Segundo se comunicou a toda a comunidade educativa a través de Abalar, a Dirección Territorial autorizou o vindeiros luns, 4 de maio, como día non lectivo de centro, polo que nesa data non haberá clase e o centro permanecerá pechado.
Arquivo da categoría: Curso Actual
REUNIÓN INFORMATIVA SOBRE O PROGRAMA BACHIBAC
O vindeiro xoves, 30 de abril, ás 18:30 h. terá lugar no Salón de actos do centro unha reunión informativa sobre o programa de dobre titulación Baccalauréat-Bacharelato (Bachibac), que, dentro do sistema de ensino en Galicia, só existe no noso centro. A xuntanza está dirixida prioritariamente ao alumnado e ás familias do alumnado que actualmente cursa 3º e 4º ESO para que aquelas persoas interesadas en incorporarse ao programa en Bacharelato coñezan mellor como funciona, cal é o plan de estudos, que requisitos de acceso existen e outras cuestións de interese.
PROCESO DE ADMISIÓN DE ALUMNADO DE NOVO INGRESO (CURSO 2026-2027)
Xa están publicadas no taboleiro do centro e na aplicación admisionalumnado:
– as listaxes definitivas do alumnado admitido nos cursos de 3º e 4º ESO e 2º Bacharelato (Ciencias e Tecnoloxía).
– as listaxes provisionais do alumnado admitido e excluído nos cursos de 1º ESO, 1º Bacharelato e 2º Bacharelato (Ciencias Sociais e Humanidades), por ser os postos escolares ofertados inferiores ao número de solicitudes de admisión.
Poderase formular reclamación ás listaxes provisionais ante o Consello escolar no prazo de 5 días hábiles contados a partir do seguinte ao da súa publicación (do 29 de abril ao 6 de maio, ambos incluídos). Estas reclamacións entenderanse estimadas ou desestimadas coa publicación das listaxes definitivas.
Defensa persoal
Actividad ofertada polo Concello de Oleiros para todo o alumnado de 1º ESO. Realizouse nas instalacións da piscina de Perillo.
Parkour
Actividade ofertada polo Concello de Oleiros. Participa todo o alumnado de 2 ESO. A actividade realizouse na pista de Bastiagueiro.
CALENDARIO DE EXAMES FINAIS DE MATERIAS PENDENTES DA ESO
Indícanse as datas e horas dos exames finais de materias pendentes da ESO, aos que deben presentarse aqueles/as alumnos/as de 2º, 3º e 4º ESO que teñan materias pendentes de cursos anteriores e que non as recuperaron a través dos traballos e probas plantexados polo profesorado correspondente ao longo do curso.
PARTICIPACIÓN DO NOSO ALUMNADO NA III FESTA DO LIBRO NA RÚA
O vindeiro domingo, 26 de abril, ás 13:00 h. un grupo de alumnos e alumnas do noso centro representarán a obra de teatro “Unha tarde con Rosalía de Castro”, como parte das actividades programadas polo Concello de Oleiros no marco da III Festa do libro na rúa. Dita iniciativa terá lugar no Parque José Martí de Santa Cristina. Non a perdades!
OBRADOIROS DE JIU-JITSU ORGANIZADOS POLA ANPA ARCE
A Anpa “Arce” do noso centro organizou unha serie de obradoiros de Jiu-Jitsu destinados ao alumnado de 1º ESO a 1º Bacharelato e impartidos na segunda quincena de abril polo Judo Club Coruña. O venres 17 de abril o xornal “La Opinión” de A Coruña adicoulle á iniciativa unha reportaxe, que se pode consultar no seguinte enlace: https://www.
BEGOÑA CAAMAÑO E A REESCRITURA DO MITO
Grazas ao Servizo de Dinamización Lingüística do Concello de Oleiros, os grupos de 2º de Bacharelato puideron gozar o pasado 16 de abril dun revelador obradoiro sobre Begoña Caamaño. Antía Otero impartiu esta actividade ilustrativa non só da escrita da autora a quen se lle dedican as Letras Galegas de 2026, senón que tamén nos levou de viaxe polos territorios gregos, por Ítaca ou por Eea. Ademais, achegámonos a Avalon da man de Morgana e, por último, e máis relevante tomamos a man de Circe e de Penélope e experimentamos a escrita sorora cos nosos bolis. Rematamos esta xornada e levamos na nosa cabeza o convencemento de que nós “tamén navegar”!
FESTIVAL COA BOCA CHEA
Unha vez máis, o Concello de Oleiros e o Equipo de Normalización e Dinamización da Língua do IES tiveron o pracer de compartir, coa rapazada de 3º ESO, unha xornada coa boca chea de galego. O artista deste encontro foi o escritor e director de teatro Cándido Pazó.
