Arquivo da categoría: Anpa

Actividades, Alumnado, Anpa, Curso 2023-2024, Curso Actual, Departamento de Educación Física

Actividades co alumnado

Nestes días realizáronse  diversas actividades con alumnado do Neira.

Sesións de defensa persoal impartidas ao alumnado de 4º ESO e 1º de BACH, organizadas pola ANPA en colaboración co Departamento de EF do noso centro. Esta foi a primeira sesión das tres das que consta o breve cursiño introdutorio que imparten a xente da Asociación Galega de Bujutsu Sosei.

Encontro coa escritora Antía Yáñez no auditorio da Fábrica, quen lles falou este martes ao alumnado de 3º ESO da súa obra Non penses nun elefante rosa e doutros títulos da súa produción.

Sesións enmarcadas no Programa para o fomento da lectura que ofrece a Biblioteca de Rialeda, a onde acudiu o noso alumnado de 2º ESO para escoitar a Charo Pita contando varios dos relatos mitolóxicos incluídos nas Metamorfoses, de Ovidio.

Anpa, Curso 2023-2024, Curso Actual

SUBVENCIÓN CONCEDIDA POLO CONCELLO DE OLEIROS

O Concello de Oleiros ao abeiro da Convocatoria para a concesión de subvencións  para a promoción da cultura e o deporte para o ano 2023 (Decreto da Alcaldía nº2023002343 de 08/05/2023),  mediante resolución de decembro de 2023,  acordou conceder á ANPA ARCE DO IES XOSÉ NEIRA VILAS a subvención  de 7442 euros para as actividades de : técnicas de estudo,  English Club, Taller de xestión emocional, iniciación ao comic e manga, defensa persoal, linguaxe de signos e limpeza de praias.

Anpa, Curso 2023-2024, Curso Actual

TALLER DE XESTIÓN EMOCIONAL CON SARA VIERNA, DE ALMAS MERAKI

Os días 18, 19 e 20 de decembro tiveron lugar varios talleres de xestión emocional impartidos por Sara Vierna, de Almas Meraki, ao alumnado de 3º ESO. A actividade estivo financiada pola ANPA Arce do noso instituto e tivo o obxectivo de traballar e dotar ao alumnado de ferramentas para tomar conciencia das situacións que lles provocan malestar, repensar as súas identidades e potenciar competencias persoais como a regulación emocional.

 

Actividades, Alumnado, Anpa, Curso 2023-2024, Curso Actual

OBRADOIROS DE TÉCNICAS DE ESTUDO

Este mes de novembro comezaron a desenvolverse no noso centro os obradoiros de técnicas de estudo, dirixidos ao alumnado de 1º, 2º e 3º ESO e organizados e sufragados, como en cursos anteriores, pola ANPA Arce. As sesións son impartidas por Belén Pérez Sanmartín, especialista en técnicas de estudo e pedagoga en “Eleeméntal. Logopedia y Pedagogía”, situado en Perillo. O seu obxectivo é contribuír a dotar ao alumnado das ferramentas precisas para organizar o seu traballo, xestionar o tempo e desenvolver estratexias que permitan mellorar o seu estudo.

Anpa, Curso 2023-2024, Curso Actual, Sen categorizar

ASEMBLEA XERAL ORDINARIA 2023

Convócanse a todas as familias socias e invítanse a todas as familias non socias a unha asemblea xeral ordinaria da Asociación de nais e pais do IESP Xosé Neira Vilas.

    • Data: Xoves 14 de decembro de 2023
    • Hora:
      • 18:30 en 1ª convocatoria.
      • 19:00 en 2ª convocatoria.
    • Lugar:   IESP Xosé Neira Vilas.

A continuación achéganse os seguintes documentos (premer en cada un deles para a súa visiluazación ou descarga):

– Convocatoria da asemblea cos puntos para tratar nela.

– Acta da Asemblea Xeral Ordinaria do ano 2022 para a súa lectura e posterior aprobación na reunión.

– Memoria de xestión anual do curso 2022 – 2023.

Esperamos contar coa vosa presenza.

 

 

Actividades, Alumnos, Anpa, Curso 2022-2023, Curso Actual

CAMPAÑA INFORMATIVA ANPA ARCE NEIRA VILAS

Estimadas familias.

O ANPA Arce Neira Vilas ten como fin ser parte activa da comunidade educativa e colaborar co centro educativo e as administracións competentes na mellora da educación dos nosos fillos e fillas.

Gustaríanos que todas as familias do centro coñezcan  mellor a nosa asociación e se animen a formar parte dela, xa sexa a través dunha participación activa ou facéndose socias.

Para iso, pareceunos importante explicar, cun pouco máis de detalle, o que facemos na actualidade e facer pública a memoria de actividades.

Con este obxectivo, achegámosvos un cartel informativo coas accións que levamos a cabo e a memoria de xestión anual do curso 2022-2023.

Estaremos encantadas/vos de que vos poñades en contacto connosco  e vos animedes a colaborar.

Un afectuoso saúdo.

MEMORIA DE XESTIÓN ANUAL ANPA IES NEIRA VILAS.

Actividades, Anpa, Curso 2023-2024, Curso Actual, Sen categorizar

Actividades extraescolares 2023-2024

Durante o curso 2023-2024 o ANPA Arce do IES Xosé Neira Vilas oferta varias actividades os xoves pola tarde. Estas actividades darán comezo previsiblemente o 5 de outubro.

A primeira clase poderá ser de proba e se despois de acudir, o menor e a familia deciden non continuar, non se cobrará a primeira cota.

 

DEFENSA PERSOAL

Nesta actividade aprenderanse técnicas de defensa e autoprotección destinadas a preservar a integridade física e aumentar a seguridade nun/nunha mesmo/a a través do respecto aos demais e a disciplina.

Horario: xoves de 16.45 a 17.45

Custo: 18€ (custo para un mínimo de 20 participantes) socios/as

 

Seguir lendo Actividades extraescolares 2023-2024 →

Anpa, Curso Actual, Sen categorizar

Reparto dos manuais do banco de libros

 Información relativa á entrega dos manuais do fondo de libros.
 
Entrega de manuais: O luns ao longo da mañá serán entregados en horario lectivo os libros adxudicados aos alumnos que así o solicitaron. Lamentablemente nalgunhas materias hai mais solicitudes que libros no fondo, así que este ano non se puido cubrir toda a demanda.

Devolución de libros do curso pasado: Rogamos a aquelas familias que aínda non devolveron os manuais fágao o máis axiña posible, desta forma poderemos satisfacer máis peticións nos casos de alumnos que nesta primeira repartición quedaron sen eles.

Doazón: aproveitamos  para lembrarvos a importancia das doazóns de libros, sen elas non se poderá seguir levando a cabo este proxecto que tanto axuda ás familias. O número de manuais doados descendeu e con iso as solicitudes que desde o ANPA podemos resolver favorablemente. Por iso animámosvos a doar, aínda estades a tempo!

Un saudo e feliz comezo de curso
Anpa, Curso 2022-2023, Novedades

Préstamo de libros curso 2023-2024

Información relativa ao fondo de libros 2023-2024

– Devolución dos manuais prestados: levarase a cabo o día 26 coincidindo coa entrega de notas en horario de 10:30 a 13:00.
– Doazón de manuais: todas aquelas familias que desexen doar libros para o fondo poderá entregalos no mesmo horario da devolución. Aproveitamos para agradecervos esta colaboración que fai que desde o ANPA podamos continuar con este labor.
– Solicitude de libros para o curso 2023-2024: achegamos os impresos de solicitude que se entregarán cubertos o mesmo día 26 ou ben poderá ser enviado por correo electrónico ao   mail do ANPA (anpaneiravilas@gmail.com). Este curso cámbianse os libros de 2º da ESO, non coincidindo ningún co curso pasado polo que non será posible facer préstamos neste curso.
– A entrega dos manuais do próximo curso será previsiblemente no mes de setembro, avisarémosvos de data e hora por leste mesmo medio.
Lembrarvos que para poder ser beneficiarios do préstamo de libros é imprescindible a devolución de todos os manuais prestados para este curso que termina (incluídos os de segundo) e informarvos que como todos os anos, os socios do ANPA terán preferencia no préstamo sobre as familias que non son socias. Podédes consultar o décalogo de préstamo aquí.
 Deixámosvos aquí  a ficha de alta como socios do ANPA no curso 2023-2024 para todas as familias que así o desexen. Deberá ser debidamente cumprimentada e entregada en man ou enviada por correo electrónico xunto co xustificante de pago.
Un saúdo e feliz verán.
Impresos solicitude de libros: