Organizado polo Equipo de Convivencia e Mediación celebrouse o obradoiro “APRENDENDO A MEDIAR”, dirixido á alumnos que xa tiñan recibido formación sobre o tema en cursos anteriores. A súa duración foi de 12 horas e rematou a pasada semana.
Seguir lendo Aprendendo a mediar
Arquivo da categoría: Departamento de Orientación
Xornada Informativa sobre a E.T.S. de Enxeñeiros de Camiños, Canais e Portos da Coruña
O pasado 15 de febreiro, estiveron con nós Ignacio Colominas, director da escola de enxeñaría, e Iván Couceiro, para falarnos das grandes obras de enxeñaría que desenvolve un titulado que remata os dous graos que se poden cursar:
- Grao en Tecnoloxía da Enxeñaría Civil
- Grao en Enxeñaría de Obras Públicas.
Charla sobre supercondutividade
Dentro do progr
ama “APONTE” da USC (Universidade de Santiago de Compostela) o profesor Jesús Manuel Mosqueira Rey impartiu unha charla sobre supercondutividade dirixida á alumnado de 1º e 2º de bacharelato.
O relator, que é profesor da Facultade de Física e ademais é investigador no Laboratorio de Baixas Temperaturas e Supercondutividade da USC , falou sobre a investigación e as numerosas aplicacións dos materiais supercondutores.
Unha das aplicacións máis espectaculares é a levitación magnética que o profesor presentou por medio dunha maqueta de tren.
Obradoiro de Formación en Prácticas Restaurativas para o Alumnado
Con data 15 e 16 de decembro de 2016 desenvolveuse no noso IES un obradoiro de formación en Prácticas Restaurativas dirixido aos alumnos do Equipo de Convivencia e Mediación, obradoiro que ven a dar continuidade ás xornadas realizadas para o profesorado nos dous cursos anteriores.
As Prácticas Restaurativas son unha metodoloxía que se ven desenvolvendo dende fai anos con grande éxito en institucións que traballan con poboación xuvenil, sexa dende una perspectiva xudicial, social ou educativa. A súa idea central é abandonar os modelos tradicionais punitivos de xestión (modelos retributivos, que non teñen eficacia) sustituindoos por modelos restaurativos.
Asistiron un total de 24 alumnos e o relator foi Ferrá Erra Más, presidente da Associació Catalana de Pràctiques Restauratives e membro da Direcció General d’Atenció a la Infància i l’Adolescència (DGAIA). A duración foi de 10 horas de formación. Ferrán ten unha ampla experiencia con menores. Estivo traballando para unha ONG en Bolivia, nun centro penitenciario, colaborando na creación dun proxecto educativo para os mozos internos.
Ferrá traballou directamente cos alumnos do equipo de mediación, para proporcionarlles una formación básica como facilitadores de círculos restaurativos, de xeito que sexan capaces de moderar círculos nos que se poidan xestionar problemas de convivencia entre o alumnado.
A maiores impartiu unha charla a 3º e 4º de ESO e bacharelato na que lles transmitiu as súas vivencias e experiencias.
Curso Internacional en Prácticas Restaurativas
Os pasados 6 e 7 de maio de 2016 celebrouse no noso IESP o Segundo Obradoiro de Prácticas Restaurativas no entorno escolar. Foi ponente do mesmo Jean Schmitz, formador do International Institute for Restorative Practices. Asistiron un total de 17 participantes que puideron actualizar a súa formación nesta interesante metodoloxía ou mesmo acercarse por primeira vez a ela.
O obradoiro tivo un enfoque eminentemente práctico cara a que os asistentes puideran adestrarse na aplicación de diferentes técnicas restaurativas.
As Prácticas Restaurativas proporcionan un enfoque novo e diferente das estratexias para abordar a conflitividade e a disciplina escolar. Mesmo proporciona ferramentas para crear comunidade no centro educativo, mellorando as relacións persoais e o sentimento de pertenza ao grupo e tamén teñen un alto valor como metodoloxía pedagóxica no traballo de aula.
Prácticas Restaurativas
Prácticas Restaurativas
Prácticas Restaurativas
Prácticas Restaurativas
Prácticas Restaurativas
Prácticas Restaurativas
Visita as facultades da Universidade da Coruña
O 4 de marzo o alumnado de 2º de bacharelato realizou esta visita, organizada polo departamento de Orientación, na que puideron coñecer as instalacións, funcionamento e contidos que se imparten en diversas facultades seguindo tres itinerarios distintos en función das preferencias do alumnado. Agradecer á Universidade a organización e atención prestada aos nosos alumnos e alumnas.
Os representantes da CIUG no noso centro
O día 12 de Febreiro, estiveron connosco dous relatores da Ciug ( Comisión Interuniversitaria Galega) para realizar unha xornada de orientación dirixida aos alumnos de 2º de bacharelato.
O contido da exposición estivo centrado nas materias, obxecto de examen das probas PAU así como a cualificación e preinscripción. Tamén nos amosaron datos estadísticos sobre a porcentaxe de alumnos que solicitan a reclamación e segunda corrección. Esta cuestión serviu para clarificarnos que a reclamación é importante cando pode haber algún erro na suma dos apartados dun mesmo exercicio de exame.
A segunda parte gardou relación co acceso á universidade, facendo fincapé no riguroso orde de solicitude de titulacións que se debe de facer no momento de preinscibirse na universidade.
Obradoiro “Seguridade nas redes”
Os días 25, 26e 27 de Xaneiro desenvolveuse o obradoiro “Seguridade nas redes” dirixido ao alumnado de 1º e 2º de ESO. Foi impartido pola empresa de intervención social “Atalaia Social”. Os obxectivos que se pretenderon acadar son:
- Capacitar ás/ós menores para identificar os riscos nos usos das novas tecnoloxías.
- Tomar conciencia do uso do poder e da presión a través das Redes: ciberacoso.
- Traballar aspectos da intelixencia emocional que poden previr a existencia de situacións de ciberacoso: empatía, expresión de emocións, estratexias de autorregulación…
- Promover o autocoñecemento, proporcionando elementos para apreciar e respetar a propio persoa e ás demais.
- Descubrir recursos comunitarios onde dirixirse ou poder consultar dúbidas, curiosidades ou posibles problemas.
Prevención dos Trastornos da Conduta Alimentaria
O pasado 16 de Outubro, María Blanco Suárez, psicóloga da Asociación de Bulimia e Anorexia de A Coruña impartiu unha charla sobre a “Prevención dos Trastornos da Conduta Alimentaria”, ó alumnado de 4º de ESO.
Os desordes nos hábitos de alimentación teñen unha grande incidencia na etapa da adolescencia. A separación ou divorcio dos pais, a chegada ó Instituto cando non coñeces a ninguén… son exemplos de situacións que alteran a nosa vida e algunhas persoas presentan un desorde adaptativo que pode manifestarse nun trastorno da conducta alimentaria. Os maís coñecidos son a anorexia e a bulimia. As situacións antes citadas, desencadenan pensamentos negativos que algunhas persoas tratan de solventar , alterando os hábitos de alimentación para reducir a ansiedade.
Xornada do Equipo de Convivencia e Mediación
Xornada de Convivencia e adestramento en técnicas de mediación
O pasado luns, 28 de setembro, o Equipo de Convivencia e Mediación realizou unha excursión a Ferrol, Mugardos e Montefaro. No transcurso dun fermoso e soleado día, os integrantes do equipo visitaron o gran Castelo de San Felipe, unha fortaleza militar construída a finais do século XVI para defender a ría e a cidade de Ferrol (coido que naqueles tempos non había mediadores).
Xa na outra marxe da ría, no municipio de Mugardos, o equipo tivo a oportunidade de visitar o Castelo da Palma, da mesma época que o de San Felipe e situado xusto enfronte a un tiro de pedra (anque por carreteira tardamos case unha hora en chegar dun ao outro). No Castelo da Palma tivemos a sorte de ter a axuda de Patricia, a guía do concello de Mugardos, que nos foi explicando a construción militar, que ao que parece, queren converter nun hotel-spa de cinco estrelas. Patricia mostrounos a ponte levadiza, as cubertas, o peirao para o abastecemento, o polvorín, as casamatas os calabozos e a prisión militar, na que, segundo nos dixo, estivo preso un tal Antonio Tejero, que en 1981 protagonizóu un golpe de estado militar contra a democracia española (afortunadamente o golpe non tivo éxito e os seus líderes acabaron na cárcere).
Despois da estupenda visita ao Castelo da Palma subimos a Montefaro, ao Mosteiro de Santa Catalina. Comimos os bocatas no xardín do Mosteiro e logo fixemos un duro adestramento mediante un xogo de rol no que os mediadores tiñan que enfrontarse a un complicado conflito que, anque era inventado, podería perfectamente haber ocorrido no noso instituto. Cando rematamos o adestramento visitamos brevemente o Mosteiro. Está en moi malas condicións e so puidemos ver o claustro e a igrexa.
E logo xa de volta ao bus para chegar a tempo de coller o transporte escolar.
Equipo de Convivencia e Mediación
Equipo de Convivencia e Mediación
Equipo de Convivencia e Mediación
Equipo de Convivencia e Mediación
Equipo de Convivencia e Mediación
Equipo de Convivencia e Mediación
Equipo de Convivencia e Mediación
Equipo de Convivencia e Mediación