Arquivo da categoría: Anpa

SUBVENCIÓN RECIBIDA DO CONCELLO DE OLEIROS

Dende a Anpa IESP Xosé Neira Vilas queremos agradecer ao Concello de Oleiros a súa contribución a que as actividades extraescolares do noso centro poidan desenvolverse a un prezo razoable.

Neste link tedes acceso á resolución do concello que nos concede unha subvención de 1.337,60 € (mil trescentos trinta e sete euros con sesenta céntimos) para o desenvolvemento das ditas actividades.

SUBVENCIÓN ANPA ARCE IES NEIRA VILAS 2018-2019

APRENDENDO A ESTUDAR

CHARLA ORIENTADA ÁS FAMILIAS

Éxito rotundo da charla impartida hoxe 20 de decembro no salón de actos do IES Plurilingüe Xosé Neira Vilas por Belén Pérez Sanmartín ás familias co obxecto de complementar o traballo realizado co alumnado de 1º ESO do noso centro durante as catro sesións de técnicas de estudo impartidas o pasado mes de novembro.

Noraboa Belén, co teu traballo tanto o profesorado, como o alumnado e as familias saímos gañando.

O ESTUDO FÁCIL

Dende hai xa varios anos a Anpa Arce Xosé Neira Vilas recoñece a importancia que ten saber estudar para que o alumnado poida acadar uns bos resultados académicos sen renunciar a outras actividades que tamén contribúen á súa formación integral como persoa.

Facilitar o coñecemento das técnicas de estudo ao alumnado do noso centro pasou a se unha das nosas prioridades, dándolle forma a través da actividade extraescolar de Técnicas de estudo grazas ao traballo e bo facer da pedagoga e especialista Belén Pérez Sanmartín.

Tras varios anos de excelentes resultados no noso centro comezamos este curso cun novo proxecto, en colaboración co departamento de Orientación, para incluír un programa específico de técnicas de traballo intelectual para o alumnado de 1º de ESO, por ser o ano de incorporación ao centro escolar o que entraña maior esforzo organizativo a nivel académico.

O devandito programa consta de catro sesións, que se desenvolven durante as titorías do mes de novembro e serán impartidas pola pedagoga e especialista Belén Pérez Sanmartín, pioneira na implantación desta materia na nosa comunidade escolar.

A nosa anpa faise cargo da totalidade do financiamento para o curso de 1º ESO, esperando que o alumnado e as súas familias poidan aproveitar esta gran oportunidade.

Este programa de técnicas de estudo tamén se oferta coma actividade extraescolar da anpa do instituto os xoves en horario de 16:15 a 17:55h e sen límite de idade para todo o alumnado que o precise.

A Xunta Directiva da Anpa Arce Xosé Neira Vilas

ACTIVIDADES EXTRAESCOLARES ORGANIZADAS POLA ANPA

Estimadas familias,

Dende a ANPA querémosvos convidar a participar das actividades extraescolares que temos previstas para o curso 2018/2019.

Podedes descargar aquí o Cartel extraescolares 2018-2019 e a folla de Inscrición actividades 2018_2019 .

As familias interesadas terán que entregar a folla de inscrición debidamente cuberta na ANPA o antes posible, ben físicamente os luns pola tarde na oficina da ANPA, no buzón que temos no instituto ou por email na dirección anpaneiravilas@gmail.com

Saúdos

A Directiva da ANPA

RECOLLIDA DOS LIBROS DE PRÉSTAMO DA ANPA

O MARTES 04/09/2018 en horario de 16:00 a 19:00 h 
  • Recolleremos os libros prestados do fondo da ANPA aos alumnos da convocatoria de setembro, así como ao resto do alumnado que non entregara os ditos libros de préstamo no mes de xuño.
  • Recolleremos as solicitudes de libros para o curso 2018/2019.
En caso de imposibilidade para acudir o martes no horario indicado poñédevos en contacto coa Anpa por correo electrónico:   anpaneiravilas@gmail.com
 Lembramos que o alumnado que non devolva os libros do fondo da Anpa perderá o dereito a participar no intercambio para o curso 2018/2019
Un saúdo,
A Xunta Directiva
ANPA Arce IESP Xosé Neira Vilas

Fondo de libros da ANPA

A continuación informamos das datas e horarios establecidos para a recollida de libros do fondo da ANPA, así como para a entrega de solicitudes para o curso 2018/2019.
Os alumnos que teñan materias pendentes para setembro teñen que devolver os libros das materias aprobadas. En setembro deberán entregar TODOS OS LIBROS de préstamo e solicitar os libros que necesiten para o curso 2018/2019, tanto se aproban como se repiten curso.

 

Recollida de libros + entrega de solicitudes en xuño
LUNS 25/06/2018 de 10:00 a 13.30 h e 16:00 a 18:00 h
 
Recollida de libros + entrega de solicitudes en setembro: 
publicarase na páxina web do instituto no apartado da ANPA, aínda que se procurará que coincida nas mesmas datas e horas que poña o instituto, para facilitar a xestión, e sempre que sexa posible.

En caso de imposibilidade de acudir o luns no horario indicado, por favor, poñédevos en contacto connosco por correo electrónico:   anpaneiravilas@gmail.com
Un saúdo,
A Xunta Directiva
ANPA Arce IESP Xosé Neira Vilas

ACTIVIDADE EXTRAESCOLAR “ENGLISH CLUB”

A actividade extraescolar organizada pola anpa “English Club” está conseguindo moitos éxitos, tanto aquí coma no centro de fala inglesa co que colaboramos, o Blackburn Central High School.

Na páxina do centro fan unha mención especial á nosa actividade, e alaban o enorme éxito que está tendo, tanto a nivel de aprendizaxe da lingua como das relacións interpesonais que se consiguen a través da comunicación entre o alumnado de ambos centros.

Hello to our Spanish Sister School

Noraboa a todos e a todas polo esforzo e os resultados acadados!!!