Arquivo da categoría: Curso

Alumnos, Curso 2021-2022, Curso Actual, Matrícula, Secretaría

QUENDAS DE MATRÍCULA

PERIODO DE MATRÍCULA: DO DÍA 28 DE XUÑO AO 10 DE XULLO

HORARIO: DE 9:00 H A 13:00 H

O EQUIPO DIRECTIVO PROPÓN AS SEGUINTES QUENDAS PARA OS DISTINTOS NIVEIS, EN ARAS DE EVITAR LONGAS ESPERAS

CURSO DÍA HORA 1º APELIDO d@ alumn@ QUE COMECE POR
1º ESO 28 de XUÑO 9-11 A ata C
11-13 D ata Q
1º ESO 29 de XUÑO 9-11 R ata Z
2º ESO 29 de XUÑO 11-13 A ata C
2º ESO

2º ESO

 30 de XUÑO 9-11 D ata Q
11-13 R ata Z
3º ESO 1 de XULLO 9-11 A ata C
11-13 D ata Q
3º ESO 4 de XULLO 9-11 R ata Z
4º ESO 4 de XULLO 11-13 A ata C
4º ESO 5 de XULLO 9-11 D ata Q
11-13 R ata Z
1º Bach

 

 6 de XULLO 9-11 A ata C
11-13 D ata Q
1º Bach

2º Bach

 7 de XULLO 9-11 R ata Z
11-13 A ata C
2º Bach 8 de XULLO 9-11 D ata Q
11-13 R ata Z

Aquelas familias que teñan máis dun/ha fillo/a no centro, poderán formalizar a matrícula o mesmo día para todos/as.

DOCUMENTACIÓN NECESARIA PARA FORMALIZAR A MATRÍCULA

Unha copia dos impresos de matrícula entregarase coas notas ao alumnado o día 28 de xuño.

IMPRESO MATRÍCULA ESO

IMPRESO MATRÍCULA 1º BACHARELATO

IMPRESO MATRÍCULA 2º BACHARELATO

Actividades, Alumnos, Curso 2021-2022, Curso Actual, Departamento de Bioloxía e Xeoloxía, Departamento de Educación Física, Departamento de Música

Despedida do curso académico 2021-22

22 de xuño de 2022 representou o último día de acción e diversión educativa do curso académico.

Arredor da pista principal do IES, o alumnado de Cultura Científica de 4º ESO elaborou prácticas sinxelas de laboratorio que explicou a compañeiras e compañeiros. O departamento de Educación Física implicou a profesorado e alumnado nunha sesión de xogos populares, e alumnado da Escola de Música de Oleiros -baixo a supervisión do departamento de Música do centro educativo- realizou unha pequena actuación musical.

Grazas pola colaboración de todas e todos nesta despedida de curso académico. Bo verán a toda a comunidade educativa!!!

Actividades, Alumnos, Curso 2021-2022, Curso Actual

#NeiraNaukas22

Grazas á colaboración de alumnado de profesorado, xunto con colaboración externa e o apoio do concello de Oleiros -que amablemente nos cedeu o Auditorio da Fábrica de Perillo para a ocasión, o martes 21 de xuño de 2022 (entre as 11:00 e as 14:00 horas) tivo lugar #NeiraNaukas22, suite da primeira edición que tivemos en 2019.

Agradecemos á comunidade educativa do IES Plurilingüe Xosé Neira Vilas a participación e asistencia a este evento, que non debe ser máis ca un chanzo máis na construción das diferentes edicións NeiraNaukas.

Actividades, Alumnos, Curso 2021-2022, Curso Actual, Departamento de Educación Física, Departamento de Inglés, Excursións

Un día nas Cíes

Difícil non disfrutar dunha contorna de tanta beleza! Que afortunadas e afortunados de chegar á mellor praia do mundo!

Cíes, paraíso terreal, foi onde aconteceu unha xuntanza especial para despedir un curso académico intenso, mais cheo de fermosas experiencias que nos fixeron aprender de marabillosas amizades e de compañeir@s inigualábeis. Porque xa formades parte das nosas vidas… GRAZAS!!!

Alumnos, Curso 2021-2022, Curso Actual

… E Pelayo gañou

O 4 de maio de 2022, un grupo de 6 alumnas e alumnos de 3º ESO do IES Plurilingüe Xosé Neira Vilas acudíu a Santiago de Compostela á convocatoria da fase autonómica da I Olimpíada Junior de Xeografía… Entre eles, Pelayo Blanco García, alumno de 3º ESO B, que tempera nervos e visitou unha cadea de comida rápida norteamericana por primeira vez: viña de ser 3º na fase rexional.

A chamada do Colexio de Xeógrafos advertía a Pelayo de que o 16 de xuño se ía batir a nivel estatal… E estivo unha tarde tórrida diante do ordenador…. Para quedar CAMPIÓN ESTATAL DA I OLIMPÍADA JUNIOR DE XEOGRAFÍA!!!!

Parabéns, Pelayo!

Curso 2021-2022, Curso Actual, Dirección

Graduación 2022

O venres 27 de maio tivo lugar a graduación da promoción que remata 2º Bacharelato en 2022. O acto -coa participación de toda a comunidade educativa e a asistencia do alcalde de Oleiros- tivo lugar no auditorio Gabriel García Márquez de Mera.

Nunha festa para a lembranza, Rita Ardao e Javier Méndez conduciron unha gala que contou cos discursos do director Fernando Vidal, a profesora Mercedes López-Mayán e o pai Moisés Canle, xunto coas alocucións de Iker Naveira e Luisa Tova por parte do alumnado.

Actividades, Alumnos, Curso 2021-2022, Curso Actual, Departamento de Orientación

COMPARTIR EXPERIENCIAS

O pasado 3 de maio os exalumnos Pablo Forján, Miguel Pérez e Mateo García compartiron co alumnado de 1º de bacharelato as súas experiencias e vivencias como universitarios.

A través dunha presentación faláronlles de numerosos aspectos moi importantes como: a transición do Instituto á Universidade, a importancia das rutinas e os hábitos na univesidade, as ventaxas e inconvintes de estudar preto de casa ou noutra cidade distinta…

Alumnos, Curso 2021-2022, Curso Actual

PREMIOS EXTRAORDINARIOS DE BACHARELATO 2021-2022

A Consellería de Cultura, Educación e Universidade convoca os Premios Extraordinarios de Bacharelato correspondentes ao curso 2021-2022.

O prazo de presentación de solicitudes comezará o día 26 de abril de 2022 e rematará o día 25 de maio de 2022.

Pode participar todo o alumnado que finalizase os estudos de bacharelato no curso 2021/22 nun centro docente da Comunidade Autónoma de Galicia, ben na modalidade presencial ou na modalidade a distancia, fose proposto para título na convocatoria ordinaria do dito curso e obtivese unha
nota media do bacharelato igual ou superior a 8,75.

A realización da proba terá lugar o día 23 de xuño de 2022 e realizarase nos lugares e no horario que se darán a coñecer mediante resolución publicada no Diario Oficial
de Galicia e no portal educativo da Consellería de Cultura, Educación e Universidade.

Toda a información aquí:

Actividades, Alumnos, Curso 2021-2022, Curso Actual, Excursións

Courel 2022

As montañas, as fragas, os soutos e paxaros foron quen de facernos achar seres prodixiosos, de aprender dos outros e de ser un/ha mesma/o. A visita ao Courel apartounos do mundo por un intre e fíxonos gozar da amizade, da empatía e de longas conversas cheas de sorrisos, de camiñadas que recompoñen, de afecto… Que terán aquelas paisaxes para lembrar tanta ledicia!!!

“Eu non sei para onde vai

mentres o quedo ollando.

Só sei que alí se cumpre

o sono que estou soñando”.

  • Consulta todas as imaxes da visita do alumnado de 1º ESO ao Courel dos días 20 a 22 de abril, nesta galería.