderán formalizar a matrícula o mesmo día para todos/as.
DOCUMENTACIÓN NECESARIA PARA FORMALIZAR A MATRÍCULA
Unha copia dos impresos de matrícula entregarase coas notas ao alumnado o día 26 de xuño.
IMPRESO MATRÍCULA 1º, 2º e 3º ESO
“O faiado de Balbino” despídese por este curso
O club de lectura bota o peche despois dun curso cheo de boas lecturas e experiencias compartidas. Os sete grupos de lectura que o compuxeron (Banda deseñada en galego, Mitoloxía clásica, Portugués, Teatro, Xeografía e Historia, Diversidade e Familias), coordinados por David Amboage, Mercedes López-Mayán, Guadalupe Pardo, Elisabet Ríos e Noé Vázquez, contaron coa participación dun total de 104 lectores e lectoras, repartidos entre alumnado de todos os cursos e familias, e leron 25 títulos diferentes, en galego, castelán, portugués e francés. Ademais das sesións de posta en común e discusión sobre as lecturas, puideron disfrutar de múltiples actividades (obradoiros de escrita, encontro con autores/as, roteiros literarios ou as visitas á libraría Berbiriana con motivo do Día do Libro e a ExpOtaku).
Moitísimas grazas a todos/as os/as participantes polo interese e ilusión amosados!
CALENDARIO DOS EXAMES EXTRAORDINARIOS DE BACHARELATO (1º E 2º)
Reunión informativa sobre o programa Bachibac
O pasado xoves, 25 de maio, tivo lugar unha reunión informativa sobre Bachibac destinada ás familias do alumnado de 4º ESO que está interesado en incorporarse a este programa para o vindeiro curso 2023-2024.
A sesión foi organizada e impartida por Blanca Riestra e Mercedes López-Mayán, que agradecen o interese dos/as asistentes cara a este sinal de identidade do IES Plurilingüe Xosé Neira Vilas.
NORABOA Á NOVA PROMOCIÓN BACHIBAC 2021-2023
Un ano máis o Instituto Neira Vilas celebra con orgullo a graduación dunha nova e brillante promoción de Bachibac, que obtivo un éxito do 100% na proba externa conducente á obtención da dobre titulación de Bacharelato e Baccalauréat. Noraboa a todo o alumnado polo seu esforzo e talento, e moita sorte nas andainas que agora emprenden!
