O alumnado de 2º de Bacharelato asistiu a unha charla do programa “ENTRA NO FUTURO” organizada pola UDC. Nesta ocasión, un profesor, como embaixador da Universidade de A Coruña (UDC), visitou o centro para impartir a charla sobre a Universidade, as titulacións de grao, as becas e a vida universitaria.
O martes 25 de febreiro o alumnado de 2º de Bacharelato asistiu a unha charla informativa sobre a estrutura e funcionamento das probas PAU e sobre o procedemento de acceso ao sistema universitario galego. Foi impartida no noso instituto no marco do programa divulgativo “A ponte” da Universidade de Santiago de Compostela.
febreiro de 2025 celebrouse no Pavillón Arsenio Iglesias de Santa Cruz a IV Feira de Orientación académica e profesional do Concello de Oleiros, dirixida ao alumnado de 4º ESO e 2º Bacharelato.
Trinta e unha entidades entre as que se atopan Universidades, Dirección Xeral de Formación Profesional e centros de FP, escolas públicas e privadas de distinta índole (hostalería, finanzas, pilotos e persoal de cabina, artes gráficas, escola de artes e deseño, imaxe e son,…), academias, Forzas Armadas e Garda Civil, entre outras, informaron durante todo o día sobre as diferentes alternativas académicas e profesionais a disposición do alumnado. Seguir lendo XORNADA DE ORIENTACIÓN ACADÉMICA E PROFESIONAL PARA O ALUMNADO DE 4º ESO E 2º BACHARELATO
O pasado 14 de xaneiro a orientadora do noso centro, Beatriz Hermida, impartiu unha charla de orientación académica en todos os grupos de 4º ESO, centrada en informar ao alumnado sobre as ensinanzas de formación profesional e as ensinanzas de réxime especial, con particular atención ás ensinanzas deportivas e ensinanzas artísticas (ensinanzas de arte dramática, de artes plásticas e deseño, e de conservación e restauración de bens culturais).
O venres 31 de maio o alumnado de 6º EP do CEIP Ramón María del Valle-Inclán visitou o noso instituto, onde se incorporará a 1º ESO o curso que vén. Despois de ser recibido no Salón de Actos polo equipo directivo, a orientadora, Lorena Insua, e varias alumnas do equipo de mediación explicáronlle algunhas cuestións básicas do funcionamento do centro. A continuación, o alumnado visitou as instalacións do instituto, guiado por membros do equipo de mediación, e disfrutou dunha merenda final no patio antes de voltar ao colexio.
Obradoiros de educación afectivo-sexual, ofrecidos polo Servizo Municipal de Educación e Xuventude e solicitados polo Departamento de Orientación para os cursos de 1º a 4º ESO. Aquí temos ao alumnado de 4º ESO B e PDC atendendo ás explicacións da formadora Silvia Varela.
Concerto dos maios: o pasado venres, 10 de maio, o noso alumnado de 2º e 3º ESO tivo o pracer de escoitar en directo a música do grupo A Trabe d’ouro e aprender algo sobre o costume de facer os maios chegado este tempo. O concerto tivo lugar no Auditorio da Fábrica, en Perillo, e foi organizado polo Departamento de Música coa colaboración do Concello de Oleiros.
Ao longo desta semana, a orientadora do centro, Lorena Insua, impartiu ao todo o alumnado de 4º ESO unha charla sobre orientación académico-profesional na que lle explicou o funcionamento e características da Formación profesional e do Bacharelato, así como o sistema de acceso á universidade, e lle achegou estratexias de autocoñecemento e toma de decisións para a orientación do seu futuro académico e laboral. Proximamente, completarase a información suministrada nesta charla coa explicación detallada do programa Bachibac.
O luns 18 de decembro comezaron as sesións de formación avanzada en mediación para un grupo de alumnas e alumnos de 2º e 3º ESO e 1º de Bacharelato que forman o equipo de mediadores/as do centro. A formación, subvencionada polo Concello de Oleiros e inscrita nas accións previstas no Plan de convivencia do instituto, continuará no mes de xaneiro con novas sesións para o alumnado e tamén para o profesorado.
O alumnado de 6º de Primaria do CEIP Valle-Inclán visitou o venres 31 de maio o noso instituto para un primeiro contacto co que vai ser o seu centro escolar os próximos anos. Tedes toda a información neste enlace do Departamento de Orientación.
